كل سنة وانتى امى

[عبدالرحمن سيد]

كل سنة وانتى امى
وانتى عايشة جوة دمى
وانتى حاسة كمان بهمى
وردة منى ليكى طايرة توصف انى
عشت ياما ليكى محنى

كل سنة وانتى عايشة بين ولادك
رافعة رايتك...عارفة قيمتك
حوطى عليا تانى ..رجعيلى الامانى
طبطبى عليا لما خوفى يوصل للجنون
عارفة ياما عشت ياما جوة حضنك
وبصراحة حضنك انتى كان حنون

والنهاردة عيدك انتى...يا أميرتى
يانور طريقى ..حبك أنتى هو الحقيقى
طيبة وحنان..نبع الامان عشرة سنين رغم الالم
وقت الجراح ..يبقى البراح على صدرك انتى
فاكر زمان لما ابكى واجى جمبك تلمسينى
تنشف يا غالية كل دمعة جوة عينى
فاكر كمان ..كل اللى كان
خليكى جمبى يحلا بيكى الزمان
ست النساء علمينى ازاى يكون لى كبرياء
ببعد كتير وارجع اسير
علشان أقولك كل عام وانتى بخير


عيدك دة عيدى ..شمعك فأيدى
حسيت بحبك لما شفت ابنى وليدى
أرضى عليا..دة انتى عنيا..كل اللى ليا
أزاى أخاف ..وانا قلبى زيك يوم ما شاف
مصدر وجودى..وساندة عودى
فى ناس كتير حسدانى ياما عليكى وانا دايمآ بغير
ربى يصونك ..وتبقى قريبة منتى الحبيبة
خايف حياتى بعد منك تبقى غريبة


كنزى ومالى ..دمى وعيالى
فرحى وجمالى ..وكل غالى
ليكى يا امى ويبقى موش قد المقام
بقولها بحبك..ودايب فحبك
وبصرخ وصوتى ليكى عالى
يا ملاك حياتى ..قلبك كبير
علمتى ابنك يعنى أية كلمة ضمير
يا ملاك وهادى..ياأهلى وميلادى
علمتى أبنك يعنى أية كلمتى بلادى


كلمة هقولها..وازاى اخبى
سامحينى لو لحظة قسيت مرة عليكى
سامحينى لو سابت فيوم أيدى أديكى
سامحينى دة كان من غبائى
وصفك محال..رقة وجمال
وشعرى فيكى عمرة ما
كان يوم خيـــــــــال
أنتى الحقيقة ..وأنتى البريئة
صعب ابعد عنك أنتى لو دقيقة
يخليكى ليا..يا نعمة من ربى عليا
وكل عام ..وانتى بخير

[رضا العربي]

[محمودذكى]

مشكـــــــــــــــــــــــــــــور اخى العزيــــــــــــــــــــــــــــــــــــز

[دعاء ال سعود]

[عبدالرحمن سيد]

مشكووووووووووورالمرور

[حيدرالكبيسي]

الله يبارك بيك

[نورالدين حداد]

مشكورررررر بارك الله فيك