|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||
|
|||||||||
ّّّ القمر سيروس هو قمر ......ّّّّادخل وشوف
بسم الله الرحمن الرحيم
تحية طيبة لكل احبابي وشكراااا على الردود الحلوة على موضوع خدعوك فقالوا انا والله كان غرضى فقط تصحيح معلومة مش اكتر طبعا زى ماقولت القمر ده مش قبرصى على الاطلاق ولا اوكرانى ولا روسي وانا الصراحة كنت مفتكروا روسي او اوكرانى يعنى انا مش احسن منكم. هى معلومة عرفتها فحبيت اوصلها ليكم. طيب بس عاوزين نعرف ليه هم سموه بالقبرصي!!!!!! وطبعا السوال ده كل واحد بيساله لنفسه ايه اللي جاب قبرص للقمر ده بالرغم ان قبرص مالهاش ولا قناة على القمر ده؟!!!!! ّّّسببب تسمية سيروس بالقبرصيّّّّ انا حاقول السبب بس من وجهة نظري طبعا انتم طبعا فاكرين القنوات الارضية القبرصية اللى بتيجى عندينا فى الصيف فى مصر على الوجه البحري و سيناء زى sigma و ant 1 وmega و starو pik1 وpik2 والقنوات دى اتشهرت فى متصف التسعيينات وطبعا انتوا عارفين ليه!!! فكنا نسمع اللغة اليونانية اللى هى اصلا اللغة الرئيسية فى قبرص فلما الناس شافت القنوات الاوكرانية المجانية على القمر كان ليهم الفرصة انهم يسمعوا اللغة الروسية عبر هذه القنوات واللى يسمع اللغة الروسية واليونانية يلاقيهم شبه بعض. من هنا الناس قالت اكيد القنوات دى قبرصية وعشان كدا سموا القمر ده بالقبرصي. وفضل الاسم ده لحد دلوقتى ومش بس على النت عبر المنتديات ده كمان بقت شركات الدش يبكتبوا على الاطباق اللى مجهزة لاستخدام اكتر من عدسة. اخر احصائية قبل ما اقول اصل القمر ده ايه. خلينا احصائية عن القمر ده من موقع kingofsat حتى تاريخ النهاردة 25-9-2009 اسم القمر SIRIUS 4 الموقع المداري 4.8 شرقا عدد القنوات 534 القنوات المجانية 189 الاذاعات 87 اشهر الباقات VISAT - AKTA الدول اشهرها السويد- الدنمارك - رومانيا - اوكرانيا احدث تردد 11919.00 pol.H SR:27500 FEC:3/4 احدث قنوات على القمر القنوات الفلندية Sub Leffa- MTV3 Fakta-MTV3 Ava MTV3 Sarja - Sub TV juniori احدث قناة وقفت بثها Multimania الاااان جاء الوقت لكى نعرف الشركة التى تملك وتدير القمر الصراحة مش شركة واحدة هم شركتين يعنى دولتين الشركة الاولى SES-ASTRA اللى تم انشائها عام 1985 وهى تملك %90 من القمر وهى تدير اقمار استرا و سيروس ومقرها مدينة بيتس دورف بلوكسمبورغ يعنى تخيلو لكسمبورغ اللى ماتخطرش على بال اي واحد فينا طبع لوكسمبورغ تقع في غرب أوروبا، بين كل ألمانيا، فرنسا وبلجيكا و تُعد إحدى أصغر دول أوروبا مساحةً وسكاناً الشركة الثانية Swedish Space Corporation وهى تملك %10 فى القمر ومقرها استكهولم و كيرونا بالسويد وهى التى تدير وتشرف على القمر وطبعا والكل عارف ان السويد احدى الدول الاسكندنافية فى شمال اوروبا عشان كده القمر مهتم جدا بالدول دى يعنى نعرف من هنا ان القمر تحت اشراف دولتين لوكسمبورغ و السويد وقبرص مالهاش دعوة بالقمر لا من قريب ولا من بعيد اتمنى ان يكون الموضوع عاجبكم ومفيش مشاكل ان احنا نتناقش فى قمر مهما ان كان. لان احنا فى منتدى فضائى والكل عاوز يستفيد ويعرف لكم منى اجمل تحية
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~