اشياء قد تحيرك وانت تقوم بضبط طبق دش .... ولكن

[طارق الصعيدي10]

اشياء قد تحيرك وانت تقوم بضبط طبق دش .... ولكن















اشياء قد تحيرك وانت تقوم بضبط طبق دش .... ولكن
ولكن مـــــــــــــــــــــــــــــــــــــــــــــــــ اذا ؟
ولكن طالما انت علي منتدي المهندسين العرب فلن تحتار القصة الاولي المحيرة والطريفة والتي حدثت معي اليوم

ارسل لي شخص ما يقول لي الطبق لايعطي اشارات لبعض القنوات + هناك تقطيع لبعض القنوات
ها توجهت ومعي الريسيفر الخاص بي وهو كيوماكس عبد العال + سلك دش للاختبار بة + عدة الشغل لحد كدة كويس
قلت بدلاً ن اركب السلك بتاعي اقوم بتركيب الريسفر بتاعي الكيوماكس علي طبق هذا الشخص وجدت ان جميع القنوات تعمل علية التي كانت تقطع عند هذا الشخص والقنوات التي كانت لاتعطي اشارة وجدتها تعمل عندي ثم قمت بتركيب ريسيفر هذا الشخص وكان استرا 9500 وهنا وجدت ان الريسفر لازال القنوات بها تقطيع والقنوات التي لاتعطي اشارة نهائيا وجدت ان معامل التصحيح لها متغير
ولكن لماذا تقطع هذة القنوات علي الاسترا ولاتقطع علي الكيوماكس ؟
هنا لابد ان تشغل دماغك وهنا يظهر الفني والمهندس من بياع الكشري ومبيض المحارة
لان هذا الرجل جاب بياع كشري ليعدل لة الطبق في مقابل حيسقية حاجة ساقعة ويعطية 5 جنية ولكنة فشل حيث قال لة غير الريسيفر والطبق بعد ان طلع عين الراجل وخلاة طلع الريسفر والتلفزيون علي السطوح وزهقة من عمايل الشاي بعد ان ظل يعك ساعتين بدون فائدة
ههههههههههههههه
قلت للزبون قال لك كدة قال نعم .... فقلت لة انتة لازم تغير السكن بتاعك وتبيع الشقة لان العيب في الشقة ولو متحلتش المشكلة يبقي تغير المحافظة
لية يابني كدة تضحك علي الراجل مش عيب
ياجماعة ياهواة ارحموا ...مرة واحد يقول للزبون لما معرفشي يجيب القمر يقوم يقول للراجل القمر دة تاية ومش لاقيينة ولا يلاقوة حاجي اجيبة لك لكن وتاني مرة بيع الريسيفر ةالطبق لان العيب فيهم
طبعاً انا بزود بأة اشمعني انا وقلت للراجل بيع الشقة وان متحلتش المشكلة يبقي العيب في المحافظة غير لان العيب كدة في محافظة المنوفية غيرها وروح الاسكندرية
الاجابة هنا هي
ريسفر الاسترا التيونر بتاعة اضعف من الكيوماكس حيث الاسترا كان متهالك وقديم جدا
يعني نعمل اية؟؟
نغير العدسة ؟ نعدل الطبق؟ ولانغير السلك؟
نبدأ بالاسهل يلة ياعم طارق ياصعيدي هات السلك بتاعك لية ؟ لاني مش حلعب في الطبق اوغير العدسة لا انا تجيب الاسهل فالاصعب
غيرت السلك بتاع الراجل وركبت سلكي وجدت ان الاشارة اصبحت عالية جدا وبقتش القنوات تقطع اةةةةةةة كدة تمام يلة ياعم روح اشتري لك سلك جديد وركبت لة السلك ونظمت لة القنوات
حسابك كام ياباشمهندس طارق ؟
حسابي 40 جنية وهنا يرد الزبون بس وهو فرحان جداً وقال ادي العيش لخبازينة وخد رقم تليفوني وقال سأجيب لك شغل كثير بالبمبلغ اللي تطلبة
وهنا ظهر الفني من بياع الكشري ومبيض المحارة
هذا الدرس نجرج بة بالاتي
1- المهندس مهندس وبياع الكشري ومبيضين المحارة منهم للة
2-سلك الدش وتأثيرة علي جودة بعض القنوات وتقطيع البعض الاخر
3- عندا نقوم بأختبار اعطال الدش نبدأ بالحلول السهلة ثم الاصعب فالاصعب يعني مش اجي اقول للراجل اللي بعض القنوات عندة بايظة او تقطع يلة ياعم طلع لي التلفزيون والريسفر علي السطح وهات الفأس والمنقرة واعمل براد شاي وولع السجاير والحل بسيط جدا
واخيرأ وليس باخر
نتقابل في قصص اخري في عالم التركيبات
تحياتي للجميع
مهندس / طارق الصعيدي

[وائل سماحه]

يا باشا سيب الراجل ياكل عيش

[fares2010]

مشكور ياغالى

[المنصور]

مشكوررررررررررررررررررررررر

[amar_yasser2100]

فعلا واللة ياخى الهواة دول بوظو الدنيا ولازم يكون فى حل للموضوع دة بتاع السنانير كتب على محلة دريم سات واشتغل فى الصيانة وسمى نفسة دكتور الدش بدلامن دكتو ر سنارة

[رضا ميلاد]

بجد كلامك حلو وصدق هذا الكلام بيحصل انا روحت على طبق وقالوا لى واحد جاء وقال هاخذ 50 جنية وكان عطلة الريسيفر مش بيجيب كل القنوات ولم يعملة وانا راحت عملت اية برمجة مصنع وبجد ما اتكلمت علية عشان بجد اللة يرزق الناس وبقولك اللة يوافقك بجد

[انا مصرى]

فعلا اى حد بقى يشتغل فيهم ...حرام ده انا بيصدف قدامى ناس يخربوا الدنيا ويبقى العيب سهل خالص

واعمله ويصعب عليا الزبون والله..

[عادل أبو حميد]

يا سيدى ياما شوفنا حاجات تجنن

[احمدسات222]

انا فني دشا واوالا مبداد في المهنه ديه حصل معيه كل ده وبكتشف في الاخار انا الرسيفر في مشكله جبت رسيفر خاص بيه اشتغل بيا

[احمدسات222]

اعيز اركب عرب سات ونايل سات علي طبق85 وهل ينفع وكمان ينفع التركي مع نايل سات علي 85او100 واشكرن

[haithamhamdi]

عاوز اسئل فغى مشكله صغيره فى الدش
عندى طبق راكب عليه 3 اقمار الطبق متر المهم النايل سات اتنين مخرج واحد داخل فى الاوضه والتانى فى الصاله الى فى الاوضه شغال تمام الى فى الصاله جايب اشاره ضعيفه على بعض القنوات زى روتانا وسى بى سى والنهار
انا قلت المشكله فى الطبق جبت فنى ظبطلى الطبق وعلى الرسيفير بتاعه كله شغال
يبقى مثلا المشكله فى السلك شلت الرسيفير وحطيت واحد تانى كله شغال
المشكله فى الرسيفير ركبت الرسيفير على طبق تانى اشتغل كله تمام
يبقى كده السلك شغال والرسيفير شغال
ملحوظه نفس العدسه الى عليها المشكله شغاله تمام على الرسيفير التانى الى فى الاوضه
وكانو شغالين الاتنين تمام فتره طويله بس العطل جه فجاه
هل فى حل اغير السلك ولا الامبليفير الى قريت عنه ده ولا ايه

[haithamhamdi]

بعد القراءه لمره تانيه توصلت انى المشكله فى السلك من كلام حضرتك اشكرك جدا للافاده

[طارق الصعيدي10]

--------------------------------------------------------------------------------

بعد القراءه لمره تانيه توصلت انى المشكله فى السلك من كلام حضرتك اشكرك جدا للافاده

شكرا علي المتابعه