احذروا من الشركه العربيه للشبكات بالمنصوره

[محمد دياب]

السلام عليكم اخواني في منتدى المصداقيه

اولا انا لا ابغى شيئا الا التحذير من التعامل مع هذه الشركه العربيه للشبكات في دفع مبالغ مقدمه قبل التوصيل و ضمان عمل الخدمه

ثانيا احنا في شهر القران و الصيام ولا يجوز لى التعدى على احد ظلما

و بهتانا
ان ما حدث لى اخواني هو اسلوب نصب محترف و اعذرونى للاطاله

اول حاجه الشركه ارسلو لى مندوب يسوق لخدمة الشركه و انهم وكيل اتصالات في بلدى و عايزني ابقى المندوب بتاعهم نظير نسبه من الفلوس و نظير مبلغ احصل عليه من اليافطه الدعائيه ليهم اللي هركبها عندي
المهم كام يوم و ارسلولي واحد تاني عايزين خطوط قلتله اجرب انا الاول الخدمه و مضيت عقد بدون ما اقرا منه حاجه و دفعت مبلغ 200 جنيه
المهم الكلام دا من اربع شهور و استنى الخدمه مافيش خدمه جت ولا اي حدوصل لي اتصلت قالولى اسبوع في اسبوع و في الاخر كلمت واحد شغال في اتصالات قالى انهم بطلوا يشتغلو مع الشركه دي نظرا لنصبهم على العملاء و كمان قالى انهم طلعو امر شغل للخط بتاعى و تاني يوم وقفوه اتصلت بيهم و قلتلهم انت وقفتوا الخط ليه قالو كلام مايدخلش العقل قالولي انهم كانسلوه علشان عليه امر شغل من شركه تانيه و دا طبعا استخفاف بالعقول لانه ماينفعش يطلع امر شغل لخط شغال فعلا المهم قلتلهم عايز حل قالولي يا تجيب خط تانى يا فلوسك راحت عليك انا ماعنديش خطوط تانيه و الخط جديد و مافيش اوامر شغل غير اللي انتم طلعتوه . طيب خدو المصاريف وهاتو باقى الفلوس لا
عموما موقفهم القانونى سليم لان العقد بنوده كلها ضد العميل

لايحق للعميل استرداد اي مبلغ نقدى دفعه
الشركه ليست مسئوله عن اي شيء
لا يحق للعميل فسخ العقد
يحق للشركه فسخ العقد في اي وقت
اي كلمه هتقولها في حق الشركه هتزعلك وتطلب تعويض

يا جماعه اقروا العقود كويس هتلاقو ان اللي كتبته دا كمان اقل حاجه فيه

تخيلو الشركه اللي تكتب حاجه زي باند انك لو قلت حاجه عليها تطالبك بتعويض معنى كدا انها عارفه مقدما اللي هيحصل و انك هتكون في مشاكل معاها وطبعا مافيش ليك حق غير انك تتكلم هما بقى خلو الكلام مش من حقك

يا جماعه احذوا ثم احذروا واللي مش مصدق يقرا العقد بتاعه مع الشركه
و دا مش معايا لوحدى دا مع اكتر من عشرين واحد مضوا عقود و دفعو فلوس و كل دا ضاع عليهم

الظريف بقى يا جماعه انهم عايزين يعملو خصم للعميل 10% لمده و بعدين خلاص في حين ان اتصالات عامله خصم 50% وهدايا راوتر و فلاشه و حاجات كده يعنى تهبل دا كله بيحطوه في جيبهم و يضحكوا علينا

يا اما تاخدو بالكو يا اما بلاش الشركه دي خالص و فيه غيرها كتير