بالفيديو.. "المكالمة" أحدث قصائد "هشام الجخ" تتخطى الـ 15 ألف مشاهدة خلال ساعات

[محمود ابواحمد]

بالفيديو.. "المكالمة" أحدث قصائد "هشام الجخ" تتخطى الـ 15 ألف مشاهدة خلال ساعات


أطلق الشاعر هشام الجخ أحدث قصائده على موقع "اليوتيوب" والتى تحمل عنوان "المكالمة" حيث تخطى عدد مشاهداتها الـ 15 ألف مشاهدة بعد ساعات قليلة من إطلاقها .

وخصّ "الجخ" بقصيدته الجديدة حفل مركز الفنون بمكتبة الإسكندرية حيث ألقاها خلاله مساء أمس الثلاثاء .

وهاجم "الجخ" فى قصيدته أنظمة حكمت علي مدار ثلاث سنوات، منذ ثورة يناير حتي الآن، قائلاً:
.."وحشني رمضان والفطور علي صوت أدان رفعت، وعيدك.. وسط البلد وحشتني، من غير الحواجز والحجارة.. أنا كنت زمان بمشي.. ماكنتش أعرف إن في الشارع وزارة.. كنت بتحامي في عنيكي وبإيد حبيبتي وبالسجارة.. كنت بتدفا لما بركب ميكروباص.. عملت كل حاجة تزعلك لكني ما ضربتش رصاص".

وتابع فى قصيدته:
.."ياعم يا بتاع الخطب يا عم يا بتاع السلاح.. هو إحنا يعني يإما نبقي سداح مداح.. يإما تطغوا وتفتروا.. بزيادة لينا تلات سنين بتبيعوا فينا وتشتروا.. إحنا البلد.. إحنا البلد.. إحنا السند والمستند.. إحنا إللي قبل ما تبني سدّك.. كنا سدّ.. وإحنا إللي علشان القنال كانت ضهورنا بتتجلد.. إحنا البلد، ملعون أبو إللي ما داقش جوعي.. وإن كنت مش هاصعب عليه.. والله ما هاوريه دموعي.. أنا أقوي منكم.. أنا جدري ضارب في البلد دي.. غصب عنكم.. يا عم يا بتاع السلاح، يا عم يا بتاع الخطب.. تركتكه أصلاً نخل شاخ ولا عادش بينزّل رطب".

واختتم الجخ كلمات قصيدته قائلاً:
"أنا مش طرف.. فى خناقة الحكم اللى قفلت قلبكم، أنا مش طرف.. فى خناقة الحكم اللى قتلت قلبكم.. أنا قلبى مؤمن إن مُلك الله بيهبه لمن يهب.. بس أوعوا تفتكروا إني هرضى بجوع عيالي أو إني أرضي أشوف بلادي قصادي بتتنهب"..

"صعبان عليا الحلم، شايفه بيتكسر.. صعبان عليا الحلم، شايفه بيتكسر.. وعنيا طايله المدد، بس الإيدين أقصر.. أنا اللي عمره ما غاب وعمره ما اتأخر.. تطرح عنيكي عذاب، يزرع عينيه سكر.. أنا اللى قال حاضر ولا شرط ولا اتأمر، لا طمع ولا إدّانا ولا بطش ولا اتجبّر.. لا طمع ولا إدّانا ولا بطش ولا اتجبّر"..

"أنا اللى كل ما أجوع بعنيكى بتصبر.. ما يغركيش العدد.. والله أنا أكتر"..
"أنا إللي لمّا بجوع بعنيكي بتصبّر.. ما يغركيش العدد.. والله أنا أكتر.. أنا اللي مش إخوان.. ولا اللي مش عسكر".

[احمد سعيد ابوامير]

شكرا لك اخى الغالى

[انطونى سات]

شكرا لك اخى الغالى