واخيرا مفاجاة المنتدى من محمود حشيش تعديل اى ريسيفر الى دونجل والعكس 100 مرة ولا يهمك

[smartsat0777]

السلام عليكم اخوانى فى المنتدى العظيم...........
اهداء منى للمنتدى العظيم
اقسم بالله العظيم ان انا مجرب الموضوع ده من اول ما عملت الدونجل عندى فى شهر 12 -2010 وانا اسف لانى معملتش الموضوع ده من زمان لانى كنت فى الجيش ولسه مخلص ....
انا النهارده جايب موضوع مهم جدا جدا جدا جدا والرجاء تثبيت الموضوع حتى تعم الفائده على جميع المنتدى والشرح موثق بالصور حتى تكتمل الصوره
طبعا احنا زهقنا من تعديل الريسيفرات من والى دونجل وده طبعا مش كويس لان بيحصل مشاكل كتيره فى تيونر الاشاره وهى تهتك المسارات عند رفع ووضع الكرستاله
ركز معايا يا ****** كويس ايا كان وضع الجهاز عندك سواء فلاشه قديمه ( بدون تعديل هارد وير وكرستاله 24000 ) او( فلاشه جديده لمبه حمرا وكرستاله 27000)
طبعا لو جهازك فلاشه قديمه يعنى الكرستاله هتكون 24000 هتسيبها فى مكانها الاصلى اللى نزلت بيه اصلا فى الريسيفر لحين حدوث اى جديد فى الدونجل الفلاشه القديمه
ركز بقى فى المهم وصحصح علشان تفهم

كل اللى هتعمله هيكون فى الفلاشه الجديده(الملعونه) ان انت هتشيل الكرستاله ال 27000 من مكانها وتنزل الكرستاله الاصلى 24000 فى التيونر فى مكانها الاصلى طبعا هتقولى كده الدونجل هيوقف
هقولك لا لا لا لا لا لا لا لا لا لا
لان انت هتركب الكرستاله ال 27000 على الجانب الاخر من التيونر فى وجود الكرستاله ال 24000 فى الجانب الاخر يعنى بكده هيكون فيه 2 كرستاله فى التيونر فى نفس الوقت .
يعنى لو هتعمل دونجل بدون تعديل هارد كل اللى عليك ان انت هتشيل الكرستاله ال 27 وترجع ال 24 ولو هتعمل بتعديل هارد سيب الكرستاله 24 فى مكانها ونزل ال27 على الجانب الاخر من التيونر مع مراعاة ان ارجل الكرستاله 27 تكون فى الوضع الصحيح لو اعتبرنا ان انت هتركبها فى مكان ال 24 يعنى هتعكسها
طبعا كده كل شغلنا هيكون من جانب واحد من التيونر ومش هنبهدل فى التيونر لان انت هتلحم وتشيل الكرستاله ال 27 فى ارجل ال 24 من الجانب الاخر ولن تلمس التيونر
ومتخافوش الكرستالتين مش بيسببوا لبعض اى تعارض ولا مشاكل فى الاشاره
وشغالين مع بعض تمام ولو رجعت الجهاز الى ريسيفر هيشتغل معاك والله تمام ان شاء الله ........
ارجو ان اكون وفقت فى الشرح وانا رفعت الصور فى ارشيف ونزلت صورتين هنا للمشاهده ومعلش الكاميرا عندى ليست عاليه الجوده
____________....... اخوكم محمود حشيش
.....___________