يعنى ايه تبقى اهلاوى

[ابو عمر.]

يعنى ايه تبقى اهلاوى
اولا بطلب من كل اهلاوى عدم الغضب مع اننى والله العظيم انا ماسح
كلام كتير من المقاله قبل ما انزلها على الموقع وانا واضع المقاله فى المكان الخاص بالزملكاويه
يعنى ايه تبقى اهلاوى
....................

ياه تفتكر ممكن تكون كده .. فكر كده كزمالكاوى لو انت اهلاوى .. اعتقد صعب ..مجرد الفكره صعبه
او اكون انا مش متخليها .. حاول .اضغط على نفسك واتخيل .. اضحك على
نفسك .. ممكن تقبل ..طيب غمض عينك وتعالى معايا .. عاوز احبب ليك الامر
انت زمالكاوى
اخترت او لم تختار .ان تمشى عكس التيار
ان تخرج من بين قطيع... يرزخ بالجهل بلا افكار
او كان خيارك ان تفهم . ..ام كان خيار الاقدار

............

انت عارف يعنى ايه تبقى اهلاوى؟؟؟


يعنى الدنيا تبقى فله وشمعه منوره .. يعنى مش هتلاقى نفسك بتلعن التليفزيون بتاع بلدك لانه مجرد قناه
خاصه للاهلى ..يعنى مش هتلاقى صحفى رقيع يشتم ناديك وتبقى مضطر تلعن ابوه هو وصحيفته باللى فيها كل يوم
وكل ماتقرا مقاله ليه ..لانه واحد متعصب للاهلى اكثر منك وكمان بيراعى اكل عيشه ولازم ينافق جنابك
حتى ترضى عنه وكاله الاعلان لان رئيسها هو رئيس ناديك .
يعنى ايه تبقى اهلاوى
يعنى هتلاقى وزير الاعلام ورئيس التليفزيون معاك وممكن تلاقيهم بيفرحوا جدا لما الزمالكاويه يلعنوهم
يعنى هتلاقى المنيسى والمستكاوى والليثى وشلبى وشوبير ومجدى عبد الغنىبينافقوا سعادتك وكل الكتاب والصحفيين والنقاد وكل من هب ودب
. بيكتبوا كل اللى بيدور فى دماغ جنابك من افكار.
ومش بس كده ..هتلاقى كمان نقاد زمالكاويه .بتراعى السبوبه فتسكت على مصايب ناديك
او تبالغ فى حكايه الحياديه .وتضيع الحق فى الباطل .

يعنى ايه تبقى اهلاوى
يعنى تلاقى شلبيه والليثى يحلفوا بالله انهم مش اهلاويه امام الملايين ..وكل الناس عارفه انهم اهلاويه
والليثى يطلع بعدها يقدم برامج فى قناه الاهلى
يعنى تلاقى ريشه يديلكم الدورى ..وتقولوا غلطه حكم مش مقصوده وبعدين يروح يحلل فقره التحكيم فى قناه الاهلى
ومحدش يجرؤ يتهمه بانه بيقبض الثمن
وتفضل فاهم انك صاحب بطولات وامجاد بمجهودك ..
يعنى ايه تبقى اهلاوى
يعنى تلاقى البلد كلها بحكومتها ..بتنفخ فى ناديك وبتساعده وتحارب المنافس ..لانك نموذج للمواطن
الذى تتمناه اى حكومه فاسده .تنسى كل حاجه حتى وانت بتنضرب فى الاستاد منها . والمهم الاهلى والدورى
يعنى ايه تبقى اهلاوى
يعنى تبقى كايد العزال من يومك ..بكونك مغيب
.. لانك بتفرح بالاهلى ..وتنسى علشانه كل المصايب
وتنسى طابور العيش والدم الفاسد والرشاوى والبطاله والعنوسه والغلاء .. وتفوز كمان بالحكام ..وتخرج
تشيل علم وتفرح .. واحنا نشرب كل الكلام ده لان سعادتك فرحان بالدورى ومش مهم اى حاجه تانى
يعنى ايه تبقى اهلاوى
يعنى تبقى صاحبى او جارى . او حتى اخويا وتبقى فيك حاجات كويسه وبحبك . ولما تيجى سيره الاهلى ..
الاقيك نسيت الحق والعدل
وتقلب الباطل حق وتدافع عن الظلم او تدور على مبررات للاعب بيمثل ويسرق الفوز .او تكدب .
يعنى ايه تبقى اهلاوى
دايما يبقى ليك صنم فى كل جيل . ومن غير ماتفكر يعنى ايه رمز تعتبره رمز . يبقى صالح يبقى بيبو يبقى
ابو تريكه . يبقى اى اسم ..الكهنه بتوع ناديك يصنعوه وانت ما تفكرش .اذا كان سكرى وخمورجى
او كان بيمثل ويسرق فوز وبطولات غير مستحقه .. او كان معندوش اى قيم .. المهم انك تردد اسمه..من غير ما تحاول تفكر ازاى وليه .؟؟
يعنى ايه تبقى اهلاوى
يعنى تفتح الجرايد وتلاقى كل الاخبار سعيده عن ناديك ..ولا مؤمرات ولا خلافات ولا سرقات ..ولا مخدرات
ولا بلطجه ولا تصريحات كاذبه عن لاعبيك ولا حد يستفزك .. لانه عاوز يتشهر ويشتم الزمالك علشان
يرضى سعادتك و تفرح بان كل الاخبار السيئه على الزمالك فقط ..وكأن الاهلى ..من كوكب اخر
ومع انك عارف الفساد فى كل القطاعات .. وانت تصدق وتحلف ان الاهلى ده نادى عظيم ..
يعنى ايه تبقى اهلاوى
يعنى تروح الماتش وانت عارف ان فرقتك هاتكسب هاتكسب ..لانها بتلعب 14لاعب ..منهم 3 حكام ...
يعنى عارف ان الامور لو اتأزمت .. لاعب يرمى نفسه فى نص الملعب او حتى فى كوريا ويتحسب بنالتى
يعنى لاعيبتك تضرب الخصم ..وهو اللى ياخد انذار .
.. يعنى اقل نادى ياخد انذارات
يعنى لاعيبتك تشتم والحكم والمراقب ما يكتبوش ده فى التقارير .. لانه عارف ان لجنه المسابقات . هتوقفه
او هترمى التقرير فى الزباله ... والحكم يبطل يحكم

يعنى ايه تبقى اهلاوى
يعنى يبقى عندك لاعب بيسرق الفوز والفرحه بالغطس والحكم يبقى عارف وبرضه يحسبها .
ويفوز ويقبض مكافأه وبروح يحج او يتبرع بيها ..وانت تسميه (قديس) وتغنى باسمه ويبقى رمز ..
يعنى ايه تبقى اهلاوى

يعنى عمرو زكى وشيكا واحمد جعفر يتوقفوا بالفيديو .. وحسام عاشور وجمعه ومتعب .واحمد السيد
محدش يشوفهم وانت تدافع عنهم وتصدق انك بطل حقيقى
يعنى ايه تبقى اهلاوى
يعنى يبقى فريقك فايز ببطولات افريقيه اقل .والترزيه بتوعكم يعملوه بطل القرن بالتفصيل . وانت تصدق
يعنى ايه تبقى اهلاوى

يعنى تروح الاستاد وانت مش عندك اى استعداد لغير الفوز وباى طريقه حتى لو فريقك مابيلعبش ..
وتفضل تشتم فى الحكم مع كل صفاره مش عجباك ورايح الاستاد
تلاعب الاعداء . وتسال نفسك ..ليه الكل بيكره ناديك ..يجاوبك اهلاوى اخر.ويقولك .حقد
وتعيش انت وهو فى كدبه كبيره
يعنى ايه تبقى اهلاوى

يعنى حامل الرايه يبقى رايه استشارى .لما تكون الرايه ضد الاهلى ..وتكون واجبه التنفيذ ..لو لصالح الاهلى

يعنى ايه تبقى اهلاوى

يعنى يبقى عندك السكرى والمعترف برشوه والبلطجى والمدرب الى اعتدى واغتصب طفله . والمخدرات فى النادى
والتزوير وعريضه طويله من فساد رئيس الوكاله اللى هو رئيس ناديك . غير خطف اللاعيبه ومع ذلك ..لسه بتقول نادى القيم ..
ياترى كل دى مش مغريات .علشان تفكر تبقى اهلاوى؟؟
هترتاح من كل الهم ده ..وكل الاشياء اللى تجيب الضغط والسكر .. طيب فكر .. حاول تبقى اهلاوى
حتى ولو ليوم .. الغى عقلك وخللى ضميرك ياخد اجازه .... .. مؤكد بعد شويه هتصدق الكدبه .. وهتعيشها بكل معانيها .
زى الناس دى .. على الاقل . هتستفيد من كل المميزات الممنوحه للاهلاويه
الناس دى منها اللى مش بيحب الصعب واللى بيحب الكلام المريح ...
مؤكد مش كلهم شياطين .. بس انت جرب
يعنى ايه تبقى اهلاوى
يعنى مش هتكون مضطر تشتم 100 صحفى وتلعن 100اعلامى و100معلق و100 مخرج و100عضو مجلس او لجنه
اى اتحاد البطيخ .. وهتلاقى نفسك سعيد ..الكل بيطلب ودك .. ومش هاتحس ان تليفزيون ولا جرايد بلدك ضدك
واكيد هتلاقى علاء الكاذب راجل وشيخ طريقه .. . وتلاقى شلبى
محايد . ومش هتضطر تستخدم ريقك لما تشوف الليثى والمنيسى ومجدى عبد الغنى وغيرهم
عموما فكر ..والا اقولك ..بلاش تفكر .لانك لو فكرت .. ده معناه انك مش هتوافق ..ابدا . لان اهم الشرط
انك تبقى مغيب .. اقولك ..غمض وحاول . مش يمكن ..
والا اقولك
انا عملت اللى عليا وانت حر

[محمد الزمالكاوي]

بارك الله فيك

[ابو عمر.]

المشاركة الأصلية كتبت بواسطة محمد الزمالكاوي

بارك الله فيك