شرح تركيب شبكة دش مركزى

[m_m_m_m]

اخى بالنسبه لاضافة فيديو او dvd بالنسبه لهم تختار منهم قناة التوليف المراده اذاكان يوجد لهم rf
اما اذا لم يتوفر ذلك و كان خرجهم فقط اوديو فيديو هتشترى جهاز يسمى مودليتر حيث هتاخد من الاوديو و الفيديو بتاعهم و تديله و هتختار منه قناة التوليف اللى تريدها و هناك انواع منه تعمل على uhf او vhf و احسن الانواع التيرا و الالكاد و الافت و تجمع عادى فى وسط القنوات
ارجو ان اكون افادتك اخى و كل سنه و انت طيب

[vodafone_016]

الف شكرا علي المجهود الرائع والافاده

[m_m_m_m]

ماهى الطريقه الصحيحه لاضافه فديو سى دى او دفى دى على شبكه مكونه من 18 جهاز

[م\مصطفى]

ممكن استخدام مدوليتور rf uhf او vhf
والافضل vhf لان اشرتو اشد من uhf ويكون افت الاسبانى المعروف وشكرا

[m_m_m_m]

اخى احمد عاوزين نعرف حاجه مهمه انت فاتح الجهاز و معدله و عامله شير و لا هو مقفول و مش متعدل جايز يكون العيب فى التعديل على العموم الحل كالاتى
اخى اولا
عاوزك تعرف حاجه مهمه تصليح جهاز الاوربت مكلف السوفت لوحده غالى مبالك لوحاجه داخل الجهاز و عاوزه صيانه
ثانيا
عاوزك تاخد الجهاز لوحده و تجربه و شوف نفس المشكله موجوده و لا اختفت
ثالثا
لوكان الجهاز متعدل ترجعه لحاته الاصليه و تلغى الشير و اذا كان مقفول يبقى خير وبركه بعد كده تاخد نفسك و تطلع على شركة اوربت المركز الرئيسى فى المعادى عند القمر الصناعى و هناك هيدولك جهاز جديد بدلا منه فى 5 دقائق و بعد كده ترجع اذا مقفول حتحطه عادى فى الشبكه و اذاكنت ناوى تعدله ابقى افتحه و اعمل التعديل من اول و جديد
ارجو ان اكون افادتك اخى و كل سنه و انت طيب

[m_m_m_m]

اخى العزيز Sam اعانى من مشكله بديكودر اوربت و هى ان صورته بتقف كل شويه رغم ان الصوت ماشى كويس و بعد كده تلاقى الصوت ماشى عادى و الصوره ماشيه متاخره عنه و شكل الجهاز مهنج تطفيه و تاييده يشتغل بتاع ساعه كويس و بعد كده نفس المشكله تحصل تانى ياريت تقولى اعمل ايه ؟و لكم جزيل الشكر مقدما

[مودى الشرقاوى]

تسلم ايدك ياباشا والله كفائه ربنايحميك -وننتظر منك المزيد

[m_m_m_m]

تسلم اخى الله يخليك و يبارك فيك

اشتريت كبينة صينى 16 قناة فردى ولونها فضى لما اجمع عليها الاجهزة بتخرج وحشى اوى والامبرفير بتاعها ضعيف جدا ممكن حد يساعدنى ويشرح البوتات اللى موجوده حيث كلما اخفض rf او leve الصورة بتبوز وكل القنوات خارجة مش كلها بقوة واحدة ده الشغل البلدى احسن منها حد عالج هذه المشاكل وكل عام وانتم بخير بمناسبة عيد الفطر

[m_m_m_m]

كل سنه و انت طيب اخى
اخى بالنسبه للكبينه الصينى انت بتاخد من الاوديو الفيديو بتاع الريسفر و بتدى لكل مديول و هو بيخرج قناة توليف معروفه مسبقا و محدده و لكل مديول 3 ازرار level او gain وزر لتفتيح و تغميق الصوره و اخر لضبط حدة الصوت و قوته
و اهم حاجه تجيب كابلات اوديو و فيديو اصليه و نضيفه و احسنها اللى بتيجى مع الريسفرات فى علبها
طبعا فيه كومبينر و هو وحدة فلتره بجانب وحدة ضاغط للصوره بمعنى اصح مكبر عالى جدا و له تعليه و توطيه
انت هتاخد صورتك من الكومبينر على قسام مقلوب 1 فى 2 خرج للكبينه و اخر للشغل البلدى و تمشى نحو 30 متر rg 11 و تحط قسام 1 فى 4 او 1 فى 8 و منه توزع خطوطك الاساسيه
بالنسبه لمشكلتك ان المحطات ليست كلها رتم واحد يجب استخدام جهاز sound level meter حنى تكون كل المحطات جميعها رتم واحد لانك لايمكنك تميزها بالعين المجرده او هناك حل اخر قم بتفقيد الصوره باكثر من تاب و بذلك سترى القنوات بغاية الوضوح و تقوم بتعلية الضعيفه منها او بتفقيد القناه القويه منها حتى تصبح القنوات جميعها رتم واحد امامك و بعد كده خرج صورتك
ارجو ان اكون افادتك اخى

[vodafone_016]

مشكور علي الافاده

[m_m_m_m]

الشكر لله اخى و يارب اكون افادتك
السلام عليكم
حبيت اضع الاسئله لو كل واحد يضع حلو للبيعرفها

ماهى الطرق التى تزيد من ترغيب الاشتراك بنضام الدش المركزى
سوف اضع بعض الاقترحات
هل التخفيض فى الرسوم
هل التنويع بين المحطات بحيت تقلب المحطات فى الوقت المناسب متلا عند المتشات
هل شمولها على قنوات الشو تايم والارتى والجزيرة الرياضيه
هل الاعتماد فى المشروع على المتشات بلدرجة الاولى

واترككم مع كيفيه التعامل مع المشترك بلبداية
يعنى رسوم التركيب
هل تكاليف السلك على المشترك ام على صاحب المشروع
مادا تفعل لو ان المشترك بعيد عنك
المكبرات الفرعيه
كيف تقوم بوصل المكبر الفرعى
هل بلمنازل
ام على اعمدة الكهرباء وتوفر له خط كهرب من اعمدة الكهرباء مباشرة
وادا بتاخد من اعمدة الكهرباء كيف تحميها من الامطار

ما الحل مع المشترك الدى يشبك خط التلفاز مع الرسيفر بمشترك ويخرج رسيفره على الشبكة و وبالك لو بيسرح كتير ده بليل وصارت معى عملى فضيحة مع المشتركين المحترمين
كيف تقوم بترهيب المشترك لو فكر يمد وصله بنفس المنزل او لجاره
او ازاى ممكن تعرف ....... بعرف صعبه دى


هل المكبر الرئيسى يضعف بعد فترة وما السبب

[m_m_m_m]

اخى بالنسبه لسؤالك الاول
ماهى الطرق التى تزيد من ترغيب الاشتراك بنضام الدش المركزى؟
سوف اضع بعض الاقترحات
هل التخفيض فى الرسوم؟
بالنسبه للرسوم الشهريه يفضل ثباتها و حسب المكان اللى انت فيه الوضع يختلف بين قريه و مدينه و حسب حالة المشترك اللى امامك
هل التنويع بين المحطات بحيت تقلب المحطات فى الوقت المناسب مثلا عند المتشات؟
يفضل تواجد القنوات الرياضيه و ثباتها دوام الاسبوع و هى مودرن سبورت و النيل للرياضه و الجزيره الرياضيه 1 و 2 المشفره و سبورت 2 و 4 و شوسبورت1 و 4
هل شمولها على قنوات الشو تايم والارتى والجزيرة الرياضيه؟
طبعا يجب ان تحتوى الشبكه على الكثير من القنوات المشفره ارت و شوتايم و اوربت و جزيره رياضيه على اساس قاعدوة الممنوع ديما مرغوب و امامك و سائل كثيره لتزيد قنواتك مثل الشيرينج و الاسبيلتر كارد
هل الاعتماد فى المشروع على المتشات بلدرجة الاولى؟
اخى الرياضه شىء مهم و لكن الاصل فى التنويع بين الدين و الرياضه و المسلسلات و الافلام و البرامج لان الاذواق بتختلف بين المشتركين

[m_m_m_m]

اخى بالنسبه لسؤالك الثانى
واترككم مع كيفيه التعامل مع المشترك بلبداية
يعنى رسوم التركيب
هل تكاليف السلك على المشترك ام على صاحب المشروع؟
اخى تكاليف سلك المشترك بتكون على حسابه لانه فى حالة انه عاوز يفصل يبقى ياخد السلك بتاعه الخطوط الاساسيه فقط هى اللى بتكون على حساب صاحب المشروع
مادا تفعل لو ان المشترك بعيد عنك؟
بترمى خط للشارع اللى هو فيه و ده على حسابك و بعد كده تشوف الصوره عامله ايه فى الخط ده لو حلوه خليه يشترى سلك و ووصله و اذا كانت وحشه و ضعيفه اشترى مكبر و خد له منه و بعد كده وزع منه للشارع بالكامل
المكبرات الفرعيه
كيف تقوم بوصل المكبر الفرعى؟
اخى المكبرات الفرعيه ليها دخل in و ده بتدخله الصوره و بتكون ضعيفه و هوه بعد كده بيرفعها و يخليها حلوه و فيه خوارج out دية بتوزع منها لشوارع و لمشتركين
هل بلمنازل؟
اخى اذا كنت بتقصد خط الكهرباء ممكن تاخدها من المنازل و تحتفتفظ بالمكبرات عند ناس كويسه و تكون امينه ضمانا لعدم سرقتها او تلفها
ام على اعمدة الكهرباء وتوفر له خط كهرب من اعمدة الكهرباء مباشرة؟
اذا كان المكبر على عامود كهرباء خد من العمود بس لازم تكون فاهم كويس و عارف الارضى من العالى لانك لو خدت كهرباء غلط ممكن تسبب تلف المكبر او تاذىنفسك او تاذى اى حد يطلع على العمود بعدك و ممكن بسبب الموضوع ده تاخد محاضر سرقة كهرباء
وادا بتاخد من اعمدة الكهرباء كيف تحميها من الامطار؟
اخى هناك علب بوكس تضع فيها المكبر و تقفل عليها و تحميها من المطر او تلفها بكيس بحيث لايدخل ميه للمكبر

[m_m_m_m]

بالنسبه لسؤالك الثالث
ما الحل مع المشترك الدى يشبك خط التلفاز مع الرسيفر بمشترك ويخرج رسيفره على الشبكة و وبالك لو بيسرح كتير ده بليل وصارت معى عملى فضيحة مع المشتركين المحترمين ؟
الحل الطبيعى اخى هو الفصل و فورا تفصله و متوصلوش بعد كده الا لما يعرف غلطته و ميكررهاش و تستخدم مكبرات شوارع قويه و من نوع نضيف و تخليه يحط قناة التوليف بتاع الريسفر بتاعه 69
كيف تقوم بترهيب المشترك لو فكر يمد وصله بنفس المنزل او لجاره؟
اخى بو ظ الوصله اللى داخلله و خليها ضعيفه و لما يجى يشتكيلك الغى الوصله اللى عاملها لجاره و اقنعه ان الوصله دية هيه اللى مبوظه الصوره عنده و اذا منفعش الكلام ده ابقى افصله لاما زود رسوم الاشتراك عليه حسب الوصلات اللى عاملها
او ازاى ممكن تعرف ....... بعرف صعبه دى؟
انت هتعرف لما تدخل عنده عشان تظبط الصوره و تبرمج التلفزيون او هتلاقى السلك مقطوع و هوه موصل لحد تانى
هل المكبر الرئيسى يضعف بعد فترة وما السبب ؟
اخى المكبرات انواع و ليس كلها بتضعف و كل شىء حسب الاستعمال اهم حاجه للمكبر الرئيسى ثبات الكهرباء اللى داخلله و برودة المكبر و بذلك هيكون كل شىء تمام و ذلك ايضا ينطبق على الريسفرات
ارجو ان اكون افادتك اخى و كل سنه و انت طيب

[ابو رياض21]

شكرا على المجهود دة وجزاك اللة كل خير