ربنا لو مش عاوز يستجيبلك ؛ هيحرمك الدعاء , مش هيحرمك الإجابة

[إبراهيم داود]

ربنا لو مش عاوز يستجيبلك ؛ هيحرمك الدعاء , مش هيحرمك الإجابة
.
عشان كده خليك عارف ومتأكد ..طول ما ربنا بيجري الدعاء على لسانك
يبقى سبحانه وتعالى عاوز يستجيب دعوتك وهيغير الكون والقدر عشان دعوتك دى
أنت مش عارف أنت غالي أد ايه عند ربنا .
دعوتك دى بتهز السما فاستغل فرصة ألمك وحزنك وموّت نفسك فى الدعاء
وكمان قلبك المكسور ده هيقرب الإستجابة ان شاء الله
ادعى بكل حاجة نفسك فيها وبأدق تفاصيلها .
ربنا كريم بيعطى اللى مبسألوش فما بالك بإللى بيدعيه وبيسأله .
وانت بتدعى افتكر كل اهلك واصحابك وحبابيبك بدعوه ومتبقاش بخيل , ممكن تكون دعوتك دى فى ساعه اجابه .
ربنا سبحانه وتعالى بيقولنا ( وقال ربكم ادعونى استجب لكم ) وبيقولنا كمان ( وإذا سألك عبادى عنى فإنى قريب اجيب دعوة الداعى إذا دعان ) يعنى ملكش حجه .
حاول تدعي ف مكان لوحدك وتخلى دعوتك دى سر بينك وبين ربنا , ومتستكبرش انك تدعيه لان مفيش حد هيخاف عليك ولا هيكرمك ولا هيرزقك ولا هيحبك زيه , واتأكد كمان ان مفيش حد هيقف فى طريق دعوتك دى سواء كان بشر او ظروف او اى حاجه .
متقلقش ربك كريم

[ناصر ابو محمد]

شكرا لك أخي

[ايمن مغازى]

جزاك الله خيرا أخى

[عبدالرازق ابو محمد]

جزاك الله خيرا

[إبراهيم داود]

عن سالم بن أبي الجعد قال : قال رجل من خزاعة : ليتني صليت فاسترحت فكأنهم عابوا ذلك عليه فقال : سمعت رسول الله صلى الله عليه و سلم يقول : " أقم الصلاة يا بلال أرحنا بها " .
رواه أبو داود