قرار هدم المسجد الاقصى يوم 16 مارس

[أبونوران]

أعلنت اسرائيل ضم الحرم الابراهيمى "فى مدينة الخليل الفلسطينية" و قبر راحيل زوجة سيدنا يعقوب عليه السلام و مسجد بلال بن رباح الى لائحة المواقع الاثرية اليهودية

و دة ليه كذا معنى

اول حاجة انهم حيطمسوا اى حاجة اسلامية فى المقدسات دى و حيغيروا ملامحها و حتبقا يهودية

تانى حاجة ان دى هى الخطوة الاولى بس و الخطوة التانية انهم يعلنوا ضم المسجد الاقصى و يهدموه و يحطو الهيكل الظريف بتاعهم

الحرم الابراهيمى دة رابع اهم مسجد فى العالم بعد الحرم المكى و الحرم النبوى و المسجد الأقصى

و يضم أضرحة سيدنا ابراهيم "خليل الله" و سيدنا اسحق و سيدنا يعقوب عليهم السلام و زوجاتهم

عن أبى هريرة أنه قال: قال رسول الله صلى الله عليه وسلم «لما أسرى بى إلى بيت المقدس مر بى جبريل على قبر إبراهيم، فقال: انزل فصل ركعتين، فإن هنا قبر أبيك إبراهيم ثم مر بى على بيت لحم وقال: انزل فصل ركعتين فإن هنا ولد أخوك عيسى، ثم أتى بى إلى الصخرة».

يعنى غالبا الرسول عليه الصلاة و السلام صلى هناك فى الاسراء و المعراج

خدو بقا اللى جاية دى
منقول من جريدة المصرى اليوم

"خيمت أجواء انتفاضة فلسطينية ثالثة على مدن الضفة الغربية والقدس المحتلة أمس مع اندلاع مواجهات فى أحياء بالقدس المحتلة، فيما عم إضراب شامل ٣ مدن بالضفة احتجاجاً على قرار الاحتلال الإسرائيلى بضم الحرم الإبراهيمى الشريف بمدينة الخليل، ومقام راحيل زوجة سيدنا يعقوب ببيت لحم إلى التراث اليهودى،

وهى خطوة اعتبرتها تقارير إسرائيلية تمهيداً لهدم المسجد الأقصى فى ١٦ مارس المقبل، وفقا لنبوءة يهودية قديمة."
************************************************** ********************************


ازيكم يا مسلمين؟؟


اكتر بقا حاجة مضحكانى فى الحوار كله ان مسئول فلسطينى بيقول ان اللى اسرائيل عملته دة حيبدأ حرب دينية فى المنطقة "لا تبقى و لاتذر" يعنى حرب جامدة اوى يعنى حتهدد "ان شاء الله فى المشمش" المنطقة كلها و العالم كله كمان

هو طبعا بيتكلم على اساس بقا ان المسلمين فى كل مكان فى العالم حيهبوا و ينتفضوا و تاخدهم النخوة و الغيرة على دينهم و يكسرو الدنيا

ميعرفش ان المسلمين معندهمش مشكلة خالص و اصلا مبقاش عندهم نخوة ولا غيرة خلاص مش المهم انهم بياكلو وب يشربو و بينامو و بيصاحبو و بيحبو؟؟؟ خلاص يبقا ايه المشكة؟

ميعرفش ان المسلمين اصلا لحد دلوقتى مش عرفين يخدو قرار جماعى بمقاطعة المنتجات الاسرائيلية و الامريكية على الاقل لفترة زمنية محددة

نكتة تانية بقا ان القرار اللذيذ دة جه فى الذكرى السنوية لاغتيال 29 مسلم و هما بيأدوا صلاة الفجر فى الحرم الابراهيمى دة سنة 1994

يعنى كان من باب اولى ان المسلمين هما اصلا اللى يتوجعو من اليوم دة و يعملو حاجة لكن "السربرايس" بقا ان اليهود هما اللى اتحركو و ضموا الحرم كله ليهم

بجد يا جماعة اللى حاصل دة مصيبة كبيرة احنا مش حاسين يعنى ايه يضموا رابع اهم مسجد فى العالم كأنه اثر يهودى ازاااااااااى يعنى؟؟

و على فكرة لسة من كام يوم كدة اغتالوا واحد فلسطينى بطريقة قذرة جدا جدا جداااا و كلها غدر و محدش اتحرك و لا كأنه ليه اى علاقة بينا

انا بجد مستغربة احنا ازاى نايمين كدة؟؟؟؟؟؟؟ كأن اسرائيل لما بتعمل كدة كأنها بتأذى دين تانى يعنى كأن المساجد دى و الأقصى اللى بقالهم فترة بيهدمو فيه مش حاجات اسلامية خالص

انا بوجه الكلام ليكو و لنفسى كمان ازاى احنا ضعفاء كدة؟

بجد لازم نتحرك و نعمل أى حاجة

الناس دى اكتر حاجة بتوجعها و بتحركها الاقتصاد ليه متفقش كلنا عالمقاطعة لمدة شهر على الاقل؟ نحدد معاد لبداية المقاطعة دى عشان كلنا نبدأ مع بعض و ننشر الموضوع دة انا متأكدة اننا نقدر نعمل دة

قال رسول الله صلى الله عليه وسلم:
(توشك ان تداعى عليكم الامم كما تداعى الاكلة الى قصعتها) قيل (اومن قلة نحن يومئذ؟) قال (بل انتم كثير ولكن كغثاء السيل ويوشك الله ان ينزعن المهابة من صدور اعداءكم وان يقذف فى قلوبكم الوهن) قيل (وما الوهن؟) قال (حب الدنيا وكراهية الموت)

احنا الجيل دة؟
عايزين نعيش و نموت كدة؟
ممكن نبقا الجيل اللى يتم فيه هدم المسجد الأقصى لا قدر الله؟

مع العلم ان اليهود لما ضموا الحرم الابراهيمى و هما طبعا عرفين انه يلى الأقصى فى الاهمية عند المسلمين اكيد عايزين يختبروا المسلمين و يشوفو رد الفعل حيكون ايه عشان يحضرو للخطوة الجاية انهم ياخدو الأقصى

قذف الله فى قلوبنا الوهن و حب الدنيا؟

بقا حب ماكدونالدز و كنتاكى و كوكاكولا عندنا أهم من المسجد الأقصى؟

من فضلكم فيه كام كلمة كدة مش عايزة اقراها و اللى عايز يقولهم يا ريت ميردش عالتوبيك احسن عشان مش طالبة خالص

محدش يقوللى ان دة شغل الحكومات
لأن الحكومات دى مش بتحكم "أنعام" مثلا لأ كل شعب فى الدنيا و كل انسان لوحده يقدر يعمل حاجة بس احنا مكسلين او يائسين او معندناش الهمة و العزيمة او زى ما رسولنا الكريم عليه الصلاة و السلام قال الوهن ملأ قلوبنا

احنا نقدر نقاطع دى حاجة فى ايدنا مش فى ايد الحكومة و نقدر نصوم يوم جماعى مع بعض و ندعى عشان دعواتنا تبقا موحدة و طبعا نقدر نتظاهر و نقدر ننشر القضية دى لكل انسان عشان الكل يشتغل فى وقت واحد متبقاش جهودنا فردية

و محدش يقول لو انا عملت غيرى مش حيعمل

لأن لو غيرك غلط دة مش عذر ليك انك تكون غلط و بعدين ربنا حيحاسبك لوحدك و حتى لو انت لوحدك بس اشتغلت و شغلك مجابش اى نتيجة بسبب تخاذل غيرك على الاقل تبقا اخدت ثواب و تبقا عملت اللى عليك و لما ربنا يسألك عملت ايه لنصرة دينك تبقا عملت حاجة

و بعدين انا متأكدة ان كلنا بنتألم جدا و بنتقطع لما نفكر فى الموضوع دة, طيب ليه عايزين نتوجع و بس؟ ليه مش عايزين نعمل حاجة على الاقل النار اللى جوانا تهدا شوية

و محدش يقول مش لما ابقا اعمل فروض دينى الاول و ابطل اعصى ربنا و انتظم فى الصلاة

لو قلنا كدة بقا يبقا عمر ما حد حيعمل حاجة فى حياتنا كلها اصلا ,مش يمكن دة يغفرلك دة؟ و مش يمكن دة يبقا بداية الطريق؟

و بعدين احنا عايزين كل الناس معانا يعنى حتى لو مش متدين اوى لأن كل اللى احنا عايزينو صيام يوم واحد بس و دعاء و مقاطعة و دى حاجات كلنا نقدر عليها بس عايزين نتفق على مواعيد و نتعهد على كدة عشان العمل الجماعى احسن
منقول للأمانة
أبـــــــــــــــــــو نــــــــــــــــــــــوران

[ابوبراء]

بارك الله فيك

هذه سنة الحياه اخي

جعلها الله لكي يخلق لنار اهلها والجنه اهلها

ويمحص الخبيث من الطيب

ويظهر الصادق من المنافق

ولكن وعد الله بنصرة دينه

وامرنا بالدفاع عن دينه

ولاكلف الله نفسا الا وسعها

فكلا منا على مقدرته وكل واحد يعلم بما يقدر عليه


ولكن الاتفاق على صوم يوم جماعي لدعاء لم اسمع به في السلف الصالح من قبلنا


ولكن هذا لايمنع من الدعاء والمقاطعه وكل شيئ يرد هؤلاء الذين لعنهم الله في كتابه


ولك مني جزيل الشكر والتقدير على هذا الموضوع المبكي

وكثر الله ممايغارون على دينه

[helmy40]

أخى أبو نوران سلام الله عليكم ورحمته وبركاته

لاشك أنك إنسان غيور على دينك

وهذا ديننا يعلمنا الدعوة الى الله بالحكمة والموعظة الحسنه

حتى مع غير المسلمين

قال الله تعالى موجها الخطاب الى حبيبه المصطفى

((قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلاَّ نَعْبُدَ إِلاَّ اللَّهَ وَلا نُشْرِكَ بِهِ شَيْئاً وَلا يَتَّخِذَ بَعْضُنَا بَعْضاً أَرْبَاباً مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ)) (64) آل عمران

أخى ألسنا على الحق ؟؟؟؟

ألسنا مؤمنين ؟؟؟؟

إذن الله يدافع عن اللذين آمنوا ولانشك فى ذلك قيد أنمله

الإسلام بخير والمسلمين نحسبهم والله حسيبهم أنهم على خير

لست كما قلت

الوهن والخوف يأتى عند زعزعة الثقة بالله فى قلب المرء

فليبدأ كل منا بنفسه ولنصطلح مع الله أولا

وليست قصة الفيل وجيش أبرهة ببعيد

لنتأمل صنع الله فى الدفاع عن بيوته

فلنستغفر لجميع المسلمين وندعوا لهم بظهر الغيب

ونخلص مع الله فبعد الضيق يأتى الفرج ويعد العسر يأتى اليسر

وبعد الصبر يأتى النصر

تمنياتى لك بالتوفيق

وأشكر أخى فى الله أبوبراء على تعقيبه القيم

ومعذرة إن كنت أطلت عليكم

[أبونوران]

شكراااااااااااااااا لمرور سيادتكم الكريم
أبو نوران

[مهمش]

بسم الله الرحمن الرحيم

" ان الله لايغير ما بقوم حتى يغيروا ما بأنفسهم "

والتغيير فى حالتناهذه هو ان نتوب ونرجع الى الله

وما اسهلها الان ركعتين لله وتوبة من القلب يقبلها الله ثم العمل بكتاب الله وسنة رسوله الكريم

صلى الله عليه وسلم

هى النجاة وما اسهلها اخوانى

افعلها الان ودع الباقى على الله