لو عند قلب اقرا دة امر من فيلم رعب

[السيدلاشين]

ارجوا ان تقراوها للنهاية من فضلكم
معلش يا جماعة انا جاى أغلس عليكوا انهاردة تانى
واستمرارا لسلسة الكئابة فهيكون كلامى انهاردة عن اقوى 3 احاديث
انا قرأتهم لحد دلوقتى
والله الذى لا إله إلا هو
يمكن أكثر 3 أحاديث مرعبين وخوفونى فعلا قرأتهم فى حياتى كلها وده من
وجهة نظرى طبعا

وانا بتصفح كتاب (سلسلة الدار الأخرة ) للشيخ عمر عبد الكافى
والأحاديث من الكتاب على فكرة قرأت الأحاديث دى ومحبتش ابخل عليكم بالأحاديث دى لأنها فعلا مرعبة يمكن اكتر من اى فيلم رعب ممكن تشوفوا فى حياتك
ياعم سيبنا فى حالنا احنا فينا اللى مكفينا
بس طاوعنى واقراهم بس

متقول بقة شوقتنا ولا زهقتنا
هقول بس بشرط واحد بس
صلى على حبيبك سيد البشر وخير من مشى على الأرض
صلى الله عليه وسلم
ولأنى احبكم فى الله جئتكم بهذه الأحاديث

قال صلى الله عليه وسلم (لو خرج جهنمي على أهل الدنيا لمات أهل الدنيا جميعاً من نتن رائحته وقبح منظره)

ويقول صلى الله عليه وسلم حين تنتهي دموع أهل النار يبكون بدل الدمع دماً حتى لو أجريت سفن في دموعهم لجرت)

ويقول النبي صلى الله عليه وسلم لو أن أهل النار وجدوا ناراً من نار الدنيا، لاستراحوا فيها وناموا)

ياعم حرام عليك انا كنت فاكر هتقولنا حاجة تخوف اكتر من كده
لكن والله والله والله اللى ميخافش من ال 3 أحاديث دول لازم يلحق نفسه
ابشره واقوله انت قلبك مات ليس به من خشية الله من شئ
لازم تخاف لازم تلحق نفسك

وفى ناس هتقولى ايه الكئابة اللى انت معيشنا فيها
ياعم ربنا غفور رحيم واحسن الظن بالله وارحمنا شوية
انا عارف ان الكلام ده صح

بس عايز اقول حاجة مهمة جدا الناس مش فهماها
1_زى ماربنا غفور رحيم فهو بردو شديد العقاب
قال تعالى"وأن عذابى هو العذاب الأليم"

2_طبعا لازم نحن الظن بالله بس لازم نسى الظن بأنفسنا
لأن النفس امارة بالسوء إلا مارحم ربى طبعا

يا جماعة لازم علشان نكسب رحمة ربنا يوم القيامة
لازم نعملها حاجة علشان نكسبها
الواحد لو عارف انه ممكن يكسب قرشين زيادة ممكن مينامش
ويقعد يفكر يكسبهم ازاى ولا يوصل لمين علشان يسهلوا السكة

معنى كلامك بقى ان محدش فينا هيدخل الجنة
لا طبعا كلنا ان شاء الله هندخل الجنة
ياجماعة فى ذنوب كتير بقينا نستهون بيها
وبقت خلاص عادة فى حياتنا

وفى ناس عارفة انها بتغلط ومستمرة فى الغلط
يعنى انا ينفع يكون عندى امتحان وعارف اجابات كل الأسئلة
ومجاوبش النتيجة هتكون يه؟
اكيد السقوط
السقوط فى الدنيا سهل جدا بس عند ربنا اصعب مما اى حد ممكن يتخيل

انا حبيت اتكلم فى الموضوع ده بالذات علشان
مش عايزين نتعذب ولو ليوم واحد
ياجماعة المسالة مش سهلة زى ماناس كتييييييييير فاهمة
قال تعالى"وإن يوما عند ربك كألف سنة مما تعدون"
وقال تعالى"فى يوم كان مقداره خمسين ألف سنة"
يعنى يووووووم واحد بخمسيييييييييين الف سنة
يااااااااااااااااااه يارب كل ده للعصاة يارب لاتجعلنا منه

وزى ماجبت احاديث تخوف كده هجيبلكم بردوا 3 أحاديث من اعظم اعظم اعظم رحمة الله بنا وده بردوا من وجهة نظرى

قال الملك الجبار جل وعلا فى حديثه القدسى
"يا ابن ادم إنك ما دعوتنى ورجوتنى غفرت لك ماكان منك ولا أبالى يا ابن ادم لو بلغت ذنوبك عنان السماء ثم استغفرتنى غفرت لك يا ابن ادم لو جئتنى بقراب الأرض خطايا ثم لقيتنى لا تشرك بى شيئا لجئتك بقرابها مغفرة"
عارفين عظمة الحديث ده فى ايه
قرابها معناها :يعنى لو عصيت الله فى شتى بقاع الأرض وشتى انواع المعاصى لاتشرك به شيئا ثم جئته إلا غفر الله لك

الحديث الثانى:
قال صلى الله عليه وسلم"إن الله يبسط يده بالنهار ليتوب مسئ الليل ويبسط يده بالليل ليتوب سئ النهار إلى أن تطلع الشمس من مغربها"

الثالث:
عن أنس ـ رضي الله عنه
قال: أن رسول الله صلى الله عليه وسلم قال: "إن الرب سبحانه وتعالى يقول: وعزتي وجلالي لا اخرج أحداً من الدنيا أريد اغفر له حتى استوفى كل خطيئة في عنقه بسقم في بدنه واقتار في رزقه"

واحسن حديث ممكن تقرأه فى حياتك
عن أبي هريرة رضي الله عنه قال
قال رسول الله صلى الله عليه وسلم "قال الله أعددت لعبادي الصالحين ما لا عين رأت ولا أذن سمعت ولا خطر على قلب بشر فاقرءوا إن شئتم قوله تعالى { تتجافى جنوبهم عن المضاجع يدعون ربهم خوفا وطمعا ومما رزقناهم ينفقون فلا تعلم نفس ما أخفي لهم من قرة أعين جزاء بما كانوا يعملون }
صحيح مسلم

هتقولولى ليه مجبتش الأحاديث دى فى الأول
علشان احنا لما بنلاقى الحاجة قدامنا حلوة فبنحس انها سهلة وممكن نوصلها بسرعة
انما لما تكون وحشة وتخوفنا اكتر فده بيحفزنا اكتر وبيخلينا نشتغل اكتر
ودى برده وجهة نظرى

وعذرا للإطالة

وكان عندى اقتراح صغير للى يحب يشارك
كل اللى عنده اية او حديث يبأثروا فيه اوى ممكن يشاركنا بيه
لعله يفيد غيره

وارجوا لكل من قرا هذه الرسالة ان ينشرها
لعلها تنفعنا يوم ان تدنوا الشمس من الرؤس

[وليد عبده]

جزاك الله الف خير وعفا الله عنا وعنك الهم ارحمنا براحمتك يا ارحم الراحمين يا الله

[حبر الامه]

جزاك الله خيرا
وشكرا لك على الموعظة
ولكن يااخى نرجو منك ان تحسن العبارات فى الكلام فى المنتدى الاسلامى
وشكرا لك