رجاء حل مشكلتى فى تركيب الشبكه من الداخل هاااااااااااام جدا

[m_m_m_m]

بالنسبه لمشكلتك اعلم ان المشكله سببها يكمن فى ان هناك خطا فى تجميع القنوات و ستجد ان الخيال هذا موجود على القنوات الارضيه على المدى uhf حيث عند تجميعك للقنوات هناك ريسفر او اكثر يسبب ذلك التكبير الوهمى الذى تجده و يظهر على صورة خيال و قد صادفتنى المشكله عدة مرات يجب ان تكون قنواتك على الاقل رتم واحد و الذى يسبب هذا التكبير هو ان احد الريسفرات صورته قويه جدا عن البقيه فيكون تاثيره ذلك و عليك بالاتى
1- جمع قنواتك عادى و لاتزيد عن 3 ريسفرات فى الباقه الواحده
2- بعد تجميع القنوات و على الاقل اصبحت رتم واحد انظر الى القنوات الارضيه و شوف صورتها اذا كانت جيده و حلوه و لا يوجد خيال يمر بها يكون كل شىء تمام خذ من الاسبيلتر المجمع عليه القنوات ومنه الى المكبر الكبير او الى المكبر الصغير و عليه الى النصف تقريبا و اجعل المكبر الكبير مقفول و يكون التحكم من الصغير فى تلك الحاله
3- اذا حدث العكس و استمرت المشكله عليك بالاتى قم بفك سلوك الاشاره الاتيه من الطبق و اطفى الريسفرات ثم اعد تشغيلها بعد تشغيل الريسفرات ستصبح القنوات امامك بصورتها الحقيقيه وسيصبح الخيال واضح امامك على كل القنوات
4- طبعا ستجد على على كل الريسفرات مكتوب رسالة لايوجد اشاره و الشاشه سمراء و الخيال يمر بخلفيتها بوضوح
5- هتفك خطوطك اللى جايه من الريسفرات و متجمعه على الاسبيلتر الترياكس او القسام و بعد كده تركب خرج واحد فى الاسبيلتر و تشوف القنوات و تشوف الخيال موجود و لا غير موجود اذا وجد غير فى تجميعة تلك القنوات بحيث ينتهى الخيال وقد يكون هناك ريسفر واحد هو الذى يسبب تلك المشكله اذا كان الريسفر موجود قدام فى بداية قنوات التوليف انقله فى اخر قنوات التوليف uhf او قوم بتفقيده و جمعه عادى فى وسط القنوات او اذاكنت مدخله صوره in خد منه صوره out فقط بمعنى اصح لاعب الريسفر
6- اذا لاحظت انه لايوجد خيال ركب خرج اخر فى الاسبيلتر و هكذا الى ان تركب كل خوارج الاسبيلتر المقلوب و اذا حدث وجود خيال بعد تجميع اى خرج قم بتنفيذ ماذكرته من قبل و باذن الله ستحل المشكله و بعد ذلك شوف القنوات الارضيه صورتها عامله ايه اذا كانت كويسه و لا يوجد بها خيال يكون كده كل شىء تمام
7- طفى الريسفرات و اعد تركيب سلوك الاشاره ثم اعد تشغيلها و شوف صورتك عامله ايه و باذن الله يكون كل شىء تمام
ارجو ان اكون افادتك اخى و اى حاجه امر جرب و اخبرنى بالنتيجه

[m_m_m_m]

اخى عاوزك تتاكد من ان المكبر 512 سليم وتشوف الصوره من القسام مباشره على تلفزيون جيدعلى بكره كبيره زى مقولتلك شكلها ايه ؟
بعدكده تدخلها على مكبر الكاد 2 خرج و تعليه للنصف وتشوف صورتها عامله ايه ضعف او شديه شكلها ايه ؟
اذا و جدت ضعف اوشديه اعمل تنقل فى rf حتى تصبح القنوات رتم و احد
ربما يكون المكبر الكبير 512 به مشكله عاوزك تشيله انت طبعا بعد الالكادالكبير واخد من خرجه ومستلم منه على قسام و منه موزع خطوطك الاساسيه للشبكه عاوزك كمان تلغى القسام و تاخد من الالكاد 2 خرج على طول على تلفاز او الكاد 4 خرج وتوذع منه خطوطك الاساسيه
بتلك الطريقه سنعرف ماهوالعيب هل فى طريقةالتجميع اوالمكبر الرئيسى او فى القسام اللى بتوذع منه خطوطك؟
اخى اود ان اعرف منك هل هذا الخيال تراه و اضحا داخل السنتر ؟ام ان هذا الخيال تراه فى الشوارع فقط ولاتراه داخل السنتر ؟
اخى اذا كان تراه داخل السنتر اعمل ذى مقلت من قبل واذا كنت تراه فى الخارج فقط فتاكد من المكبر الرئيسى وكذلك المكبرات الموجوده فى الشوارع فربما يكون احد المكبرات تلك هو سبب تلك المشكله
ارجو ان اكون افادتك اخى واى حاجه امر اخوك فى خدمتك

[أحمد ستالايت]

طيب ممكن لو عرفت الجهاز القوى دة ممكن اخليه فى اول البندات واسحب منه صوره ع الاسبليتر واحمل عليه ريسفرات نانيه

وشكرا ع المساعدة

[m_m_m_m]

اخى خدها قاعده عامه ومهمه اى قناه صورتها جامده حطها فى البندات اللى فى الاخر لانه بذلك لن تسقط معاك و اذاكانت فى البندات الاولى ستجد انها ستسبب شديه وذلك الخيال الذى تعانى منه
اخى لو اصبحت البندات الاولى صورتها جيده و طبيعى ان البندات الاخيره هتسقط نظرا ان الصوره بتمشى مسافات طويله و بتدخل من مكبر الى اخر الى جانب ملفات الخنق الموجوده فى ملفات التلفزيونات لو جيت احتجت تعلى المكبر عشان تظهر البندات الاخيره هتلاقى ان البندات الاولى هتقلب بشديه و خيالات و البندات الاخيره انظبطت و لذلك كما شرحت من قبل اما ان تكون قنواتك رتم و احد اوتكون البندات الاولى ضعيفه نسبيا و البندات الاخيره اقوى نسبيا
اخى ياريت تراجع الرابط الذى اعطيته اليك من قبل وباذن الله هتجد فيه مايسرك من شروحات مستفيضه و شرح لاكثر من شبكه باكثر من طريقه
اى حاجه امر اخى اخوك فى خدمتك