أنتبه الموت قادم لا محاله

[ghpoor]

الفترة الزمنية من لحظة موتك لتغسيلك لتكفينك للصلاة عليك لدفنك لن تتجاوز الثلاث أو الأربع ساعات في أغلب الحالات !!
و بعد انتهاء الدفن بثلاث أو أربع ساعات بالكتير هيكون
كل أحبابك و أهلك بيأكلوا أو بيشربوا أو بيستقبلوا ضيوف أو بيتكلموا في التليفون أو نايمين !
و مهما كان عندك ناس بتحبك مش هيقعدوا جنبك بعد
الدفن أكتر من نصف ساعة!!
و حتى لو زاروك كتير لا هيكونوا شايفين و لا حاسيين
باللي أنت فيه !!
و بيتك اللي بتحبه هيسكنه غيرك و عربيتك اللي بتحبها هيركبها غيرك و لبسك اللي بتحبه هيلبسه غيرك و شغلك
اللي بتحبه هيشتغله غيرك و فلوسك اللي بتحبها
هيصرفها غيرك !!
مفيش حاجة هتقعد معاك في قبرك غير عملك
هتقعد أنت و عملك لوحدكم في القبر تواجهوا مصيركم!!
كل الغاليين على قلبك هيسيبوك و يمشوا إلا عملك
الصالح اللي عملته ف حياتك هو الوحيد اللي مش
هيرضىٰ يسيبك ابدا !!
غلبان اللي لسه بيلقح علي الناس واللي قلبه لسه مليان
حقد وغل وسواد ونفسنه!! ..
غلبان اللي لسه مبطلش نقل كلام وتوقيع بين الناس !! ... غلبان اللي لسه بيغير من اللي احسن منه و عينه في عيشة ورزق غيره .. !!
غلبان اللي لسه قاعد علي سيرة الناس!!
غلبان اللي لسه بيدور علي المشاكل!!
غلبان اللي لسه بيؤذي وبيظلم وبيكسر الخواطر و
بيتمادى في الظلم !!
غلبان اللي لسه فاكر ان السلطه والفلوس كل حاجه
و ماشي يستقوي ويدوس علي الضعيف !!
غلبان اللي قطع صلة الرحم وبيعق ابوه وامه واهله !!
غلبان اللي بيأكل حقوق غيره وبيأكل ولاده من الحرام!!
غلبان اللي يجي يقولك " أنت متعرفش أنا مين " قوله دي نهايتنا كلنا يا غلبان !!

(وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ )

فاللهم اجعل خير عمرى آخره وخير أعمالى خواتيمها وخير أيامى يوم ألقاك ، ولا تأخذنى إلا وأنت راضٍ عني ، وردنى إليك رداً جميلاً يا الله