ماتت صناعة وفن تركيب الدش للاسف الشديد

[sas_kik]

المشاركة الأصلية كتبت بواسطة loveramado

نفسى حد يرد على رأيى

يا أخي اقرأ المشاركة رقم 14 الراجل بيقوللك ركب النايل بثلاثين جنيه بس

عايز ايه كمان اهو سمع كلامك ونزل السعر وكمان زي ما حضرتك قلت انهالت عليه العروض

وربنا يزيد ويبارك

[loveramado]

المشاركة الأصلية كتبت بواسطة sas_kik

يا أخي اقرأ المشاركة رقم 14 الراجل بيقوللك ركب النايل بثلاثين جنيه بس

عايز ايه كمان اهو سمع كلامك ونزل السعر وكمان زي ما حضرتك قلت انهالت عليه العروض

وربنا يزيد ويبارك

يا اخى العزيز لو كان الرد ده ليا كان وجهه لى مباشرة وانا لى ثلاثه ردود مختلفه ولم اجد الا التجاهل
كان نفسى الحوار يكون احسن من كده

[ABUELELA]

كله بيرزق من فضل الله ومشى حالك الناس متعرفش محترف من بتاع بطيخ هو عايز النايل سات يشتغل وخلاص

[ABUELELA]

ياعم متزعلش انا عملت صيانه للزبون فى طبق 240 وبغدت مخلصت اعطانى عشره جنيه

[سالم الشنيطى]

انا كنت بركب ب50 ج الزبون بيجى المحل ويقولك ركبلى الطبق وخد اللى انتة عايزة افاجئ انة بيعطينى 5 ج ياحسرة على دى زباين زباين دمنهور محافظة البحيرة

[loveramado]

طبعا مش ده اللى احنا عاوزينه
احنا عاوزين الفنى يركب ويحصل على اجره بما يرضى الله بلا مبالغه وفى نفس الوقت ياخد حقه
طبعا 10 جنيه فى صيانه ال 240 بس حرام
وكمان 5 جنيه بس فى تركيب دى سرقه ونصب

عموما السوق قلاب وفيه ده و ده
تحياتى وشكرا على التواصل

[طه المصرى1]

ياجماعه الكلام الى انتو بتقولوه ده كلام غير صحيح تماما لانو الى بيركب بجد ميتنزلش عن حقه خالص والكلام ده كله مينفعش معانا خالص واقل ما فيها انا بركب النايل والاوربى وعرب سات 75 جنيه وممكن اكتر كمان وهذا دليل على كلامى وادى الصوره

[طارق الصعيدي10]

ياسلام عليك يااستاذ طة ادي الكلام اللي يفرح

[طارق الصعيدي10]

يوميات فني تركيب دشات



اشكر كل من قام بالرد علي موضوعي هذا و التي نخرج منها بالاتي
1- انا قلت بياع الكشري ومبيض المحارة ولاأقصد هم بعينهم بل هي شخصيات كريكاترية الغرض منها ان نعرف ان الصنعة التي كان لها شأنها سابقا دخل عليها اشخاص قليلو العلم والمعرفة ان دخول هاوي او شخص ليركب دش هذا من حقة اذا كان يحب هذة الصنعة او ليس لة عمل ............ لكن
لكن ماذا ؟؟؟؟
الاجابة هي
1- يجب علية ان يتعلم اولاً ويمارس تركيب اطباق بجميع انواعها مع محترف حتي ولو بدون مقابل ثم يبدأ يجرب عندة بالمنزل علي طبقة وهذا مافعلتة تعلمت اولا لفترة سنة مع محترف وجرجت معة ثم طبقت ماتعلمتة عندي بمنزلي وجربت جميع انواع التركيبا وكنت اخطأ في بعد النقاط فألجأ الي المحترفين لاصحح ولما وجدت نفسي اتقنت المهنة جيداً بدأت امارسها ......... لكن بشروط ... ماهي هذة الشروط ؟
الشروط هي الايقل المبلغ الذي اتقاضاة نظير التركيب عن المبلغ الذي يتقاضاة المحترف حتي لااظلم من علموني واجعل المهنة تبقي بلامقابل فبرمجو وتركيب الدش ومشاكلة وخاصة انظمة الدايزك الثابتة والمتحركة تأخذ مجهود بدني وعصبي يكفي ان الزبون يهريك من الاسئلة واولادة الصغيرين راكبين علي نفسك وعاوز منك تجيب لة الممثلين والمطربين يسهروا معاة هههههههه اظن دي كبيرة شوية
معلهشي ياجماعة انا بحط افيشات للضحك مع الموضوع علشان القاريء لايزهق
المهم كمان منضحكشي كمان علي الزبائن يعني واحد يجيب القمر ناقص نصفة ويمزق الطبق للراجل علشان يجيب قبرص واشياء كثيرة غلط وجدتها من خلال العمل دة اللي ميصحش
المهم يااخونا يافنيين توحدوا ولاتنزلوا من اسعاركم واللي عاوز يركب يركب سواء بياع كشري او ترمس المهم يبقي عندة ضمير ومايرخصي نفسة يعني لما واحد يقول انا بركب النايل سات بعلبة سجاير وواحد يقو ل يغديني بيكفي وواحد يقول بخمسة جنية معقولة اللي بقرأة دة دا انا رفضت اركب النايل سات ب 40 جنية
كما ان صنعة الدشات لاتقتصر علي التركيبات فقط بل هناك هارد وير وسوفت وير واشياء كثيرة تحتاج الي علم وخبرات طويلة وليس الموضوع تركيبات فقط
عموما سعدت بمداخلاتكم ومشاركتكم وكان منها الافادة والاستفادة وعرفت منها ماهو وضع فني تركيب الدشات بمصر الان
تقبلوا تحياتي

[adel gaber]

اخى طارق انا كنت فى الاسكندرية وكنت بركيب نايل سات 50جنية وكذك يااخى تختلف بين المحفضات

[sas_kik]

ايه يا عم طارق انت عاوز الصناعية تعمل اضرابات والا ايه

ما انت عارف في كل مكان فيه فرق في الاجرة بيوصل لحد 40% احيانا وده عادى في جميع المهن ( المكانيكا – الكهرباء – السباكة – المحارة - والبلاط – وحتى في الكمبيوتر السوفت وير والهارد وير ) اشمعتا الستلايت وانت عارف وكل مرة بتقول كل واحد بيركب بشكل يبقى كل واحد بسعره وبعدين حتى الوقت والتوفير على الزبائن وحاجات كثير غير كده المفروض كله يكون بحسابه

المهم الخلاصة

كل واحد على قد حاله

على فكرة انت مش بتاكل كشرى والا ايه يا عم حرام عليك هريت بتوع الكشرى هما ذنبهم ايه بس كمان معاك عمرك شوفت واحد بتاع كشر بيركب ستلايت

تقبل تحياتي

[باسم9]

يا جماعه مش كل التركيب ركب الطبق وانساه+ مشاجي تاني يوم الاقي الاشارة ضاعة من شوية هوء ده الفرق بين المختص وبياع الطماطم

[احمد احمد]

للااسف الشديد كلة باظ التركيب ب30 جنية 3 اقمار
والسوفت ب5 جنية
الدنيا خربيت يا ناس

[طارق الصعيدي10]

على فكرة انت مش بتاكل كشرى والا ايه يا عم حرام عليك هريت بتوع الكشرى هما ذنبهم ايه بس كمان معاك عمرك شوفت واحد بتاع كشر بيركب ستلايت

انا قلت بياع الكشري ومبيض المحارة ولاأقصد هم بعينهم بل هي شخصيات كريكاترية الغرض منها ان نعرف ان الصنعة التي كان لها شأنها سابقا دخل عليها اشخاص قليلو العلم والمعرفة ان دخول هاوي او شخص ليركب دش هذا من حقة اذا كان يحب هذة الصنعة او ليس لة عمل ........

المهم يااخونا يافنيين توحدوا ولاتنزلوا من اسعاركم واللي عاوز يركب يركب سواء بياع كشري او ترمس المهم يبقي عندة ضمير ومايرخصي نفسة يعني لما واحد يقول انا بركب النايل سات بعلبة سجاير وواحد يقو ل يغديني بيكفي وواحد يقول بخمسة جنية معقولة اللي بقرأة دة دا انا رفضت اركب النايل سات ب 40 جنية

[طارق الصعيدي10]

الف الف شكر لادارة منتدي المهندسين العرب علي سماحهم بطرح موضوعين لي هما يوميات فني دش وموضوع ماتت صناعة الدش للاسف الشديد وعدم غلقهم الي الان وهذا يدل علي عظمة هذا المنتدي العملاق وديموقراطية كما اشكر كل الاعضاء والفنيين العظماء علي ردودهم الجميلة وتفاعلهم مع مشاركاتي والتي جرجت منها بفوائد كثيرة واراء كثيرة ولم يكن هناك ردود سلبية الا رد واحد فقط هو للعضو اسد بابل الذي شكك من قدرراتي وووجة لي سؤال وكأني تلميذ بمدرستة وتعالي بردة وهو يسألني سؤال بالتركيبات بدلا من اقول واتعب نفسي في الاجابة كنت ممكن ادخل علي جوجل واكتب سؤالة واجد مائة رد لكن ... السكوت احياناً يكون ابلغ من الرد
تقبلوا تحياتي