الأقلام أنواع

[الديب sat]

قلمك شريف ولاّع المشاع ما تقول خليك شجاع

قلمك طاهر لحد النخاع صاحب مبادئ ولا جِعجاع

حر نزيه ولا متباع، ما هو أصل الأقلام أنواع

قلم بيدور على راحته متلاقيش فى فصاحته

كداب وفين صراحته رافض متشدد القصد يتودد أما الغرض مصلحته

قلم ميخلصش منه الكلام موافق منافق نمام

يضرب فوق وتحت الحزام حسب الريح أصل الكرسى مريح

وكله أوكى وتمام

قلم ناكر للجميل نمرود ملهوش مبدأ وحقود

يظهر ويختفى وف لحظة يعود جواه أسود غطيس ندل خسيس

عديم الإحساس آخر برود

قلم مطاوع دايما مطيع، أستاذ فى القرع والتقريع

غاوى تجميل محترف تلميع حسب الموجة واتجاه الهوجة

قلم على كل لون سنجابى وساعات عنابى

يوم سلبى ويوم إيجابى واجع دماغنا متسلق لبلابى

قلم أصفر بهتان على كل الألوان غاوى زن

يلف ويدور زى التعبان

قلم مأمور مأجور بالكرسى مبهور لا أصل ولا فعل معذور

أما القلم الحر منادى ودلال لحد ما ينصلح الحال

طاهر شريف من الألف للياء صفته الوفا ودليله الانتماء

من كوثر الحقيقة بيتوضى معدنه نفيس لا دهب ولا فضة

مراية للحقيقة حارس زنهار دقيقة بدقيقة مهما الزمن لف ودار

أبيض وشفاف لا يهاب سيف ولا سياف ضد الظلم عمره ما يخاف الحق حق عفة وعفاف

يصمد ويجذب ويشد لا مع حد ولا ضد

للعدل مشمس وللحق ظل

شعاره الصدق والحياد صاحب مبادئ وعناد

ومش من كتب سطر عقاد

[tiger2000]

بارك الله فيك

[انور حافظ احمد]

[alimahmed]

مشكوررررررررررررررررررررررررررررر