عاجل وللأهمية

[محمود شقاوة]

لدى تلفزيون جولد ستار 21 بوصة القديم بريموت ولكن ليس به مخرج فيديو
المشكلة هى ان الجهاز كان بيشتغل كويس وساعات كانت الشاشة بتقفل مرة واحدة وهو شغال والاقى ظهر سواد فى كل الشاشة وخط أبيض فى النص والصوت شغال عادى خالص ......فكنت أقوم بالخبط على التلفزيون من احد الجوانب ترجع الشاشة طبيعية تانى وتشتغل كويس وكانت المشكلة هذه بتكرر من وقت للأخر وكنت بعلاجها بالخبط أو الرزع على احد جوانب الجهاز الى ان تعود الى وضعها الطبيعى مرة أخرى
وفجأة اليوم حدثت نفس المشكلة ولكن كلما قمت بالخبط على الجهاز لا يتغير شئ والسواد موجود فى الشاشة كما هو والخط الابيض فى نصف الشاشة أيضا كما هو
فما هو العيب وكيف يتم معلاجته
أرجو من أساتذتى فى القسم مساعدتى فى حل المشكلة مع الشرح بالصور ان امكن
وجزاكم الله كل خير عنى

[عادل زوزو]

حلو اوى تلفزيونك اخى ده اللى جسمه خشبى والوانه حلوة اوى على فكرة ومن الاجهزة الممتعة فى شغلها


شوف حبيب البى الجهاز عندك مش عاوز غير اعادة لحامات على ايسى الفيرتيكال

وهتلائى رقمه la7833 و هو من النو المشط وعدد ارجله 9 ارجل وراكب على قطعة المونيوم كبيرة شويه

فى حاجة كمان """

عند اللاين وده اللى فيه 2 مقاومة متغيرة وطالع منه سلك راكب فى الشاشة

على اللاين والخروجات اللى طالعه منه

اعد لحامات ايضا فى المنطقة دى

وهيبقى تمام ان شاء الله

واؤلنا على النتيجة لو سمحت

شكرا على تواجدك معنا

[محمود شقاوة]

جزاك الله خيرا أخى الكريم على التعاون والمياعدة ولكنى لى سؤال
انا وجدت الايسى فعلا وبنفس الرقم ولكن وجدت انه سبعة أرجل ولي تسعة أرجل
فهل هو هذا الايسى المحدد ام لا ؟؟؟
وجزاك الله خيرا مرة أخرى

[حمدى البندى]

اى خدمة اخى محمود

[هشام سنتر]

مرور طيب من الكينج عادل بيه

هو فعلا اخى الايسى اللى الاخ عادل زوزو اللى اصده عليه

وسبع ارجل مش تسعة بس هتلائيه سهو منه ولا حاجة

شكرا للاخوة المحترمين

[حمدى البندى]

يا اخ هشام ماحدش طلب من سيادتك ان ترد مكان الاخ محمود شقاوة
اية عرفك ان طلع من الايسى خليك فى عملك فقط

[محمود شقاوة]

شكرا لك أخى حمدى البندى وأيضا أخى عادل زوزو على المعاونة
الحمد لله العيب فعلا كان فى الايسى والحمد لله الجهاز اشتغل وبقى تمام
والايسى فعلا سبعة أرجل مش تسعة
كل الشكر لكم جميعا وجزاكم الله كل خير

[فادى سعيد]

تحزير

اخي هشام لا داعي للمشاكل في القسم

وخليك في نفسك

والاداره لها الحق فقط

التعامل مع اي عضو عامل مشاكل

وشكر

[هشام سنتر]

ماشى اخى سعيد

وبالتالى الاخ المزكور يخليه فى حاله برده

[حمدى البندى]

انا اصلا ماستعناش انى ادخلك فى مواضيع
لانك بالنسبة لى ولاحاجة

[هشام سنتر]

ولا كانى شايفك والله

لانك هوا فى منتدى العمالقة

والانسان اللى شايف شغاله ومجتهد لا يعمل مثل هذه التفاهات

لانك تافه وفعلان التفاهة ليه نسها


وانا مش رادد عليك تانى لانك اخدت من وقتى اكثر من اللازم

وحفاظا على القسم اللى هتكره المهندسين فيه

انا مش رادد عليك وفى ادارة هترد