ماتت صناعة وفن تركيب الدش للاسف الشديد

[طارق الصعيدي10]

ماتت صناعة وفن تركيب الدش للاسف الشديد
بعد دخول فئة من الهواة في تركيب الدشات والغير محترفين او فاهمين لاساسيات التركيب وقبولهم لاي مبالغ ضئيلة جدا لاتتناسب مع المجهود المبذول في تركيب الدش وللاسف ينساق من يريدون تركيب الدش ورائهم لرخص ثمنهم ثم يشتكون بعد ذلك من القنوات والترددات وسوء استقبال الاقمار
للاسف الشديد كنا نعمل ونركب الدش ولازلت اركب الدش بمبلغ محترم جداً لايقل عن 50 جنية مصري للنايل سات و 70 جنية للطبق المتحرك والذي يعمل بدايزك ولااقبل اقل من ذلك ومتفق مع زملائي بالعمل علي ذلك لكن لازال الهواة والغير محترفين يموتوا في الصنعة ويركبوا الطبق ب20 جنية واحيانا 10 جنية شيء مخزي جدا طبعاً يرخصون ثمنهم حتي يقبل عليهم من يريد ان يركب اطباق
مرة اتصل بي شخص وقال تعالي ركب نايل سات قلت لة 50 جنية تركيبة قال لالالالالالالا قلت اذن شوف واحد غيري اقل من ذلك لا قال 30 جنية قلت لالا انا لان سأدخل انام والنومة دي بتساوي عندي ال 30 جنية اللي حتعطيعم لي اا لااموت الصنعة او زملائي
ومن مايثير الضحك لهؤلاء الهواة الغير فاهمين للعمل وفن التركيب مواقف طريفة كثيرة اذكر واحد منها وهو
طبق متحرك اشتكي صاحبة من اختفاء قمر من علي المدار يعني مابقاش يجيب صورة فجاب واحد رخيص من الهواة فلما لم يستطيع الحصول علي القمر بعد ان دوخ الراجل وطلع التلفزيون والريسيفر لة علي السطوح قال لصاحب الدش ان هذا القمر تاية ومش لاقينة ولما يلقوة حاجي اجيبة لك طبعاً الراجل راح جاب واحد محترف فاهم وفي دقائق عثر علي القمر التائة
ولسة ياما نشوف

[حماده نوح]

شئ سيئ جدا اخى طارق و حلو اوى حكايه ان القمر تايه و مش لا قيينه هههههههههههههههههه

[TAMER_SAND]

المشاركة الأصلية كتبت بواسطة طارق الصعيدي10

القمر تاية ومش لاقينة ولما يلقوة حاجي اجيبة لك طبعاً الراجل راح جاب واحد محترف فاهم وفي دقائق عثر علي القمر التائة
ولسة ياما نشوف

والله احنا الي توهنا من الفنيين الجدد هؤلاء وعلي فكره معظمهم من طائفه المعمار


يعني نجارين مسلح ومبيضين محاره وحدادين مسلح


والله اعلم القادم ايه

[عرفه السنوسى]

يا صاحبى دة كلام معقول جدن الصراحة احنا تعبنا من الجماعة الى بتعلمو جديد

[loveramado]

بصراحه اخى السعر اللى بتقول عليه ده كتير جدا
انا اعرف فنى بجد وواخد دورات كتير فى التركيب واقدر اقول عليه فنان تركيب وبياخد على النايل سات 25 جنيه بس والطبق المتحرك 180 سم بياخد عليه 50 جنيه بس
وما تزعلش يا سيدى انا مش فنى خالص وبركب النايل سات لى ولاصدقائى و العائله كلها ومش بيفلت منى اى تردد
ارحموا الناس شويه

[loveramado]

بصراحه اخى السعر اللى بتقول عليه ده كتير جدا
انا اعرف فنى بجد وواخد دورات كتير فى التركيب واقدر اقول عليه فنان تركيب وبياخد على النايل سات 25 جنيه بس والطبق المتحرك 180 سم بياخد عليه 50 جنيه بس
وما تزعلش يا سيدى انا مش فنى خالص وبركب النايل سات لى ولاصدقائى و العائله كلها ومش بيفلت منى اى تردد
ارحموا الناس شويه

[عادل قنديل]

ياجماعه احنه تعبنا كتير فى الصنعه دى لحد مااتعلمنا فين ايام الانالوج فيه حد من الهواه انهرده يعرف يركب الانالوج انما هو بيجيب الريسيفر فيه السوفت والقنوات ويادوب يحرك الطبق شمال ويمين ولو طلبت منه حرك قناه مايعرفش وعجبى

[loveramado]

يا جماعه انا معاكم فى الكلام ده بس كان اعتراضى على السعر مش معقول واحد ياخد فى 10 دقائق 50 جنيه فى طبق 50سم مثلا
ويا جماعه هو ده تطور الزمن فلازم تسايروه مش كده ولا ايه؟

[loveramado]

وعلى فكره ما عادش فيه صنعه فى اى شىء دلوقت مش بس الدش
لانه ببساطه ما عادش فيه اسرار فى اى صنعه
الصبى من دول يقعد فى ورشه شهر ولا اتنين ويخرج على ورشه تانيه صنايعى
دلوقت فيه حاجه اسمها انتشار انتشار فى كل شىء حتى مثلا المحلات لو حد شاف محل فى مهنه معينه شغال تانى يوم يفتح جنبه اتنين ولا ثلاثه فالنتيجه كله حاله يقف
فما تزعلوش بس عدلوا الاسعار صدقونى مش هاتلاحقوا على الشغل
وكله ارزاق ربنا

[محمد دياب]

انا عندي ناس بتركب بعلبة سجاير و احيانا غدا

[طارق الصعيدي10]

هي ال 10 جنية بتجيب اية ولا ال50 جنية وبعدين صاحب الطبق لو قعد جنبة 10 سنين مش حيركبة لوحدة يقوم ييجي ولد مبيض محارة يقول هات 10 جنية وانا اركبة وبعد اسبوع يبوظ دة كلاممممممممممممممممم

[mr_saad_01099]

والله زمان ايام الانالوج كانت اخر حلاوه وكان مهندس الدش الحقيقى له مكانته واحترامه احسن من الايام دى اللى اصبح فيها الدش مهنة من لا مهنة له

[sas_kik]

للأسف المقارنة بين أسعار زمان وحاليا تتم من زاوية وحدة فقط وهي إن أسعار التركيب زمان كانت ممتازة بغض النظر عن التعب والمعاناة وعشان محطة واحدة فقط تجيب القمر وتبرمج كل المحطات يدويا وهذا فقط كان يستغرق أكثر من وقت تركيب الديجتال حاليا الذي يأتي مبرمج حيث زمان كان يتوجب على فني التركيب حفظ كل الترددات ومتابعة الجديد إما الآن فان هذا يتم عن طريق الكمبيوتر يعني جاهز

والمهم في الموضوع كله يجب إن لا نغفل سعر المنظومة سابقا وحاليا حيث كانت تكلفة التركيب سابقا أكثر من سعر المنظومة كاملة الآن

أما الهواة وأصحاب الطلبات الزهيدة فهم كتجار الأرصفة خدماتهم على قدر ما المبالغ التي يأخذونها ومن يتعلم منهم ويجيد العمل فهو بكل تأكيد سيرفع السعر

وفي النهاية فان الاختيار دائما للزبون

[طارق الصعيدي10]

شكرا للتفاعل في المشاركة ونها الاستفادة والافادة
واليوم الاسف الشديد قبلت الوضع الجديد وركلت النايل سات ب 30 جنية وهنا انهالت علي العروض هههههههههه وجالي كمان طبق وانا شغال نايل سات بنفس السعر يعني شغل طبقين بطبق وابقي كدة ساوةيت نفسي بالهواة رغم احترافي المهنة بي لي التعليقات الاتية
1- من يومين جاء لي طلب من واحد ان الطبق لايعم كان جايب ولد هاوي من اللي بوظوا الصنعة وعرفشي اية السبب اولا لانة لايعرف قراءة الانجليزي او معني تغير في معامل التصحيح + بيانات اخري كانت متغيرة وهنا اخذت 30 جنية وانا حاطط رجل علي رجل
2- الهواة يركبوا الطبق ليس علي اي درجة من الكفاءة وكل شوية يبوظ وييجي ياخذ من الزبون بكل مرة 10 جنية
لكن انا كنت اركب الطبق ب50 واعلم الزبون ولايشوف وشي تاني لاني ضابط الطبق بشغل معلمة واحتراف
ولنا زبائن قدامي وجدد لايعترفون الا بي لان المحترف محترف
ولي تعليق علي الاخ اللي بيقول من السهل تعلم التركيب اقول لة اعرف ناس بقالها سنين لايمكن ان تستطيع ضبط الطبق

[loveramado]

نفسى حد يرد على رأيى