الى كل فنى دش على المهندسين العرب

[مصطفى ابوالنجا]

السلام عليكم ورحمة الله وبركاته

حبيت اطرح عليكم اقتراح والله فيه فايده لكل من يعمل فى تركيب الدش

بما انو هذه المهنه او الحرفه مش من السهل والله تعليمها وكم عانا اكيد كثير من الاخوة فى تعلمها
ليه يا جماعه ما يبقلهاش قيمة زى باقى المهن
مع انها مهنه كلها فن وتحتاج دماغ من الاخر
اللى حصل فى الاونه الاخيرة انو اجر فنى تركيب الدش هبط الى ادنى ادنى مستوى
يعنى مثلا فى مصر الفنى والله لا يتقاضى اجر اكتر من 30او40 جنيه بس ده مش فى كل المناطق فى مصر
الا طبعا المناطق السياحيه كا الغردقه وشرم الشيخ الخ......
مع انه بيتعب جدا فى تركيب الطبق
دا ناهيك عن خطورتها بما انك تعمل على اسطح عاليه لاقدر الله وحصل شى
ايه هتعمل 30او40 جنيه فى ظل الموجه الحارة القاتله من الغلاء الرهيب وخاصة المصريين
طيب تعالو نتفق على حاجه كلنا
نبقى كلنا يد وحده ونرفع من قيمتنا كافنين لنا خبرة وتعبنا فى تعلم هذه المهنه
ان يرفع الفنى اجره الى اجر افضل بكتير من الاجر اللى بياخده فى السابق

1- تركيب النايل سات فقط على طبق 50 او60سم اجره40جنيه بالمصرى
2-تركيب النايل سات فقط على طبق 120سم اجره50جنيه بالمصرى
3-تركيب نايل سات +اوربى+عربسات يبقى سعره 80جنيه مصرى
4-تركيب طبق متحرك اقمار هذا لا يقل عن سعره عن100 الى 150 جنيه
انا بكلمكم على الشغل اللى فى مصر طبعا كل واحد هيعمل بطريقة بلده
بس ياريت نبقى متحدين ونفز الكلام ده
لانى والله اعرف ليه اصحاب فنينن بياخدو تمن بخث فى شغلهم
اخوكم/ مصطفى ابوالنجا الشهداء - المنوفية

[رمضان غالي]

مشكورررررررر وجارى دراسة الموضوع

[boshii]

يا عم دا احنا دلوقتي بيدللوا علينا وربنا يسترها

[احمد ابو]

الموضوع مكرر ، أدخل هتاااااااااااااا

http://www.mohandsen.com/vb/showthread.php?t=194545

[ashr00]

يا عم دا فى ناس مالهومش فى اى حاجة بيشتغلو فى الدش

[عادل العمدة]

مشكور استاز مصطفى على التكرير