عشر طرق عشان تعكنن على مراتك

[طه ابوالجود]

1- اصحى يوم الجمعة بهمة ونشاط وجهز الافطار لزوجتك بس ...متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة طبعا يُراعى ترك آثار سمنة على الارض مع ترك... التلاجة مفتوحة وقشر البيض فى الحوض *******
2- اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب ملاحظة : اغلب النساء ذوو ثقافة كروية ضعيفة *******
3- الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى *******
4- فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة *******
5- لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها *******
6- ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده *******
7- لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك *******
8- لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية *******
9- لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟ *******
10- وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني

[tiger2000]

الطيب احسن
شكرا اخي طه
لك مني كل تحيه وتقدير

[وليدالسيد]

ياعم تنكد على مين دول هما اللى ينكدو على بلد اعقل العقل زينه احسن تبات برة البيت ههههههههه

[طه ابوالجود]

المشاركة الأصلية كتبت بواسطة tiger2000

الطيب احسن
شكرا اخي طه
لك مني كل تحيه وتقدير

شرفنى مرورك العطر اخى الغالى

[طه ابوالجود]

المشاركة الأصلية كتبت بواسطة وليدالسيد

ياعم تنكد على مين دول هما اللى ينكدو على بلد اعقل العقل زينه احسن تبات برة البيت ههههههههه

هههههههه
يعنى الطيب احسن ونستسلم ونرفع الرايه البيضاء لهم
لا لا لا لا
ههههههههههه
شكرا لمرورك اخى

[ابونور10]

جزاكم الله خيرااخى الغالى

[جمعه الديسطي]

ياخوفي ياطه ان كنت متزوج ام لا تبيت تحت السرير النهارده

[طه ابوالجود]

المشاركة الأصلية كتبت بواسطة جمعه الديسطي

ياخوفي ياطه ان كنت متزوج ام لا تبيت تحت السرير النهارده

ههههههههههههه
مره كده ومره كده
تشرفت بمرورك اخى جمعه

[esam9900]

بارك الله فيك اخي طه والطيب احسن