[طارق الصعيدي10]

قصة غريبة وعجيبة ومضحكة
شخص ما اشتريت لة دونجل باراكليبس محول + ريسفر كيوماكس ميني وتم عمل سوفت لة من قبلي للدونجل والريسفر وتم ضبط الطبق علي قمر الشيرنج w3 باشاراة عالية جدا وتم توصيل سلك منة الي الدونجل وتم عمل عدسة بمسطرة للنايل سات علي نفس الطبق واخذت اشارات اتلنايل سات كلها لحد كدة تمام
نشغل بقي الدونجل يلة الكل منتظر يلة ياطارق ياصعيدي عاوزين نشوف القنوات المشفرة وهي مفتوحة علي النايل سات الكل مبسوط وبانتظار ان يري الجزيرة الرياضية 10 قنوات والشوتايم
لكن الدونجل رفض العمل
ازاي وانا جربتة عندي بمنزلي الاول لية رافض يشتغل عند الراجل دة اية الاحراج دة بس
راجعت اعدادت الريسفر الكيوماكس وكل شيء والطبق وكابل التحديث كلة تمام وبعدين اية الاحراج دة
قمت شايل ريسفر الراجل والدونجل وركبت عربية وذهبت لمزلي ووضعت الاجهزة دي علي الطبق عندي اشتغل الدونجل حاجة عجيبة طيب كدة طبق الراجل فية حاجة رحت شايل الاجهزة تاني وفحصت الطبق واشارات القمرين w3 والنايل سات وجدتهم تمام والسلوك كلها سليمة والاشارات واصلة للريسفرين
رجعت تاني جبت دونجل يعمل عندي بتاعي وجربتة قبل خروجي فوجدتة فاتح كل القنوات المشفرة ذهبت بة عند الراجل وركبتة علي نفس الريسفر اللي عندي حيث اخذت الريسفر والدونجل بتاعي فرفض ان يعمل عند الراجل دة
هنا قلت للراجل انا اول مرة اشوف كدة انا مركب دناجل كتيرة وكلها شغالة فية اية عندك في البيت
اية الحل ياجماعة علشان الراجل دة يشوف الدونجل؟
يغير البيت اظن دة حل صعب ههههههههههههه
اية العمل؟
مش عارف اعمل اية في المشكلة دي؟