مشكلة في النايلسات

[dofaaa]

السلام عليكم

أنا عندي ريسيفر ترومان 9090S plus ومركب طبق 100 سم و4 LNB ترومان متوصلين بـديزك. من أول مرة الفني جه ركبلي السيستم قاللي إن العدسة بتاعة النايل سات مش حلوة اوي وهيبقى في قنوات اشارتها ضعيفة مش هتشتغل عندي. في الاول بعد كام يوم الريسيفر شغال عادي حصل مرة واحدة إن الجهاز مش لاقط ولا قمر. رحت على التوكيل غيرولي القطعة اللي بتستقبل الاشارة واشتغل تمام. مؤخرا كانت كل القنوات شغالة تمام بس في قنوات مش شغالة خالص زي ناشيونال جيوجرافيك أبوظبي HD بس الSD كانت شغالة عادي وطبعا قنوات CBC والنهار كانوا أشارتهم ضعيفة اوي فبيقطعوا وهما شغالين. مرة واحدة بقى القنوات الأفقية بقت كلها مش شغالة على النايل سات بس اقمار Amos والأوروبي والقبرصي شغالين كويس افقي ورأسي رغم إن في بعض الترددات مش بتلقط اشارة اصلا على الأوروبي لما بحاول انزلها. حصل إني جربت ريسيفر تاني وبرضه القنوات الأفقي بتاعة النايلسات مش شغالة عليه بس باقي الأقمار شغالة افقي ورأسي.

دلوقتي المشكلة في السلك ولا في عدسة النايلسات ولا إيه؟؟