تليفزيون توشيبا 29 موديل 29f9xel أعطال متعددة من ورشتى
بسم الله الرحمن الرحيم
مع ان مشاركاتى فى المنتدى قليلة ...... الا اننى من وقت لأخر لما الاقى وقت بحب اشارك مجهودى المتواضع مع المنتدى اللى افخر بيه دائما حتى تعم الفائدة
جهاز تليفزيون توشيبا 29 بوصة DIGITAL FACE أبو شاشة مسطحة و اربع سماعات من الداخل
موديل 29F9XEL شاسية CCP-3400 على كارتتين متصلتين بمجموعة كبارى دخل الورشة بمجموعة اعطال
الجهاز ميت تماماً
قست خرج الباور ال 130 فولت موجودين لغاية الفيوز قست ترانسيستور باور الهورزينتال D2539
شورت ووجدت المكثفات C416 4.7 mf فى دائرة الحافز الافقى منفوخ و C421 10 mf فى دائرة الاخراج الافقى منفوخ قمت بتغييرالترانسيستور ب md1803 ,مع المكثفات السابقة اشتغل
لكن الصورة باهتة جداُ
قمت بقياس المكونات على خط الABL كل شىء تمام -عملت تنشيط للشاشة و بالفعل الصورة ظهرت زى الفل و لكن وجدت
عيب تقوس على جانبى الشاشة
عيب ويدز - أو عيب ايست ويست
سميها زى ما تسميها
المهم قمت بتغيير المكثفات السيراميك C444 و C441 و C443 بلا فائدة
تتبعت مسار دائرة الويدز فوصلت الى ترانسيستور غريب الشكل رقمه على الدائرة Q423 برقم تجارى D2493 المسئول عن الايست ويست المهم خلعت الترانسيستور و قولت دا ترانسيستور من الفئة D يبقى المفترض يدينى قياس زى الترانسيستور D1555 على سبيل المثال و لكن بعد قياس الترانسيستور D2493 لقيت قياساتة مختلفة تماما و اشبة بقياس الترانسيستورات العادية و شكيت فية المهم قمت بتغيير الترانسيستور السابق بواحد جديد بدون فائدة نفس المشكلة لم تحل - فقمت بقياس الجهودعلى ارجل الترانسيتور D2493 وجدت جهد الباعث C حوالى 24 فولت و المجمعE أرضى و القاعدة B صفر ( طيب ازاى الكلام دا )
لقيت ترانسيستور المسئول عن نقل النبضة الى قاعدة الترانسيستور D2493 ترانسيتور اخر صغير الحجم - رقمة على الدائرة Q426 و رقمه التجارى A1266 خلعته و قسته لقيته شورت على البيز و الامتير قمت بتركيب واحد على سبيل التجربة A1015 و الحمد لله اشتغل تمام بدون تقوس على الاجناب اختفى عطل الايس ويست بتغيير ال A1266
كل سنة و انتو طيبين يا اهل منتداى العزيز افضالكم علينا كتير ولا ننسى ذلك و ذكرنا العطل السابق لتعم الفائدة
|