الساده الاعضاء و زوار منتديات المهندسين العرب الكرام ,
, مشاهده القنوات الفضائيه بدون كارت مخالف للقوانين والمنتدى للغرض التعليمى فقط
 |
|
|
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
3/1/2009, 06:23 PM
|
|||||||||||
|
|||||||||||
مشاكل وحلول لكروت الستالايت وخاصة الاشارة
بسم الله الرحمن الرحيم
اقدم لكم هذا الموضوع وهو عبارة عن مشاكل وحلول كرت الستالايت التي قد تواجيهكم وقد اخذت بعض الامور من خبرتي والامور الاخرى اخذتها بعد البحث عبر شبكة الانترنيت فارجوا ان ينال الموضوع رضى الجميع ولكم الشكر  ولنبدأ بسم الله الرحمن الرحيم 1- لمشكله الاشاره فى كروت الستلايت الحل :المشكله تتخلص فى عده نقاط واحد جاب الكارت وركبه فى الجهاز واخد وصله من الطبق ووصل يجى يعمل سكان مفيش اشاره وطبعا كلنا نقول الكارت بايز وكلام كتير وتبقي مش عارف الحل فين طيب نعمل ايه علشان نتفادى المشكله ديه اسباب المشكله الرخمه ديه :. تتمثل فى عده اسباب وهنقولها قطر الطبق نوع ال lnp قوه الباورى سبلاي الى موجود فى الجهاز علشان نحاول تنفادى المشكله ديه لازم اولا نتاكد من عده حاجات نتاكد ان البرنامج المستخدم البروج الماى ثريت الالت وانه يكون داعم للكارت هاقولكم معلمومه مهمه جدا علشان تفهموا معايا الصوره ناس تقول الطبق شغال على الريسفير كويس والاشاره عاليه ؟؟؟؟؟؟؟؟؟؟؟؟؟؟؟ احب اوضح ليكم ان الريسفير يتختلف تمام الاختلاف عن الكارت لانه الريسفير فيه فلاتر معينه تعمل على تحسين الاشاره  نوع الطبق وقطره من اهم الاشياء فى عالم السات وطبعا الطبق ونوعه وقطره لازم الطبق لا يقل عن 1 متر بحد ادنى علشان النايل سات وكمان يكون الطبق من نوع مممتاز (بريف**) بلا جدال ونتاكد كويس من سلامه الطبق علشان مش يكون متنى ولا اى مشكله ال عدسه ال lnp طبعا عمليه الطبق والعدسه منظمه تكمل بعضها البعض يعنى لازم يكون الطبق جديد والعدسه جيده وانا بنصح بعدسه من نوع ممتاز فوجي وموجوده بالاسواق واخيرا واهم حاجه بجد يا جماعه الباور سبلاى بلا جدال الباور سبلاى من اهم مكونات الجهاز هو المسئول الاول عن تنظيم الحركه الكهربيه فى الجهاز ولازم يكون نوع ممتاز مش الانواع المضروبه الموجوده وانا بنصح بنوع جاما 350 وات ممممممممممممتاز وعليه ضمان سنه معلومات هامه لابد ان نكون على درايه بها من المعروف ان هناك نوعان من القنوات قنوات الافقيه القنوات الراسيه ال horznital vertcailال القنوات ال horznital تحتاج لقدره فولتيه تخرج من الكارت الى lnp لا تقل عن 12 فولت وده بع** ال قنوات vertcailال وبكده لازم نكون عارفين ان الباور سبلاى هو الجزء الاهم فى المشكله ديه  مشاكل وحلول _____ فيه حل لمشكله الكارت فى الاشاره وتريح دماغك بس ديه تعتمد انك يكون عندك ريسفير كلنا عارفين ان الريسفير ليه مخرجين من الخلف lnp in lnp out ال inp in بيركب فيها السلك القادم من طبق الاستقبال نعمل ايه موضوع سهل جدا وغير مكلف نروح نعمل سلك دش عادى جدا ونركب واحد فى الlnp out فى الريسفير والتانى فى lnp in فى الكارت وبكده اتحلت المشكله بتاعت الاشاره تماما ملاحظه هامه جدا جدا :. بالنسبه للناس الى هتعمل حركه ال ريسفير والسلك لازم تعرفوا الريسفير هو المتحكم الاول يعنى مثلا لو الريسفير شغال على قناه افقيه ينفع تجيب كل القنوات الافقيه لو شغال على القنوات الراسيه ينفع تجيب كل القنوات الراسيه 2- الكمبيوتر مش حاسس بكارت الدش خالص ؟ الحل : جرب انك تشيل الكارت و تركبه تانى و بعدين جرب انك تشيله من سلوت البى سى اى اللى متركب فيه وتركبه ف واحد تانى كمان جرب انك تنضف السنون النحاسية للكارت باستخدام كحول و قطعة قماش نظيفة قبل ما تركبه 3- الكمبيوتر حاسس بالكارت بس مش بيتعرف ؟ الحل : جرب نفس الخطوات اللى فاتت ولو مانفعتش جرب انك تغير التعريف بإنك تجيب التعريف الاحدث من الانترنت وتحاول تعرف به الكارت 4- الكارت بيتعرف وكل حاجة بس مفيش اى برنامج بيشتغل ولما اجى اعمل اى حاجة يدينى رسالة خطأ فورا ؟ الحل: لأ ده عيب من تلاتة اما عيب تعريف وفى الحالة دى ياريت تشيل التعريف الحالى و تعرفه من الاول ولو مانفعش برضه جرب تغير التعريف او عيب دايركت ا** وهو انك بتستخدم نسخة قديمة من الدايركت ا** فيفضل الترقية للنسخة الاحدث وهى 9 والعيب التالت وهو برضه شايع جدا هو عيب ويندوز يعنى جرب تشيل ويندوز وتنزل ويندوز تانى وده ان شاء الله هيحل المشكلة 5- الكارت بيتعرف و الاشارة قوية على البروج بس مابيجيبش قنوات ؟ الحل: مبدأيا هطلب منك تستخدم برنامج تانى غير اللى بتستخدمه وليكن الـ AltDVB وجرب والله لو اشتغل يبقى المشكلة عندك فى البرنامج الأول ماشتغلش فبرضه هطلب منك انك تشيل جميع الكروت المتوصلة ف الكمبيوتر و تخاللى كارت الدش لوحده هو اللى متوصل و تجرب تعمل بحث عن القنوات وده بيتم مرة واحدة يعنى لو عمل بحث ركب الكروت تانى و مش هيعمل مشاكل تانى ان شاء الله والله لو ماشتغلش ياريت تتأكد من التعريف و ان الكارت متعرف كويس ولو كدة هات النسخة الاحدث من التعريف بتاع الكارت ويفضل نسخة WDM مش BDA وده مايمنععش انك تجرب التعريفين للطوارئ يعنى والله ماشتغلش جرب تغير نسخة الويندوز كلها بالدايركت ا** بتعريف كارت الشاشة بكله والله لو ماشتغلش جرب كارت تانى عندك عالكمبيوتر و جرب كارتك على كمبيوتر تانى والله لو ماشتغلش يبقى العيب من الكارت نفسه 6- الكارت بيشتغل و بيبحث عن القنوات عادى بس مفيش ولا قناة راضية تشتغل ؟ الحل : هنا بقى المشكلة اما فى الدايركت ا** ويفضل الترقية للدايركت ا** الاحدث او المشكلة فى الكوديكات الخاصة بالكارت فيفضل اعادة تنصيب الكوديكات مرة تانية بالكامل 7- لما اجى اشغل اى قناة بلاحظ ان الصورة كأنها م**رة كدة وفيها تقطيع ؟ الحل : لو انت متأكد من امكانيات جهاز الكمبيوتر بتاعك انه قوى كفاية لتشغل الكارت يبقى العيب اما من البرنامج المستخدم جرب انك تغيره او العيب من الكوديكات جرب انك تسطبها تانى او العيب من الدايركت ا** برضه جرب انك ترقيه للاصدار الاحدث 8- بعض القنوات فيها تقطيع او ترحيل فى الصوت عن الصورة والباقى كويس جدا ؟ الحل : دى مشكلة فى النسخ القديمة لبعض البرامج زى البروج جرب انك تستخدم نسخة احدث من البرنامج او جرب برنامج تانى غيره 9- القنوات المفتوحة شغالة عادى بس فى تقطيع فى القنوات المشفرة ؟ الحل : هنا اما العيب من امكانيات جهاز الكمبيوتر لديك او العيب انك بتستخدم كذا بلاجن لفك التشفير جرب انك تستخدم بلاجن واحد لفك التشفير و يفضل انك تبقى عامل نسخة من البرنامج للقنوات الخاصة بالشيرنج و نسخة للقنوات الخاصة بالايميو مالم تكن بتستخدم AltDVB و مشغل خاصية تخصيص البلاجنز 10- القنوات بتشتغل عادى جدا بس لما اسجل منها اى حاجة الملف المتسجل بيبقى فيه تقطيع ؟ الحل: دى مشكلة بيتفرد بيها الماى ثييتر احيانا فجرب بس انك تغير البرنامج او تغير الكوديك اللى بستخدمه البرنامج فى العرض 11- عند فك تشفير القنوات الاجنبية على الهوتبيرد بعض القنوات بتتفك والباقى لأ ؟ الحل: طبعا ده معناه انك تحدث ملف السوفت كام عندك بأحدث نسخة كذلك ترقية بلاجنز فك التشفير و الاول موجود بالمشاركة المثبتة بقسم ملفات فك الشفرة و البلاجنز متاحة بنفس القسم 12- بلاحظ تقطيع فظيع عند فك التشفير عن طريق الشيرنج و خاصة الجيبو** ؟ الحل : ده بيتوقف على جودة السيرفر اللى انت بتتعامل معاه فممكن يكون السيرفر ضعيف وفى الحالة دى فلازم يقطع و خاصة الجيبو** لأنه حتى اللحظة غير متوافق بنسبة 100% مع كروت الستلايت بس بيتم التحايل على الوضع باستخدام الماى ثييتر او ال AltDVB و خاصة الاخير لأنه اقوى فى فك التشفير 13- عند تشغيل بعض القنوات على نايلسات مثل ART الرياضية و ديزنى الاحظ ان الصوت يكون باللغة الانجليزية ؟ الحل : هتلاقى فى كل برنامج طريقة لتغيير لغة الصوت فمثلا الماى ثييتر كليك يمين على القناة و اختر اللغة التى تريد وفى البروج هتلاقى سهم جنب مؤشر الصوت دوس عليه و اختر اللغة المطلوبة وفى AltDVB من معلومات القناة فى ربع الشاشة اسف اليمين اختر اللغة المطلوبة 14- لا تظهر عندى الترجمة مع قناة MGM على قمر يوتلسات W1 ؟ الحل: فقط غير البرنامج الى ماى ثييتر وستعمل الترجمة العربية ان شاء الله 15- يظهر عندى مربع صغير فى طرف الشاشة اعلى اليمين ؟ الحل : ده لأنك بتستخدم نسخة مجانية من كوديك Elecard جرب استخدام نسخة كاملة و ستجدها متاحة هنا 16- لم يكن يزعجنى هذا المربع و لكنه يتحرك الان بعرض الشاشة بشكل مستفز ؟ الحل : الحل بسيط.....استخدم برضه نسخة كاملة من الكوديك 17- عند التسجيل باستخدام برنامج AltDVB الملفات المسجلة لا تفتح بأى برنامج ؟ الحل : هناك حل من اتنين اما استخدام برنامج بسيط لتحويل هذا الامتداد الى MPG وبالتبعية سوف يفتح عادى جدا او تسطيب اى كوديك Bundle وليكن KLite مثلا وده هيخلى امتداد TS الخاص بالبرنامج بيشتغل فى الويندوز عادى جدا 18- بعد تحديث تعريف كارت التوينهان اصبح برنامج AltDVB لا يعمل ؟ الحل : تم التحديث لاصدار BDA الخاص بالكارت وهو غير مدعوم الان من قبل البرنامج فقط ارجع للتعريف الاقدم بعد حذف التعريف الجديد 19- عند تشغيل خاصية صورة داخل صورة فى AltDVB يختفى الصوت و يتوقف الكمبيوتر تقريبا ؟ الحل : اذا كنت متأكد من امكانيات جهازك انه قوى كفاية لتشغيل اكتر من شاشة فتأكد من ان الكوديكات المستخدمة فى كل شاشة عرض تختلف عن مثيلاتها يعنى خاللى كل شاشة (قناة) تستخدم كوديك غير التانيين عن طريق اختيار DS Config بكليك يمين على كل شاشة على حدا 20- عندتشغيل البروج تظهر رسالة Device Not Started ؟ الحل: من قائمة Settings اختر Device List و تأكد من اختيار نوع كارتك من القائمة 21- كل البرامج شغالة عادى ماعدا الماى ثييتر مش بيرضى يبحث عن اى قناة على اى قمر ؟ الحل: من قائمة البحث عن القنوات و عند اختيار القمر لأول مرة تأكد من اختيار نوع البث على هذا القمر وهل هو C Band ام KU Band و 99% من اقمارنا تعمل على ال KU Band وبالتالى لكل قمر اختر نوع البث من اسفل اليسار ثم اضغط Apply قبل البحث عن القنوات 22- عند اى محاولة لتشغيل البروج يعطينى رسالة خطأ و يغلق ؟ الحل : اولا لو كانت دى اول مرة تستخدم فيها البروج فممكن تكون انت بتستخدم نسخة ويندوز 98 على XP او الع** يعنى اتأكد من انك بتستخدم نسخة مناسبة للويندوز عندك ولو دى حصلت فجأة جرب تسطب نفس النسخة من البروج فى مكان تانى و تنقل عليها ملفات القنوات و البلاجنز نفسها ....ولو فضل العيب نفسه جرب تسطب نسخة تانية من البروج وانقل عليعليها بعد كدة القنوات و البلاجنز .... ولو الموضوع حصل بعد ما نقلت بلاجن معين للبروج فممكن جدا يكون البلاجن غير متوافق مع البروج يبقى امسحه و خلاص الكوديكات الاساسية لحل مشكل التقطيع : MPEG2_Decoders.v2.07 قم باضافة .exe الى اسم البرنامج بعد الانتهاء من التحميل قم باختيار خيار install Full عند التنصيب الموقع الرئيسى لجميع انواع الكوديك http://www.free-codecs.com/K_Lite_Co...k_download.htm كودك جديد خاص بال ProgDvB فعال جدا على التقطعات و مشاكل عدم توافق الصوت و الصورة مشاكل ضعف الاشاره في كرت الستلايت الحل تعددت الأسئلة حول ما يتعلق ببعض المشكلات الخاصة بقدرة كروت الساتلايت على إستقبال بعض الترددات رغم قدرة الرسيفر على إستقبالها وعلى نفس نظام الإستقبال والأمر المعروف للكثير منا بأنه من الطبيعى أن هناك فرق بين قوة الإستقبال ما بين كروت السات والرسيفر وذلك للأسباب الآتيه :- هناك فرق تقنى وفنى فى التصميم ما بين ال 2 فى مراحل إستقبال الإشارة حيث أن الرسيفر به مراحل مساعدة لتقويه ال band***** للإشارة وأيضا مراحل فلاتر والمسئوله عن تقوية للإشارة المستقبلة من القمر الصناعى وهى غير متوفرة بالشكل الكافى بكروت السات لذا عند التعرض لإستقبال إشارات أو ترددات ضعيفة مثل التى تم ذكرها يظهر الفرق الواضح بين قدرات الإستقبال ما بين الرسيفر وكروت السات والأمر الثانى الأكثر أهميه ويحتاج لمزيد من التوضيح وهو بعدم قدرة إستقبال الكارت لبعض الترددات وخاصة الأفقية مع بعض أنواع ال LNB دون الرسيفر أيضا الذى له القدرة على الإستقبال يشكل طبيعى وعلى نفس نظام اإستقبال ونفس ال LNB التفسير العلمى لهذا الموضوع يتلخص فى الآتى أولاَ جميعنا نتفق فى أن كارت السات أضعف نسبياَ من الرسيفر ليس فى قوة الإستقبال فقط ..... بل أيضاَ فى قوة الفولتية الخارجة منه لل LNB اللازمة لتغيير القطبية ما بين الرأسى والأفقى ... أى أن ال LNB يحتاج مصدر تغذيه سواء من الكارت أو الرسيفر متغير من ( 13 فولت لإستقبال القنوات الرأسيه & 18 فولت لإستقبال القنوات الأفقية ) . وطبعاَ هذه الفولتيه ثابته ومستقرة فى الرسيفر لذا تعمل معه جميع أنواع ال LNB بدون أى مشاكل وبشكل طبيعى وذلك لما يحتويه الرسيفر من إستقرار فى الفولتيه سواء من المصدر الأساسى للتغذيه له وكذلك لما يحتويه من تصميم داخلى بمراحله المتعدده التى تعمل على خروج الفولتيه لل LNB بشكل ثابت وكامل وبدون أى قصور فى النسبه المطلوبة لهذا الغرض أما كروت السات إخوانى مهما كانت نوعيتها فقد يحدث بها بعض القصور فى هذه النسبه أى أن الفولت يخرج فى كثير من الأحيان غير مكتمل ....مثلا ال 18 فولت يخرجون 16 فولت . وكذلك يوجد عدد من أنواع ال LNB لا يستجيب للتشغيل إلا إذا كانت الفولتيه كامله وثابته (18 فولت) .... كما توجد نوعيات أخرى تعمل بدون مشاكل حتى فى وجود هذا القصور البسيط فى خروج الفولتيه المذكوره سلفاَ . والسبب إخوانى فى هذه الظاهرة مع الكروت يرجع لسببين أولهم أن المصدر للأساسى لتغذيه الكارت هو ال POWER SUPPLY لجهاز الكمبيوتر لديك .... وأيضا كارت السات لا يحتوى على مراحل تغذيه قوية وثابته كما هو الحال فى الرسيفر . وخلاصة القول إخوانى بأن هذا العيب لا ينكشف لنا مع كارت السات إلا فى وجود LNB ذات مواصفات خاصة لا تقبل إلا الفولتيه الكامله . ولا ننسى أيضاَ أن طول الكابل ونوعيته لهم أكبر الأثر فى فقد نسبه من هذا الفولت . توضيح و تجربة هامه للمحترفين فقط و نأتى الآن لنقطة غاية فى الأهميه حيث أن التجارب التالية تسهل عليك كثيراَ فى الوصول إلى مسبب المشكلة الحقيقى فى فقد النسبه الفولتيه السليمه والكامله اللازمة لتشغيل وحدة LNB لأن هناك عدة مسببات كما ذكرنا سالفاَ فى وصول الفولت لوحده LNB بالشكل الكافى 1- ضعف POWER SUPPLY فى الجهاز يتسبب فى ضعف عام لتغذيه الكروت المثبته على الجهاز ... وبالطبع كارت السات أحدهم فبالتالى ضعف مصدر التغذيه للكارت يؤثر أيضاَ على خروج الفولت منه وللتأكد من هذاَ بإستخدام الآفوميتر لقياس خروج الفولتيه من نهاية أطراف وحده ( VOLT - 12 & +12 VOLT) وبالتالى لوهناك أى قصور فى هذا القياس سينع** على نسبه خروج الفولتيه من كارت السات ( نسبه وتناسب ) والحل معروف للكل بإستبدال ال وحده الPOWER SUPPLY بأخرى أعلى فى الجهد وأكثر إستقرارا فى خروج الفولتيه 2 - السبب الثانى قد يكون هناك ضعف أو قصور فى الكارت نفسه نتيجه ردائه نوعيته أو تقادم طبيعى فى وحدة منظم الجهد له الذى يقوم بتكبير الفولتيه من 12 VOLT إلى القيم المناسبه والمطلوبه 13 فولت و 18 فولت وللتأكد نقوم بقياس الفولت الخارج منه مباشره مستعيناَ بقطعه صغيرة من الكابل بدلاَ من كابل التوصيل لوحده ال LNB ونجرى القياس بالآفوميتر فى نهايه طرف الكابل المذكور مع تشغيل تردد أفقى مرة 18 فولت ورأسى مرة أخرى 13 فولت وبالتلى فى هذه الحالة إن كان هناك قصور فى الفولت الخارج من الكارت لا حل أمامنا إلا اللجوء لأحد محترفى الهاردوير لمحاولة إصلاح العطل بالكارت وهى صعبة بعض الشئ لعدم توافر قطع الغيار فى أغلب الأحيان ... أو نضطر آسفين لإستبدال الكارت نفسه 3 - السبب الثالث وهو( شائع) حيث أن طول ونوعيه كابل التوصيل من الكارت حتى وحده ال LNB له تأثير كبير فى فقد نسبه الفولت وللحكم على هذا الموضوع نقوم بتشغيل كارت السات وبعدها نجرى القياس فى نهاية طرف الكابل الموصل لوحده ال LNB ونجرى المقارنه بين هذا القياس وبين القياس فى التجربه السابقه حيث أن الفرق بين التجربتين يخضع لإضافه جديده وهى الكابل والحل سهل أيضاَ بإختيار نوعية جيده من الكابلات وخاصه إن كان الطول فوق ال 50 متر 4- السبب الرابع وهو عطل بوحده ال LNB نفسها وهى لا تخضع للقياس مثل التجارب السابقة ... بل الحكم عليها يكون بتجربتها مع رسيفر عادى ونلاحظ النتيجة وهناك أخوانى تجربة أخيرة وغايه فى الأهميه وتكمن أهميتها لأنه من الممكن أن نخرج بنتيجه سليمه 100% فى كل ماسبق ولكن ماتزال المشكله موجوده !!!! إذن يتوجب علينا إجراء هذا الإختبار الأخير والقاطع وهو بالإستعانه بوحده مشترك عاديه Spliter أى أنه جميع نقاط التوصيل متصله داخل المشترك مع بعضها البعض وليست وحده Power Spliter Dividers والغرض أخوانى من هذه التجربه الموضحه بالشرح هو القياس الفعلى للفولت المغذى لوحده ال LNB حيث أن القياس مع هذه التجربه يكون مع التحميل ( تحميل جهد التوصيل ) لأنه فى كثير من الأحيان يكون الخروج من الكارت كاملا ولكن عند التوصيل والتحميل يسقط بنسبه 2 أو 3 فولت أى أن ال 18 فولت يصلون لوحده ال LNB عبارة عن 15 أو 16 فولت تقريبا وهى غير كافيه لعدد من أنواع ال LNB ويظهر لنا العطل فى صورة تقطيع او إختفاء الترددات وخاصة الافقية اتمنى اكون قدمت شىء مفيدا اخوكم mahmmed_dvb 
|
|
3/1/2009, 06:26 PM
|
رقم المشاركة : ( 2 ) | ||||
|
مـهـند س مـمـيـز
|
رد: مشاكل وحلول لكروت الستالايت وخاصة الاشارة
ارجو التثبيت لكى تعم الفائدة على الكل وشكرا
|
||||
|
|
|
17/6/2010, 03:35 PM
|
رقم المشاركة : ( 3 ) | |||
|
مـهـند س فـعال
|
رد: مشاكل وحلول لكروت الستالايت وخاصة الاشارة
مجهود عظيم
|
|||
|
|
|
17/6/2010, 07:58 PM
|
رقم المشاركة : ( 4 ) | |||
|
مـهـند س فـعال
|
رد: مشاكل وحلول لكروت الستالايت وخاصة الاشارة
راااااااااااااااااااااائع
|
|||
|
|
|
17/6/2010, 08:50 PM
|
رقم المشاركة : ( 5 ) | |||
|
مـهـند س نـشـيط
|
رد: مشاكل وحلول لكروت الستالايت وخاصة الاشارة
رائع جدا
مشكور على الجهد الكبير جزاك الله خيرا |
|||
|
|
|
17/6/2010, 11:03 PM
|
رقم المشاركة : ( 6 ) | ||||
|
نـجـم نـجـوم المهندسين العرب
|
رد: مشاكل وحلول لكروت الستالايت وخاصة الاشارة
الف شكر على المجهود بارك الله فيك
|
||||
|
|
|
5/9/2023, 12:35 AM
|
رقم المشاركة : ( 7 ) | |||
|
مـهـندس جـديـد
|
رد: مشاكل وحلول لكروت الستالايت وخاصة الاشارة
بارك الله فيك على هذه المعلومات
|
|||
|
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
