الى شاعرنا هانى الزينى

[هشام زايد]

الى شاعرنا وناقدنا الادبى الاستاذ هانى الزينى
اريد منك ان تنقد تلك الكلامات العابثه بكل ما تعرفه من معلومات
وايضا اريدك ان تلقى نظره الى السلبيات اكثر منها الايجابيات
واعلم اثناء قراتك وردك ستكون اول من فتح باب النقد فى هذا الصرح العظيم
فابتعد اخى كل ما تسطيع عن المجامله
اشكرك اخى

============================
كانت رد على الشاعر الفلسطنيى تميم البرغوثى فى قصيدته قالولى بتحب مصر
توكل على الله والله المستعان
===========================================

مصر يا أم الدنيا من امتى كنتى
قصيده يكتبها مكبوت فى ثانيه


مصـــــر يا أم الكل من امتى
احنا بنفكر نحبك او مانحبكيــــش

يا أم الغوالى حبك عندنا زى
الهرم وشوف فيها كام هرم عالى

مصر يا أم العروبه لو ابنك
ليه يسئلوه عن حبك ماتزعليش

اعمى شاعر بيقولك طايف
كداب ضرير ولا شايف ما تدققيش

سئلوه بتحب مصر السؤال كله
تزوير شكله هاوى فن وتمثيل

لو ابنك مكنش حد سئله منهم
هو فيه فى ولادك حد ما بيحبكيش

شربت من نيلها شفت شوارعها
وبتوجعك دلوقتى قوى حضارتها

طيب ازاى شاعر وشايف الحضاره
حجاره من البدايه كنت لازم تذاكر

كام جميل عليك ليها ؟خلي بنت النيل
رضـــوى تفكــرك لــو كنـت ناسيها

كنت لازم تسئل عنها مريد يقولك
اسئل فلسطين وباب القدس يدلك

مصر اول من شال سلاح عشانكم
مصر اول من انهزم فى بلادكم

مصر اللى فدت ولادها بولادكم
وروت بدم شهدائها اشجاركم

حضارتنا مش حليم و مظهر
بلدنا بلد دنيا ودين احنا بلد الازهر

الخليل وعيسى ويوسف وموسى
سكنوا بنور النبوه ودخلو دارنا

وانت مش المتنبى او حسن ابن
البصرى بس حبناك واخدت قلوبنا

بنحبك يا شاعر ايوه بنحبك بس
بكلامك خلتنا نشك فى حبك لينا

كنت عاوزك بدل ماتعلى صوتك
علينا تقولنا ايه بس اللى بأدينا ؟

قاصد سياسه بس كلامك يا تميم
وجع الغلابه لو خايف بطل سياسه

اوع تكون فاكر انه نسينا اوبعنا
القضيه اوعا يكون خدعك سكوتنا

حكومتنا باعت ايوه باعت بس احنا
مالنا بتلومنا على شى مش بتاعنا

كل الحكايه انه كلمه الحق بيضيع
فيها رقاب ودايما قاسى العتاب

ماانت جربت لما قلت الحق
شربت وشوفت الذل والهوان

لما نفوك وطلعت بره ترمى
الحمل علينا وتقول كنا وكان

تكتب وتهين ويقولو اسمها قصيده
لشاعر اسمه تميم ابدع فى فن الاوزان

كفايه غربه فى بلادنا افضل مهزوم
ولا ارحل عنها مكسور بلا رجوع

انا زيك مش راضى بالخضوع
هقول الحق مش مهم سجن او جوع

كان ناقصك قوه تعبير مش لازم
يحصل تغير بس اكيد الكلام له تاثير

وانت كلامك كان جارح وكله ملامه
لو لسه خايف يا شاعر بطل كتابه

كنت تقصد بمصر الحكومه او
الشعب لازم يكون بين الكلام فاصل

مهو لكل غنوه حدوته وحب مصر
مش قصيده حب مصر هو اللى فاضل

بتقول مصر نفتك والود ودها كانت
فى عنيها حطيتك وبرمشها غطتك

شعب وحكومه وحكومه وشعب
مافرقتش بنهم من البدايه كانت غلطتك

كلامك كله قاسى لكل حاجه ناسى
والغريبه انى شفت مصر وحشتك

وقريت بين السطور شوق وحنيه
شفتك زى الطيور الغربه قتلتك

مصر مش محتاجه شاعر مليون
يحبها مصر فيها مليون شاعر بيكتبلها

مش عاوز اشوفك يا امير خايف
لازم تعرف انك اكتر محتجلها

كل حكايتى مع غنوتك انى شفت
دمعتك وصعبت عليا غربتك

شايفها تركيبه وانا شايفها تحجيبه
بتسترنا وتسترنا ومن غيرك كئيبه

ولا اجبار وفى نفس الوقت مش
اختيار عشان بنحبك يا شاعرنا

انا بطالبك يا ابن مصر
بخمسه وسبعين مليون اعتذار ======================================

[هانى الزينى]

استاذى العزيز هشام

هذه القصيده او هذا اللوم انت ابتعدت به عن الشعر

لانها لا تندرج تحت اى بند من بنوده

فهى عباره عن لحظة غضب من موقف واضح فى العمل

ترد فيها بكل ما اوتيت من فصاحه لدفع عن مصر ظلم ما

وقع من شخص المفروض هو عزيز عليك

اما من ناحية الشعريه فالعمل هرب من بين يديك من شدة غضبك

وهو واضح فى كل بيت على الرغم من وجود صور جميله

توضح مدى انتمائك لهذا البلد

طبعا العمل ليس به وحدة وزن شعرى

اقحام القافيه افقد النص جماله

وعلى فكره استاذ هشام

نقد العمل يعتمد على معرفتنا بالشاعر

واين يقف هو من الشعر

يعنى ده لو عمل لشاعر مبتدىء

نرفع له القبعه

امال لو شاعر له باع بالشعر

فنقوله لا تعالى انت بتتقدم ولا العكس

واسف للاطاله

[هشام زايد]

اخى الكريم قرات نقدك اكثر من مره
فلك ان تعرف انى احب لذه تكرار القراءه
اكثر نم القراءه فى حد ذاتها
اولا اخى هذه كلماتى
لم اقصد وضعها فى شكل قصيده موزنه او غيرها
كتبتها فى حاله اعجابى الشديد بالقصيده الاصليه
كتبتها فى المرحله الثانويه الاولى
نقدك بناء جميل ينم عن خبره
فيه استحضرت ذوقك فى الكلام
دمت بود

[هانى الزينى]

ايوه كده يا عم هشام

كاتبها وانت فى ثانوى

طيب ايه الجمال ده

دا كده تبقى جميله لانى سوف احكم عليها من ناحيه اخرى

شاعر صغير مبتدىء ويكتب القصيده دى دا جميل

وبعدين يا عمنا هشام انت بتمتحنى ولا ايه

با عيتلى قصيده وانت فى ثانوى

طيب محروم من اعمال السنه

وصفر فى التعبير

وكفايه كده احسن هفصلك

[هشام زايد]

ههههههههههههههههههههههههههه

[هشام زايد]

حاشا لله استاذى الفاضل انى امتحنك بالعكس والله انا هنا اول من يتعلم
لكن اخى حضرتك ابرزت وجه للنقد جديد وهو معرفه الشاعر قبل الحكم
لانى كما قلت لك قبل سابق هناك نقد يهدم الشخص ويحطمه ايضا
ولذلك عندما تم نقض تلك الكلمات من قبل وجدت ان النقض هو اكبر منى ومن كلامى
بكثيرررررررررررررررررررررررررررررررررررررررررررر
يجب ان نعرف ان فى الشعر هناك المتنبى وهناك يجلس شاعر ضعيف
هزيل لا يسمعه احد لانه كلامه ربما به اخطاء ولكن هل يبقى فى عزلته
حتى لا احد يقارنه بالمتنبى
ام نساعد على ولاده متنبى جديد
اشكرك استاذى وبعدين كفايه خصم فى الدرجات
دانا غلباااااااااااااااااااااااان

[هانى الزينى]

حد قالك قبل كده ان دمك عسل

بجد انا سعيد انى معك بخفة ظلك ورحك العاليه

وربنا يوفقنا معا لرفعه هذا المنتدى العملاق

[habibalove]

ايه الجال ده وسرعه الاستجابه دى

هو ده الشغل