مشكله مع قطعه 4 مخرج

[sherbini81]

مشكلتي تتلخص في انه كان عندي طبق بريفكس 80 سم وقطعه 2 مخرج ركبتهم في شهر 8 اللي فات وكنت مشغل بيهم كارت ستالايت وريسيفر استرا وكنت اشاره الريسيفر مابين 63% في التردد 10910 الي 76% في التردد 12399
اما كارت الستلايت فمتوسط اشارته فوق ال50% بحاجات بسيطه

واحتجت اضيف ريسيفرين ثالث ورابع عندي لظروف معينه

فاشتريت قطعه 4 مخرج اسمها ستار سات ووصلت بها 3 رسيفرات وكارت ستالايت ولازال الطبق كما هو 80 سم وضبطتها علي الريسيفر الاسترا بحيث اعطت نفس الاشارات اللي كانت موجوده في القطعه القديمه


المشكله ان كل ريسيفر جايب اشاره مختلفه عن التاني

مثلا الريسيفر الال وهو استرا 8000 وتأتي الاشاره عليه 63% مع التردد 10910 و 76% مع تردد 12399 وباقي الترددات تتراوح مابين 70 و 74%

والريسيفر الثاني هو ريسيفر سكاي وهو مستعمل ااساسا من فتره طويله بيجيب اشاره 37% مع التردد 10910 و 65% مع تردد 12399 وباقي الترددات تتراوح مابين 52 و 58 %
وجميع القنوات تعمل دون تقطيع

الريسيفر الثالث هو هيروشيما فيرجن 1 وتأتي الاشاره عليه 69% مع التردد 10910 و 95% مع تردد 12399 وباقي الترددات تتراوح مابين 80 و 94 % اشارته عاليه جدا في كافه تردداته

المشكله بقي في الرابع وهو كارت الستالايت بيجيب اشاره 21 % مع التردد 10910 و 65% مع تردد 12399 وباقي الترددات تتراوح مابين 37 و 57 % يعني اشارته قلت جداااااااااااا عن القطعه ذات 2 مخرج مع ان الريسيفر الاسترا
جايب نفس اشاره القطعه القديمه تقريبا

وجميع القنوات تعمل حتي هذه اللحظه دون تقطيع علي كارت الستالايت
لكن انا بتعامل مع كروت الستالايت منذ اربعه اعوام وسبق ان قلت الاشاره في الطبق السابق قبل ان اغيره الي حدود 22% وبدأت القنوات تقطع واحيانا لايستقبلها

انا عاوز اعرف مشكله اختلاف الاشاره دي من ايه في الاربع حالات ، انا بدلت الاسلاك بين الاربع مخارج اجد نفس القراءات علي كل ريسيفر كما هي لا تتغير مهما اختلفت المخارج ، كما انني بدلت الريسيفرات ايضا ببيعضها وظلت القراءات كما هي دون تغيير يعني الاسترا بيقرا نفس اشاارته مع كل سلك ومع كل مخرج

ثانيا انا عاوز حل لمشكله كارت الستلايت لأنه كان شغال باشاره عاليه مع القطعه القديمه وقل فجأه لما ركبت القطعه الجديده ، مع اني متأكد من سلامه السوفت وير بتاع الكارت والباور سبلاي وكل ماهو متعلق بالكمبيوتر كمازربورد وغيره

افيدوني بشرح وحل للمشكله

[محمد أبو فندى]

حبيبى الغالى
من كلامك كدة اقدر استنتج ان كارت الساتلايت بتاعك غير مزود بتيونر وعند استبدال القطعة بمخرجين الى قطعة باربع مخرج اى فللت الجهد الى ضعغين الى ما سبق ونفس المشكلة كانت حصلت معايا على كارت ساتلايت كويس مش وحش مثل life view وعندما استخدمت كارت صاحب كفاءة اعلى مزود بيتيونر اى نعم الاشارة لم تعد كما سبق بس اتعدلت شوية
المهم الحل اخى العزيز :
ترجع القطعة صاحب الاربع مخاج وتانى بثلاثة بس وتركبهم على الطبق الى عندك
وتاتى بقطعة اخرى بمخرج واحد وتركبها على طبق لو حتى قطرة 50 او 55 سم وهيجيب معاك اشارة قوية باستخدام لاقط حساس مثل التورمان وتركبة على كارت الساتلايت

وتم عمل هذا الحل ونجح بحمد الله فى المنصورة
وللعلم القطعة صاحب 4 مخارج من النوع المذكور ضعيف وتتلف بعد فترة

[sherbini81]

المشاركة الأصلية كتبت بواسطة محمد أبو فندى

حبيبى الغالى
من كلامك كدة اقدر استنتج ان كارت الساتلايت بتاعك غير مزود بتيونر وعند استبدال القطعة بمخرجين الى قطعة باربع مخرج اى فللت الجهد الى ضعغين الى ما سبق ونفس المشكلة كانت حصلت معايا على كارت ساتلايت كويس مش وحش مثل life view وعندما استخدمت كارت صاحب كفاءة اعلى مزود بيتيونر اى نعم الاشارة لم تعد كما سبق بس اتعدلت شوية
المهم الحل اخى العزيز :
ترجع القطعة صاحب الاربع مخاج وتانى بثلاثة بس وتركبهم على الطبق الى عندك
وتاتى بقطعة اخرى بمخرج واحد وتركبها على طبق لو حتى قطرة 50 او 55 سم وهيجيب معاك اشارة قوية باستخدام لاقط حساس مثل التورمان وتركبة على كارت الساتلايت

وتم عمل هذا الحل ونجح بحمد الله فى المنصورة
وللعلم القطعة صاحب 4 مخارج من النوع المذكور ضعيف وتتلف بعد فترة

ان شاء الله اجرب كلامك بس علي حد علمي مفيش قطعه 3 مخرج ، هل تنصحني بنوع معين ل 4 مخرج ؟

[محمد أبو فندى]

هو الى موجود بالفعل دلوقتى 2 - 4 - 8 مخرج
طيب تقولك على حاجة احلى

ممكن تقسمهم يعنى حضرتك طبق كمان مقاس 60 سم من اى نوع مثل البرفكس او الباركليبس الجديد
وتعمل قطعة يمخرجين على طبق وقطعة بمخرجين على طبق اخر ونفس التكلفة تقريبا

الطبق 60 سم ب حوالى 45 او 50 جنبة والقطعة بنفس الثمن

[maam337]

مشكووووووووووووووووووور

[محمد زهير محمد]

مشكووووووووووووووووووور

[scorpionehb]

تيونرات الاجهزه مختلفه وهذا ما يحث فرق الاشاره الموجود والراى السديد كما قيل وهو اضافه طبق اخر بقطعه مخرجين لتقليل الجهد ع القطعه

[balsam1924]

اخي افحص الاربعه مخارج لعل ما يحدث هو ان كل مخرج يخرج اشاره متفاوته عن الاخرى

ثانيا يمكن الاستعانه بربيتار او مقوي اشاره 30 دي بي

[batmaan]

موضوع شيق ومفيد وشكرا على الشرح الجميل