شركة بترول تطلب مهندسين ميكانيكا و كهرباء ومدنى حديثى التخرج

[emadbatman]

طبعا اى مهندس لسه متخرج مهيصدق يقرا اعلان زى ده ويفرح ويجرى يتصل بارقام المحمول الموجوده بالاعلان ليصبح احد الضحايا اللى انا والحمد لله كنت لحد ما واحد منهم لانى لحقت نفسي فى اخر لحظه الموضوع هو انى فى يوماشتريت جرنال اهرام الجمعه ولقيت الاعلان مكتوب بس الصراحه كان ميكانيكا بس فى الاول طبعا فرحت واتصلت واذا بانسان تنك جدا يرد عليا ويطلب بياناتى لانه هيملا ابلكيشن ليا عنده وبعد ما اخد البيانات قلت اسال اسم الشركه فقالى مش دلوقتى لما تقبل معانا الاول طيب يا عم اعرف منين انى قبلت فرد انت رقمك كذا واتصل بينا كمان عشر ايام تعرف النتيجه وقفل وبعد عشر ايام كلمته قالى النتائج مطلعطش اتكلم كمان يومين اتكلمت بعد يومينانت رقمك كام فقلت لا معلش نتيجتك لسه مطلعتش كلمنا كمان يومين اتكلمت طيب انت نجحت معانا بس اتكلم بكره علشان تعرف التفاصيل اتكلمت الخط شويه مشغول شويه يفتح عليا ويقفل شويه جرس ومحدش يرد اخيرا بعد ساعه ونص رد رقمك فقلته وبعدين طيب عشر دقايق واتكلم علشان اطلع بياناتك اتكلمت طب سورى خمس دقايق وكلمنى تانى علشان معايا تليفون مهم على الخط التانى اتكلمت طيب انت المهندس كذا كذا انت فعلا قبلت عندنا طيب يا عم ريحنى وقلى شركة ايه واخيرا رد
احنا شركه انتر ناشيونال جروب للبترول احنا شركه اماراتيه بس فى مصر ملناش غير فرع واحد فى توشكى وهنفتح بعدين فى القاهره واسكندريه وسينا ويبقى ليك الحق انك تتنقل للفرع اللى انت عاوزه لما نفتح الفروع ديه ماشى وبعدين هتمضى معانا عقد خمس سنين من غير شرط جزائى وعاوز تسبنا فى اى وقت براحتك وبعدين يكملى بعد سنه ممكن نسفرك فروعنا فى الخليج لو انت عاوز والمرتب 2050 جنيه والعمل من الساعه 8 الى الساعه اربعه وفى اوفر تايم من الساعه 6 الى عشره اليوم الاضافى ب 28 جنيه وانت بتقعد 25 يوم هناك و9 ايام اجازة ولو قعدت الخمسه وعشرين يوم اضافى تاخد ال28 جنيه فى اليوم وكمان علاوة اجاده 400 جنيه والاقامه عليهم من اكل وشرب وسكن والسفر كمان بطيران على حساب الشركه وطلب الاوراق عادى خالص الجيش والرقم التامينى و....و بعدين ابتدى يهبل كارتين منتل و ورق فلوسكان وقلم جاف وطوابع بريد وطلع بقى الاسفين طبعا التذاكر بتاعت الطيران على حساب الشركه بس اول تذكره انت هتشتريها ازاى تحول على حسابنا فى البنك 1000 جنيه تمن التذكره ولما تيجى وتمضى العقد هتخدهم بس لازم بكره الصبح الساعه تسعه ونص تروح البنك وتكلمنا من كبينت منتل واحنا هنديلك رقم الحساب ولما تعمل كده هنبعتلك بعدها بتلت ايام جواب التعيين طبعا واضح النصب يا جماعه انا لقيت فى الوسيط نفس الاعلان لكن بيطلبو مدنى وكهرباء فخدو بالكم اللهم بلغت اللهم فاشهد

منقول لعدم الوقوع

[محمود محمد الشيخ]

شكرا لك اخى الكريم لنصائح
ولكن فى هذه الاونه كثرت عمليات النصب وكثرت اشكالها
وكثرت طرق التلاعب بها وعلى الانسان عدم الانسياق خلف هذه الاحلام الفتاكه
التى تؤذى صاحبها
وشكرا لك وعمليات النصب كثير وعلى فكره انا برضه اتنصب على بس طريقه اكثر من رائعه
وهى فى انتخابات مجلس الشعب الافاتت
رن الجرس لى جيرانى ونزلت لهم وقالو ادخل وعند دخولى وجدت اثنين تشفهم تقول عليهم من الاكابر وقلت مالمشكله فالوالايوجد مشكله الاثنين هذا بيحكوا ان الاخ سعيد الذى هو جيرانى كسب غساله بس قلت كويس وكسبا فى ايه شكره اريال للغسيل الملابس راسلين لنا وهمه كسبوا فقلت ممكن اشوف الورق ووجد اسمى عمى سعيد مكتوب فى الجدول مكتوب بالجاف الورقه مسطره ومكتوب اسم عمى سعيد فى النص فقلت الف مبروك وتم اطلاعى على ورق مختوم ورق مائه فى المائه فقلت على بركه الله
وكنت فى هذ الوقت كنت مشغول بالعمليه الانتخابيه نظرا لصاحب لى بالانتخاب
المهم قلت ايه المطلوب ؟
قالو يذهبو معى للشركه لااستلام الغساله ونظرا لحالعى الفقر الذى هم فيه جيرانى فكانوا مساعدينى فى الغلط فقلت لهم يذهبوا مصر ايه وبتاع ايه لا
فقالو خلاص بكره احنا حنجيبها لهم وبكدا احنا عرفنا العنوان واحنا نجيب الحجات الهدايه من الشركه العصر فرجاءا تنتظرونى فى ميدان كدا ... فقلت لهم اوكى فقالو لى احنا طبعا عاوزين الحلاوه فقلت حاضر فتم اعطائهم 10 جنيهات فقالولا لا احنا عاوز ورقه 100 احنا حنجيب مروحه
تاحنا حنجيب غساله اوتوماتك فقال عمى سعيد هى 50 جنيه الا معى فقالو وهى ده اخرتنا 50 ج
فقلت لهم معلش علشان انتم شايفين الحاله وعمى سعيد لاعنده ولد ولا بنت فكنت انا الابن د لهم فطلب منهم رقم التليفون الشركه وطلبت اشوف البطاقه قالوا اتفضل وبصراحه
انا لم ارى الصوره انا مسكوا البطاقه من الخلف وهمه مدرين الصوره الاسم هو والرقم اهو ولم التفت الى الصوره
لاان النصاب ماسك البطاقه باصبعه ولم ترى الصوره فقلت وهمه طالعين فقلت اطلع فوق اتصل بالشركه واطلب الرقم الرقم هذا غير موجود بالخدمه كل المسافه التى استغرقت لم تكمل 2 دقيقه
نزلت بسرعه اسال عليهم قالوا ذهبوا من هذا الشارع فهرولت خلفهم فلم اجد شئ كان الارض انشقت وبلعتهم
وواتصلت بالنجده قالو بالحرف الواحد واحنا فاضين احنا مش فاضين للكلام هذا
النصابين اختار الوقت الانسب للنصب الحكومه مشغوله بتزوير الانتخاب وهذه فرصه النصابين
فقلت لعمى سعيد ازاى اسمك بالكامل موجود معهم فقال لى انا كنت جالس امام المنزل
وجت الشخصين النصابين هذا فقالو اسمك ايه ياعم الحاج فقلت لهم اسمى كذا وكذا فقالو ممكن ندخل جوه نتكلم ياعم الحاج فقال اتفضلو وهو داخل مسكين الجول الذى معهم لراحو مسجلين اسمه انا لم اعرف النقطه هذا ولم يحكوها الا بعد محصل المقدر والمكتوب لو قال عمى سعيد هذا لقلت على الفور انتم نصبين
عمى سعيد قال حنذهب للمكان الذى قالو سوف نتقابل فيه ووجدت اكثر 250 شخصا يتظرون ايضا الهديا وافسم لى جماعه انهم ااعطوهم خاتم ذهب لاانهم لم يكن معهم مال
تخيلوا
فطرق النصب كتير وبيختارو الوقت والزمن

[مدحت الجزيرة]

برافو عليك اخى محمود

كما اتوجه بالنصيحه لجميع

الاخوه خريجى الجامعات

والمعاهد العليه والمتوسطه بعدم

الانجراف وراء كل اعلان دون الصحف

الرسميه للدوله حفاظا على اموالكم واوقاتكم

وحمايتكم من النصب المقنن باحتراف

اذكياء السوء

اللهم قد بلغنا اخواننا

اللهم فاشهد

تحيتى