يارت النصيحة

[مدحت السباعى]

اخوانى الاعزاء ... السلام عليكم ورحمة الله وبركاتة.. كل عام وانتم بخير ..
بصراحة ارجو ان تنصحونى نصيحة لله انا عندى مشكلة ومتحير كتير بين ثلاث اشياء
اولا انا خريج اعلام وببحث عن شغل فى القنوات الفضائية . ثانيا ان عندى فرصة سفر الى اروبا بس عن طريق جوازة من شرم الشيخ اما ثالثا فانا عندى محل ستالايت فى اكتوبر وفى مشروع قدمى انى اعمل فى شبكة دش كبيرة.. فايهما افضل لى لو كان اى شخص منكم ماكانى ...
لو عملت الشبكة تقريبا تكلف كام وايهما افضل ان يكون الاشتراك 10 جنية بس ويكون المشتركين كتير او 20 جنبة ويكون المشتركين اقل خصوصا انا اجمالى الوحدات السكانية حوالى 5000 شقة... واية المطلوب انى اعملوا فى تجهيز الشبكة خصوصا ان عندى خبرة 5 سنين فى الدش .. بالله عليكم ارجو الرد من كل شخص كريم منكم 0000 سلام عليكم

[m_m_m_m]

اخى مدحت بالنسبه لموضوع بحثك عن وظيفه فى مجال عملك فهذا جيد لانك ستجد نفسك فى مجالك كما انك لن تضيع سنوات تعلميك الماضيه هباءا
الى جانب ان سوق القنوات الفضائيه كبير و كل يوم تظهر قنوات جديده كما ان العائد المادى جيد
اخى بالنسبه لموضوع السفر فى الخارج اخى اريدك ان تعلم ان السفر حاليا بالمعنى البلدى عامل زى البطيخه ياحمراء يا قارعه كما اكيد انك ستكلف نفسك مبلغ كبير عشان تسافر الى جانب حاليا القوانين اصبحت صعبه و خاصه فى اوروبا فيجب ان تتوخى الحذر
بالنسبه للشبكه فهو مشروع ناجح عندما تتوفر عوامل النجاح و الصبر و ستجد كل مايخص هذا الموضوع من شروحات مستفيضه فى المواضيع المثبته فى اعلى القسم من حيث التركيب و المشاكل التى ستواجهك و كيفية حلها
اخى اريد ان انصحك بنصيحه اذا كنت قبل الثلاثين اعرف مواطن قوتك فين و انت متميز فى ايه و طور نفسك فيها و استفد منها قدر المستطاع
و اذا كنت بعد الثلاثين اعرف مواطن ضعفك و نميها و بتلك الطريقه ستجد نفسك رجلا محترما و ستحقق غايتك و امانيك كافه باذن الله
النصيحه الثانيه اذا قررت ان تؤسس مشروع او اى شىء او تعمل مصلحه مثلا يجب ان تحسب جيدا و تجد نفسك ان الفلوس او القرش اللى هترميه فيها هتسترده على سنه بعدها و ليس اكثر من ذلك
فرضا انك لو فتحت لنفسك مصلحه اى مصلحه وو جدت انها مثلا بتصرف على نفسها و جايبه مصاريفها على الاقل كمل فيها و اصبر عليها و باذن الله هتكبر
طب اذا وجدت انك قاعد بتصرف من جيبك و مفيش مقابل كويس و مفيش حركه و ده بيبان بعد 3 شهور من تاريخ انشاء اى مشروع او مصلحه اعرف ان ده مشروع فاشل و هترمى فلوسك على الارض و يجب ان تتوقف فورا و تراجع امورك من جديد
ارجو ان اكون افادتك اخى و اى حاجه امر اخوك اخوك فى خدمتك

[mohammed fathi]

مشكور يادكتور محمد للمتابعه الممتاذه ربنا يكرمك اخى الغالى

[مدحت السباعى]

سلام عليكم جميعا
شكرا جزيلا على اهتمامكم بالموضوع خصوصا اخى الغالى محمد او m-m-m-m انا اخى الكريم 30 سنة بالظبط والمشكلة ان القنوان كتيرة جدا بس احنا كامصريين وحشين جدا فى حق بعض كل واحد فينا عاوز يشغل اللى يهموا فقط حتى لو مش مؤهل للعمل فى موقعة... بمعنى اوضح الواسطة هى كل شىء وتتضحك لو انا قولتلك انى اعرف ناس كتيرة جدا شغالين فى القنوات لكن مش عارف اية المشكلة زاى ما يكون ان حد عملى عمل ...
وبعدين ربنا يسهل فى اكتر من موضوع ماشى فية ... بس انا خايف ان العمر عدى على الفاضى من غير ما اوصل اللى انا عاوزة .. وبعدين حاضرتك مردش على فى موضوع تكلفة الشبكة ماديا ...