اخطاء في التركيبات للدش تتسبب في حرق العدسه و توقف قنوات عن العمل ماهي؟ ندخل لنعرف

[طارق الصعيدي10]

اخطاء في التركيبات للدش تتسبب في حرق العدسه و توقف قنوات عن العمل ماهي؟ ندخل لنعرف

الاخطاء التي يقع فيها البعض هي:

ان يتم توصيل عدد 2 ريسيفر ويعملان في نفس الوقت بعدسه ذات مخرج واحد لماذا؟ لانه عند عمل الريسيفرين في وقت واحد سيتم ارسال كهرباء مضاعفه للعدسه تتسبب في حرقها ناهيك ان هناك قنوات كثيره ستتوقف عن العمل
طيب ايه هي طريقة التوصيل الصح؟
الاجابه هي
من خلال هذا الامثله سنوضح ذلك
نفترض ان عندنا عدسه ذات مخرج واحد وعاوزين نخلي الشقه كلها تشتغل علي هذه العدسه الكل دلوقتي يقول ازاي ياباشمهندس طارق الكلام ده
اقول ازاي
السلك اللي نازل من الطبق من فوق علي علبة التجميع ولنفترض الشقه مكونه من 3 غرف + الصاله كده حيكون بعلبة التجميع اللي بداخل الشقه 4 اطراف لحد كده تمام
هنا اعمل الاتي اجمع كل سلوك النحاس مع بعض ثم اجمع كل سلوك الشعر مع بعض ثم السلك اللي نازل من الطبق من فوق السطح اربط السلك النحاس بتاعه في السلك النحاس المجمع والسلك الشعر بتاع السلك النازل من فوق في السلك الشعر المجمع للاربع اطراف
بكده كل الشقه ستعمل علي العدسه ذات المخرج الواحد
لكن
لكن انا كده موزع اشارات علي الشقه كلها بس ريسيفر واحد اللي يشتغل بس
مثال تاني
احنا قلنا الشقه بها اربع اطراف طيب وانا عاوز اشغل ريسيفرين بالشقه اعمل ايه ؟
اقول تعمل ايه
هنا حتجيب عدسه مزدوجة ذات 2 مخرج يعني وهنا قم بربط كل سلكين في علبة التجميع مع بعض واربط طرف من السلك اللي نازل من فوق مع السلكين اللي لازقهم ببعض والطرف الثاني اللي نازل من العدسه مع السلكين التانين وكده لن يكون هناك تعارض ولا اي مشاكل
ولو بقي حبيت تخلي الشقه كلها بها تلفيونات وريسيفرات يعني حتبقي مشغل اربع تلفيونات بالشقه هنا حتجيب عدسه اربعه مخرج وتوصل كل سلك نازل بسلك من علبة التجميع
هذا من واقع الخبره والمشاكل اللي بتمر بي ويقع فيها الكثير

[انطونى سات]

شكرااا لك اخى

[احمد سعيد ابوامير]

شكرااا لك اخى

[ايمن بكر]

شكرا للمعلومات وليت المزيد

[طارق الصعيدي10]

نحن نبث المعلومات ونتحري فيها وهي عن خبره وممارس عمليه في عمليات التركيب والعبره ليست بكبر او صغر الموضوع ولكن العبره بان يكون مايكتب نتيجه خبره عمليه
تحياتي للجميع