|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||||
|
|||||||||||
كرسى الحلاق !!
كرسى الحلاق !!
أنا باحترم كرسى الحلاق أصله استثناء من قاعدة بعد ما كانت داء قلبت بوباء ! **** بقى أى كرسى ابن اللى عليه هو اللى يليه ويستمر و ( من غير ليه ) زحف الأبناء ! **** أى ابن صاحب دال مشهور يصبح دكتور وابن اللى من غير دال مقهور ضاع علمه هباء ! **** وابن اللى على كتفه الدبابير وعليكم خير بكره تلاقوه له شأن كبير جوه ( الُقُشلاق ) ! **** وابن السفير من غير هندام ولا كُتر علام مولود بدرجة قنصل عام دولة واء واء ! **** وابن المدير من غير تبرير هُب بقى مدير لا كفاءة ولا خبرة ولاضمير ولا حُسْن أداء ! **** وابن الوزير - ربنا يحميه ويبارك فيه – وزير ، وبكره ولاد معاليه يصبحوا وزراء ! **** والجامعة فيها ابن الأستاذ يصبح لو عاز أستاذ ولو يتحرقوا بجاز باقى الزملاء ! **** وفى الفنون ابن الفنان أيا من كان محجوز مكانه هو كمان تحت الأضواء ! **** وابن الرياضى حبايب ابوه بكره يخلوه نجم النجوم وزمايله تتوه فى حوارى بولاق ! **** وابن المذيع بطريق مشروع أو غير مشروع مشروع مذيع مرئى ومسموع أرضى وفضاء ! **** أما ابن أى رئيس تحرير أو صحفى كبير فأكيد ومن بره الطوابير جاى للقراء ! **** لكن يا عينى ابن الحرفوش هذا اللى مالوش لا عيلة ولا جد بطربوش ولا عنده دهاء ! **** ابن اللى فيه اللى مكفّيه بتزيد مآسيه مش لاقى حد يحن عليه بين الأحياء ! **** لا نفع معاه قرض ( الصندوق ) ولا دعم ( شروق ) من تحت عمره ما يطلع فوق حتى ولو فاق ! **** واقع لا فيه منطق معقول ولا شىء مقبول وان قلت ليه تلقى المسئول قال باستهزاء ! **** اشمعنى يعنى ابن الجزار وابن النجار وابن الغفير وابن الحمَّار وابن السواق ؟! **** ليه اللى وارث مهنة ابوه منهم تسيبوه فى حاله وخلافه تحاسبوه وكأنه أساء ؟! **** والرد ببساطة وبشويش إن الحرافيش دول اللى مش لاقيين العيش غير الوجهاء ! **** فيه كرسى بيخلّى اللى عليه باشا أوبيه وكرسى مش شايلاه رجليه زى البؤساء ! **** لكن بقى الكرسى المذكور محجوز بالدور ولا يعرف الغش ولا الزور ولا الاستثناء ! **** وغير كدا حواليه مرايات فاضحة النيَّات وكاشفة كافة الاتجاهات بلا أى زواق ! **** وعشان كدا أنا شايف فيه سر يخليه غيرعادى وواجبنا نحيّيه كرسى الحلاق |
10/1/2008, 10:56 PM | رقم المشاركة : ( 2 ) | ||||
مـهـند س نـشـيط
|
رد: كرسى الحلاق !!
مشكووووووووووووووووووووووووووووووووووووووووووووووو ووووور
|
||||
10/1/2008, 11:24 PM | رقم المشاركة : ( 3 ) | ||||
مـهـند س مـاسـي
|
رد: كرسى الحلاق !!
مشكووووووووووووووووووووووووووووووووووور
|
||||
11/1/2008, 02:56 PM | رقم المشاركة : ( 4 ) | ||||
مـهـند س مـحـتـرف
|
رد: كرسى الحلاق !!
قال رسول الله صلى الله عليه وسلم ( بارك الله فى التجارة والنجارة )
النجارة هى الحلاقة شعرك جميل وليس به أخطاء لغوية كتبت و ابدعت فاحسنتتتتتتتتتتتتتتتتتتتتتتتتتتتتتتتتتتتتتتتتتت |
||||
12/1/2008, 05:04 PM | رقم المشاركة : ( 7 ) | ||||
مـهـند س مـحـتـرف
|
رد: كرسى الحلاق !!
مشكووووووووووووور
|
||||
16/4/2008, 05:08 PM | رقم المشاركة : ( 8 ) | ||||
مـهـند س نـشـيط
|
رد: كرسى الحلاق !!
برافووووووووو
|
||||
16/4/2008, 06:16 PM | رقم المشاركة : ( 9 ) | |||
Banned
|
رد: كرسى الحلاق !!
|
|||
12/5/2008, 01:11 PM | رقم المشاركة : ( 10 ) | |||
Guest
|
رد: كرسى الحلاق !!
مشكور اخي يعطيك ألف عافية
|
|||
27/7/2008, 11:19 PM | رقم المشاركة : ( 11 ) | ||||
نـجـم الـنجوم الـمـميز بـالـمهندسين الـعرب
|
رد: كرسى الحلاق !!
|
||||
13/8/2008, 05:01 AM | رقم المشاركة : ( 12 ) | ||||
صديق المهندسين
|
رد: كرسى الحلاق !!
باااااااااااااااااااااااااارك الله لك
|
||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~