حصرى وأقوى الأعمال من المهندسين العرب فقط تعديل البراكليبس ( ميكروبكس 1=5 )

[احمد سمير]

المشاركة الأصلية كتبت بواسطة ahmedsat130

تسلم يداك اخى الغالى سمير

الف شكر لك أخى ابو يوسف ( أستاذ احمد زهره )

ونورت المنتدى ياحبيبى

بارك الله فيك

[علاء غنيم]

شكرا لك اخي وعليك متابعه مشاكل وردود الاعضاء

[م/ابراهيم]

المشاركة الأصلية كتبت بواسطة احمد سمير

السلام عليكم ورحمة الله وبركاته


من هنا فقط

ومن أرض الواقع وكما تعودتم منا ومن منتدانا الغالى

وبعد عناء وشقاء لقد كذبنا كل الذى شككوا فى قدراتنا

ومنعا للقيل والقال فلا للإحتكار هنا فى منتداكم الغالى


المهنــد ســــــــــين العـــــــــــرب









لقد توصلنا للتعديل الغاشم للبراكليبس فرجن1

والهيروشيما فرجن1 الجديد

للعمل كدونجل ( Y 6 ) وبحمد الله تم نجاح العمل


اخوانى وأحبابى

نبدأ سويا بكيفية التعديل وان شاء الله نبدأ بالجهاز البراكليبس فرجن1

قبل البدء فى العمل المتميز بحمد لله أرجو من الجميع بأن

يوحدوا الله ويصلوا على كامل النور


اخوانى تابعوا معى وإنتبهوا جيدا لكل كلمه

فهيا على بركة الله نبدأ

1= قبل كل شىء وقبل أن تبدأ فى موضوع ( الهارد وير )

يجب تحميل السوفت الأتى ومن على وضع البوت أى هتفصل الريسيفر

عن التيار من البور الخلفى وتضغط على زر استاند باى من واجهة الريسيفر

وفى هذه الحاله هتوصل التيار من البور الخلفى وعينك على شاشة الريسيفر

الى ان يكتب بوت

وبلودر الهيروشيما أو الكيوماكس المنى هتحمل السوفت اللى فى الرابط الاتى

من هنااااااااااااااااا تحميل اولى الملفات من وضع البوت

بعد الإنتهاء من التحميل وكتابة الريسيفر اند على شاشته

طفى الريسيفر من الخلف وشغله من جديد هتجد أن الريسيفر

عمل لمبه حمراء ونقتطين فوق بعض على واجهته

2= من على وضع البوت أيضا هتحمل ملف البوت اللى فى الرابط الأتى

من هنا ملف البوت وثانى الملفات

بعد الإنتهاء من تحميل ملف البوت برضه طفى الريسيفر من الخلف وشغله تانى

هتجد الريسيفر الأن عمل لمبه حمراء فقط وهذا هو المطلوب

******************************

نيجى الأن لموضوع الهاردوير

1= أول شىء هنعمله هو قفل المقاومه المفتوحه اللى بجوار الكرستاله

يعنى اعمل عليها شورط

ثانيا

2= عندك مابين الكرستاله والتيونر مقاومتين ( أرقامهم هى R 15 / R 18 )

لو كانوا موجودين فى البورده شيلهم نهائى من البورده ليس ليهم طلب خالص

وفى الغالب مابيكونوش موجودين فى الاساس يعنى أغلب هذه الأجهزه

بتنزل أحيانا بدون تلك المقاومتين وكما ذكرتا من قبل ليس ليهم طلب

ثالثا

3= يوجد بجوار التيونر مباشره ترنزستور اسود كبير بعض الشىء

ليس مربوط عليه تبريد المونيوم رقمه هو ( B 772 ) شيله خالص

وطلعه من البورده فليس ليه طلب أيضا

رابعا

4= ربط سلك من على خط ال ( V 12 ) اسفل سوكت البور ومكتوب عليه

قيم الفولتيات كلها وهتجد هذا الطرف بالنسبه لترتيب اسلاك البور هو رقم ( 6 )

هتوصل السلك من خط ال ( v 12 ) الى الطرف الأوسط من الترنزستور المخلوع

ال ( B 772 )

هيتبقى لنا أخر مرحله وهى

تغيير الكرستاله اللى فى التيونر بكرستاله اخرى

رقمها هو ( 27000 ) وللعلم علشان محدش يغلب نفسه كتير

هذه الكرستاله متوفره فى شاسيهات الترومان 150 العادى

وفى الأسترا فى البورده الرئيسيه علشان محدش يدور عليها بداخل التيونر

فهى موجوده فى البورده الرئيسيه كلامى هذا للى عندى شاسيهات مقطعه

*********************

اخوانى وأحبابى نفس الشرح السابق

ينطبق على الهيروشيما الجديد

ولكن مع اختلاف فى السوفت والبوت

واليك رابط للسوفت الواجب تحميله اولا للهيروشيما الاحمر الجديد

من هنا تحميل سوفت للجهاز من وضع البوت

وبعد الانتهاء من تحميل السوفت

ومن وضع البوت أيضا حمل ملف البوت اللى فى الرابط الاتى



من هنا ثانى الملفات ( بوت للجهاز )

http://www.herosh.com/download/2888514/boot.rar.html

اخوانى واحبابى

تعالوا معى فى جوله مصوره للتعرف على بعض القطع

المراد تغييرها وبالصوره



هذه صوره للقلم متجه ناحية

المقاومتين رقم 18 و 15

ملف مرفق 223867

وهذا شكل الترنزستور اللى هتشيله من البورده نهائى

ورقمه هو B 772

ملف مرفق 223868

هذه شكل الكرستاله اللى هتخلعها من التيونر

وهذه صورتها بعد الخلع

ملف مرفق 223869

وهذه صورة الكرستاله المراد تركيبها مكان اللى اتشالت من التيونر

ورقمها 27000

ملف مرفق 223870

وهذه صورة الكرستاله 27000 بعد تركيبها فى التيونر

ولو تعبتك فى التركيب ممكن توصل لها سلكين وتركنها على جانب

ملف مرفق 223871

وهذه صور للعرض للجهاز بعد نجاح العمل

ان شاء الله جارى رفع مجموعة صور للعمل بعد

تظبيط كارت التليفزون

وباذن الله ومن هنا من

المهندسين العرب

لنا لقاء فى أعمال مميزه وحصريه

ولى لقاء معكم بمشيئة الله

يرجى عدم النقل

لأى منتديات


تحــــــــــــياتى لكم اخوانى

الله عليك دامت لك نعمة المعرفة وربنا:mohn dsen2

[زكريا شوشة]

قمة الروعة
بارك الله فيك
وعودة وثبات من جديد

[احمدسكران]

قمة الروعة
بارك الله فيك
وعودة وثبات من جديد



من الاخر

[أبوإسماعيل88]

طب احنا عاوزين نعرف لما نحب نديله سوفت تحديث اكيد هنديله عن طريق اللودر بتاع الدونجل
ايه نوع الدنجل ده ؟؟؟؟
طبعا الارجح انه ميكروبوكس لما احب احدثه اعمل ايه ؟؟؟؟؟؟؟؟؟؟؟؟؟؟؟؟

[حودة الشعبى]

اولا مشكورررررررر جدااا اخى احمد سمير على هذا العمل
ولى سؤال ضرورى

الريسيفر اصبح دنقل هل يقبل سوفت جديد لتحديثة عندما تغلق القنوات
وشكرا

[مصطفى ويل]

بصراحة اخى احمد سمير وبامانة ان الموضع دة كان شكلو وحش من غيرك واللة انا ماشوفت المشاركة بتاع حضرتك رجع من تانى احسست بتفائل لان الموضوع دة بدون استاذنا احمد سمير اصبح مش موضوع ومالوش معنى بصراحة انت اللى بتكمل معناة وكمان حاجة زادنى اطمئنان ان الموضع دة طالما مع حضرتك ان شاء اللة سوف نتعرف على كل شئ جديد لان مواضيعك سباقة فنحنو كدة لانخف اذا حدث لان لوحصل اى شئ جديد فى هذا الموضوع هتكون اول واحد عرضة على هذا المنتدى الغالى لان دة موضوعك انت ياغالى وكمان حاجة انا كدة اطمنط من ناحية تحويل الباركليبس انة هيفضل طوالى دنجل وشغال ان شاء اللة طالما انت معانا مش هنخاف ونتحدى المصاعب والحمد للة ان مشركتك رجعت نورت المنتدى من تانى فانت الاصل يا فنان يامبدع


كما اشكر الحاج علاء غنيم لانة نور المنتدى وبكدة اصبح نورين نور الحاج علاء ونو رالاستاذ احمد سمير بمشاركتة مرة اخى اوعى تزعل من اى احد يافنان هى كدة سكة النجاح كلها مصاعب فانت فى صفتك الصبر والتحمل متعنا بكل ماهو جديد يافنان والسلام عليكم

[رمضان حلمى]

لف الف شكر استازى الفاضل عمل اكثر من رائع
ابداع والحصريات المتميزة
للمهندسين العرب

[ياسر عرفة 2000]

شكرا لك على المجهود الكبير المتميز

[احمد سمير]

المشاركة الأصلية كتبت بواسطة علاء غنيم

شكرا لك اخي وعليك متابعه مشاكل وردود الاعضاء

أشكرك أستاذنا الفاضل لتواجدك معنا فى الموضوع

وإن شاء الله لك ماتريد

[hhh13]

اخى احمد انا لدى رسيفر هورشيما
واعطيت له ملف البوت الى هو الثانى

والجهاز وقف على لمبه حمراء ولا يستجيب الى اللودر ولا اى شئ
ما الحل اخى الكريم

[احمد سمير]

المشاركة الأصلية كتبت بواسطة أبوإسماعيل88

طب احنا عاوزين نعرف لما نحب نديله سوفت تحديث اكيد هنديله عن طريق اللودر بتاع الدونجل
ايه نوع الدنجل ده ؟؟؟؟
طبعا الارجح انه ميكروبوكس لما احب احدثه اعمل ايه ؟؟؟؟؟؟؟؟؟؟؟؟؟؟؟؟

ادخل هنااااا يا أخى لتعرف ماتوصلنا اليه بخصوص طلبك

[احمد سمير]

المشاركة الأصلية كتبت بواسطة hhh13

اخى احمد انا لدى رسيفر هورشيما
واعطيت له ملف البوت الى هو الثانى

والجهاز وقف على لمبه حمراء ولا يستجيب الى اللودر ولا اى شئ
ما الحل اخى الكريم

ادخل هنا لتجد الحل ولو وجدت صعوبه فنحن معاك

[totat48]

عمل اكثر من ممتاز
وفى قمة الروعة
دائما متميز ومبدع الى مالا نهاية
بارك الله فيك وفى جهودك
والى الامام دائما
تقبل تحياتى