شرح تركيب شبكة دش مركزى

[m_m_m_m]

وانشاء الله نويت اعمل شبكة جديدة تانى في مكان تانى وانشاء الله عملت الميزانيه حوالى 20000 جنيه
تنصحني اشترى ايه انا عرف انك هتقولى اشتري اسبليتر كارت 16 وده متفقين عليه وهعمل قناه كمبيوتر لانه متوفر وانت عارف ان الشيرنج السرعة قليله
معلش هتعبك معايا
وادامي جهاز اكوزى اكتر سعر ممكن اشتريه يكون لحد كام لانه مستعمل
وكارت فيرجن 2 اشتريه بكام ادامى برضوا ولازم يكون في الاسبليتر كارت فيرجن اقل من اربعه ولا عادي بيشغل اى كارت

[m_m_m_m]

اخى ابو منال بالنسبه لسؤالك الاول الالكاد افضل او الاكوزى فى جميع الاحوال الالكاد افضل و ذلك للاسباب الاتيه
1- عدد مداخل uhf عددها 3 مداخل in اما الاكوزى فيه مدخلين فقط واحد ل uhf وواحد vhf
2- قوة خرج الديسبيل للالكاد اعلى و اقوى من الاكوزى و ده هيريحك اكيد نحن فنى تركيب الشبكات نطلق على الاكوزى بالمكبر الدفايه و هو يسخن و هو يعمل وقد يطلق صوت احيانا انا عندى واحد منه و راميه بمستعملوش انت قولتلى قبل كده انت عندك الكاد 512 ده احسن من الاكوزى مليون مره و لكن حتى لا اكون ظلمت الاكوزى ذو الصنع الاسبانى ارجو ان ترسل لى صورته و رقم موديله لعله احد الانواع الجديده للشركه و يكون جيد الصنع
و بالنسبه للاسعار غير مسموح بذكر اسعار فى المنتدى و ممكن ابعتهالك على الايميل

[m_m_m_m]

اخى من الافضل ان تشترى كروت v2 و v4 و ابتعد عن كروت v5 و zeta
نصيحه اشترى شبكه بمشتريكها بهذا المبلغ الكبير بحيث تكون صورتها حلوه و مش عليها مشاكل و عدد مشتريكها كثيرين وياسلام لو فيها اجهزتها و تكون بحالتها بذلك تلم فلوسك اللى هترميها فيها على سنه و بعد كده تبدا فى جنى ارباحك
و ابتعد عن الارياف فالدش المركزى مشرع فاشل فى الارياف بنسبة 70 فى المائه

[m_m_m_m]

تسلم ع النصيحة يا باشا والله قصدى يا دكتور

بس الاكوزى ده واحد صاحبي قالى كويس جدا وبيرمي الصورة مسافات بعيده بدون ااف تي وهو 3 مخرج(uhf )

وبيقولى مستعمل ده سعر كويس ولا غالى

وعادي انا بسال على سعر حاجه مستعمله

وبيقولى مش موجود جديد

ممنوع وضع الاسعار

[m_m_m_m]

اخى ابو منال يوجد مكبرات جديده و ارجوك اخبرنى بالتفصيل هذا المكبر الاكوزى اولا اين صنع ؟ ثانيا عدد الدواخل in و قوة كل دخل كام ديسبيل ؟ و عدد الخوارج كام و قوة الخرج out الرئيسى كام ديسبيل؟ تاكد ان خوارج المكبر الداخله و الخارجه سليمه و ليست واسعه
تاكد ان volume التعليه و التوطيه على الدواخل و الخوارج من المكبر تعمل بنجاح و ليست مكسوره او ناعمه او لا تعمل
اذاكنت هتشترى هذا المكبر فيجب ان تقوم بتجريبه يوم فى اى شبكه و ترى صورته اذاكانت جيده و ثابته او سيئه او متقلبه شويه مظبوطه و شويه عملها العوء
و بالنسبه للسعر فهو غالى نظرا الى ان المكبر مستعمل و ياسلام لو تبعتلى صورته هفيدك اكتر و اقولك تعمل ايه بظبط

[m_m_m_m]

مش هشتريه اصلا مهو الالكاد سعره ارخص وجديد

بس سمعت عن كارت الجاما ده

ياريت توضحلة فكرته اكتر ولازم يبقي واصل بالنت على طول ولا مش لازم

وياريت تبعتلى سعره على الاميل

وينفع يركب على الاسبلتر كارت اللى اتكلمنا عليه ال16

والاسبليتر كارت ده ممكن يشتغل على اجهزة بها بيت كارت زى الترومان كده ولا لازم كامه مدمجة

[m_m_m_m]

انا قررت على بركة الله اعمل شبكة تانى 24 قناه

ولسه ما اشترتش ولا حاجة ولسه بجمع في المعلومات

ومحتاج خبرة حضرتك في المكونات اللى هشتريها

وطريقة التركيب كاملة

معلش هتعبك معايا

ياريت تقولى افضل المكونات اللى ممكن اشتريها باقل الامكانيات
وطبعا انت عارف الشبكة القديمة بتاعتي هنعمل واحده غيرها

وتقولى على الاجهزة واشتريها منين
انا بقالى 3 ايام انتظر فيك

وياريت ترن عليا ع الرقم ده وانا اكلمك

لان النت هيفصل عندى علشان الفاتورة لانى دايل اب

واسف لتعبك

ممنوع وضع ارقام الموبيلات

[m_m_m_m]

اخى ابو منال كارت الجاما هو كارت جديد وهو يعمل عن طريق شحنه بملف و يمكن عن طريقه ان ترى الشوتليم و الارت و النوفا
اخى ليس هناك حاجه لتوصيله بالنت انت تقوم بشحنه فقط وتعمل القنوات بنجاح اسرع من الكارت الاصلى بتاع الشوتايم و الارت و عندما تتوقف القنوات تقوم بشحنه مره اخرى و بالنسبه لسعره هو غالى الثمن خصوصا فى المنطقه العربيه و لكن ان اشتريته من اوربا يكون ارخص و لا انصحك به على الاطلاق
بالنسبه للاسبيلتر كارد يمكنه العمل على اى نوع من الكروت ماعدا القنوات ال*****ه فربما يكون بعض المشاكل فى تعامله مع تلك القنوات الله يلعنهم و لكن نصيحه اشترى كارد اشتراك اصلى للارت و الشوتايم و يكون v4 و يكون فعال مش الاشتراك موقوف و ضعه فى الاسبيلتر كارد وو ذع منه الى الاجهزه
اخى ابو منال ياريت تراجع الموقع الذى ذكرته لك من قبل و هو يتحدث عن الاسبيلتر كارد و هو يدعم اللغه العربيه و هناك ستجد كل ماتريد ان تعرفه عن الاسبيلتر كارد و هو يدعم اللغه العربيه ياريت تراجعه و فيه ستجد كل الاجهزه التى يدعمها الاسبيلتر كارد و كيفية التعامل و التركيب
و احسن الاجهزه هى الاجهزه التى تكون كامتها pilt in

[m_m_m_m]

اخى هناك الكثير من المحلات التجاريه
وساذكر لك بعض العناوين للاشهر على الاطلاق
1- شركة فلاش جروب و العنوان كالاتى 13 ش يوسف الجندى باب اللوق بجوارؤ جراج البستان
2- شركة امريكان 2000 و العنوان 23 ش عبد السلام عارف باب اللوق
3- سنتر الفالكى بباب اللوق
4- سنتر النخيلى بباب اللوق
5- سنتر العريبى بالعتبه

[m_m_m_m]

اخى ابو منال اشترى اجهزه قديمه و مجهزه بكامات مستعمله استعمال جيد وشغل عليها الاسبيلتر كارد هتكون تمام و ميه ميه
و اذا اشتريت ترومان بذلك العدد الكبير اعلم ان بعض اجهزة الترومان تسبب الضغط على القنوات فى الشبكه و هتتبعك كتير عند التجميع لانها تؤثر على القنوات الاخرى و تضغط البندات
و بالنسبه لشراء تلك الاجهزه فهى انواع جيده و لكن هناك سؤال هام هل تتحمل العمل فى الشبكه لمدة 24 ساعه بدون انقطاع بحيت لا تهنج او يكون فيها مشاكل و تحتاج الى صيانه انها اجهزه صينى مجهزه للاستعمال المنزلى فقط و اذا حدث اى خطا ترميها و تجيب غيرها نظرا لرخص ثمنها فهى انواع رديئة الصنع
اخى اعمل ذى مقولتك و النتيجه مضمونه باذن الله

[m_m_m_m]

اخى ابو منال الاجهزه المستعمله كتير قوى كل يوم يجيلى واحد عاوز يبيع الريسفر بتاعه القديم و عاوز يشترى جديد و يوجد الكثير منها فى محلات الدش و مراكز الصيانه
بالنسبه للايكوستار راجع اجهزة القسم الخاص به واعرف اذا كان ينفع ان كان يمكن تحويلها لتصبح فرى و يعمل عليها اى كارت او مينفعش

[m_m_m_m]

اخوانى اعتذر فيكم جميعا ساضطر للتوقف فى شرح الموضوع نظرا لانشغالى بامتحانات الترم فى الكليه و باذن ساكمل البقيه بعد انتهاء اشرافى على الامتحانات

[المهندس محمد]

الف شكر اخى بارك الله فيك


ومثبت لاهمية الموضوع

[m_m_m_m]

الشكر لله بشمهندس محمد و ارجو ان اكون افادت اعضاء المنتدى ورديت لوجزء صغير من جميل حضرتك عليا

[تامر201]

السلام عليكم ورحمة الله وبركاته
ما شاء الله شرح ولا اروع
اول موضوع متكامل شامل كل شيئ عن شبكات الدش المركزى بادق ادق التفاصيل
شكرا للمهندس m_m_m_m

لكن ربنا يسامحك اخى
مش عارف اقولك ايه ؟ انا قرات موضوعك بالكامل وانبهرت بيه
لكن بعد قرائتى للموضوع حسيت ان انا تااااااااااااااااااااااايه , وحسيت ان المعلومات السابقه بالاضافه للمعلومات اللى عرفتها من موضوعك حسيت انها بقت فى دماغى سلطه , واتشتت من كتر المعلومات
بعد لما قررت انشيئ شبكه بطريقه معينه , جه موضوعك لخبطلى كل الافكار

يعنى مثلا :
اجهزه معينه لازم تكون فى اول بند uhf
الجهاز الفلانى لا ياخذ ولا يعطى الجهاز الفلانى
الجهاز الفلانى فى الشبكه بيضغط الصوره
الجهاز الفلانى لازم يكون offset صفر فيما فوق وما ينفعش يركب مع جهاز واحد فيما فوق
باقات معينه من الاجهزه تعطى افضل نتائج
طرق مختلفه للتجميع على المكبر الرئيسى
طريقه للتجميع على مكبر فرعى قبل الرئيسى
الخ الخ الخ

بالاضافه لمعلومات سابقه عن طرق التركيب
بالاضافه لخبرتى المتواضعه فى التركيب والمعتمده اساسا على التجريب والتبديل
الى ان اصل لافضل النتائج
مش عارف اعمل ايه دلوقت انا اتلخبطت

على العموم انا هاتعبك معايا شويه معلش اعذرنى

افترض ان عندك هذه المكونات وتريد انشاء شبكه

اولا : الرسيفرات

[B] النوع

توب فيلد 4000 فرى الصغير الحجم العدد 7

سيتزن 5200 و 5200 الترا العدد 6

سكاى لايف 70 و 80 العدد 5 ( اربعه 70 + واحد 80 )

ترومان متنوع العدد 4 (واحد 7000 + واحد 160 + واحد 150 + واحد 1000 )

استرا 9400 العدد 1

ديكودر اوربت العدد 1

ديكودر cne الفضى الصغير هيوماكس العدد 1

تكنوسات 888 العدد 3

جهاز dvd واحد

المجموع = 28 رسيفر + dvd

ثانيا مكبرات الغرفه

واحد الكاد 711 وواحد fte 5053
وطبعا عدد من اجهزة الالكاد الصغيره 200 و400

بهذه المكونات كيف يمكنك انشاء شبكه صورتها جميله من اول قناه الى اخر قناه مكونه من 24 قناه , يعنى ممكن الاستغناء عن اربع رسيفرات من المكونات المذكوره سابقا او خمسه بالـ dvd

وعلى اى مكبر ؟ الالكاد 711 ولا الــ fte 5053
وهل الافضل التجميع على جهاز صغير قبل الكبير ام الكبير مباشرة
وكيف ستكون تسكينات الاجهزه على المدى uhf واى انواع الرسيفرات فى البدايه وايها فى آخر المدى
واى باقات تتجمع rf مع بعضها وكم عددها .

مع ملاحظة ان اجهزة التكنوسات لوضعها على vhf مع انى لاحظت ان هذه الاجهزه رغم تسكينها على الـ vhf تعمل خيالات على الـ uhf فى اكثر من تردد فهل لهذه المشكله حل لانها ربما تعمل تداخل مع الاجهزه المسكنه على المدى uhf

طبعا اجهزة الاسكاى لايف للشيرنج على كارت اشتراك

واجهزة الترومان 1000 و 160 و 150 للشيرنج بالنت


شكرا لك اخى الفاضل وانتظر منك الرد واعذرنى ان كنت تقلت عليك
بس ياريت شرح بالتفصيل الممل كأنك تنشيئ شبكه فعلا لانى بصراحه تهت
وشكرا مره اخرى