مطلوب زعيم

[محمود ابواحمد]

مطلوب زعيم


"مطلوب زعيم …لشعب طول عمره عظيم، لشعب كان فاعل زمان لكنه هان…حتى إنه ثار بإيدين كبار وإيدين صغار، مفعول بيه بيقسموه ويفرقوه ، ويقطعو في عين اللي جابه واللي جاب أبوه عشان يموت..أو ينتهي".

"مطلوب زعيم ..لشعب حكامه خانوه، وتوهوه وغيبوه واللي انتبه منه وفاق غموله عينه وكمموه

وسلموه في المعتقل..لكلاب جعانة يقطعوه، لكنه رغم القهر قام زأر وزام، وفي أسبوعين زلزل حصون الجلادين هد النظام، فوق راس جميع المفسدين".

"مطلوب زعيم.. يحمي الحقوق، يعدل ما بين الناس تمام زي الفاروق، ويكون حنين على الفقير وعلى اللي فاسد يفتري، يهدم على دماغه الشقوق، ويعلقوه في المشنقة ..أو يرفعوه على راس خازوق".

"مطلوب زعيم …ميقولش على الخواف حكيم، ويكون كمان سمعه سليم يسمع لنبضة قلبنا ويكون مكانه في وسطنا ميعش أبدا في القصور ،والبعض منا للأسف ساكنين قبور، يشرب وياكل أكلنا ويعيش كواحد مننا يسمعلنا ويشور وياخد رأينا ،وقت الخطر نتلم حواليه كلنا، ونضحي وياه بعمرنا".

"مطلوب زعيم ..على المسئولية يكون أمين ، ويكون جرئ ويكون شجاع مش إمعة وحتة بتاع

يعرف يقول للظلم لأ ، ويموت ولا يفرط في حق، مطلوب زعيم نقدر نحاسبه بالقانون ،أو نعزله ..لو للأمانة يوم يخون".

"لا يشترط الشكل أيه ..لا يشترط السن أيه ، لا يشترط الملة أيه..شرطه الوحيد يكون بشر بالاختصار ..مطلوب دكـــــر".

[مدحت الجزيرة]

"مطلوب زعيم …ميقولش على الخواف حكيم، ويكون كمان سمعه سليم يسمع لنبضة قلبنا ويكون مكانه في وسطنا ميعش أبدا في القصور ،والبعض منا للأسف ساكنين قبور، يشرب وياكل أكلنا ويعيش كواحد مننا يسمعلنا ويشور وياخد رأينا ،وقت الخطر نتلم حواليه كلنا، ونضحي وياه بعمرنا".

يارب

شكرا محمود بيه

تحيتى

[عبدالرحمن سيد]

قبل كدا بكوا عنينا

وسبونا نداوى لوحدنا فى جرحنا

نقوم نفكر فيهم طول عمرنا

لاء يا قلبى لازم ننساهم زى ما نسيونا

آه كان لازم نحزن ونقول احنا انجرحنا منهم

بس خلاص لازم ننساهم زى ما نسيونا

خلاص يا قلبى لازم ننسى اللى فارق إيدينا

ونعيش بس لينا نعيش بس لينا

ومنفكرش فى حد جرح فينا

ونقول إنه فى يوم كان لينا

بس كل اللى احنا نعمله

اننا ننساه ونعيش بس لينا






مـَ’ـسكـَ’ـت ألقـلـَ’ـم لأكـَ’ـتب هـَ’ـموٍمـَ’ـى فـبَـكَـَ’ـىَ ألقَـلـَ’ـم قبـلَ أن تـَبـٍكَـَ’ـىَ عـَ’ـيٍـوٍنـَ’ـىَ