شرح تركيب شبكة دش مركزى

[m_m_m_m]

مشكور اخى على ردك الجميل
اعتذر اخى فيك نظرا لتاخرى فى الرد
بالنسبه لسؤالك الاول افضل ترددات هى
21 و 23 و 25 و 27 و هكذا الى 69 وهكذا تبقى ماشى فردى
او 21 و 23 و 25 و 27 و 29 و 32 و 34 الى 68 و هكذا تبقى مشيت اولا فردى ثم زوجى
اخى ابتعد عن قنوات التوليف الارضيه و اترك بين كل قناه و الاخرى قناة توليف على الاقل حتى لا يحدث تداخل
بالنسبه لترددات التى تجمع مع بعضها ليس هناك قاعده عامه و ثابته لذلك فهى اجتهادات اذا كنت بتجمع عادى فهناك من يجمع بعض الترددات مع بعضها بغرض ان يضعفها او يقويها او يجعلها تطلع بقوه معينه عشان يبرز البندات الاخيره و فى تلك الطريقه يستغل فرق جهد المكبر و يسحب صورته من البندات الاولى و يضع اقوى ريسفرات عنده فى اخر بندات و يجمعها فى اقوى دخل عنده فى المكبر الرئيسى حتى يصل الى احسن صوت وصوره بدون ان يحدث تكبير وهمى الذى اشار اليه الاخ جمال سلام

[m_m_m_m]

اخى بالنسبه لاقوى اجهزه عندك هى الهيوماكس5100 و السيجنال و الميدياكوم و التوتيك دية احسن اجهزه عندك و بالنسبه للبيسات 5500 ضعه اول بند 21 و حمل عليه البندات الاخيره حلو وهيرفعهالك و بالنسبه لاجهزة الترومان و السكاى هى قنوات مشفره و لذلك يفضل ان تكون قنوات توليفها من البند33 فمافوق و بالنسبه لاجهزة التكنوسات خرجها غير جيد بالمره و هيسبب تشويش على قنوات uhf و ان كنت عاوز تضيف قنوات على vhf انصحك باستخدام مودليتر شغله حلو جدا و تفقد تلك القنوات عشان متاثرش على قنوات uhf و تفقل الخرج اللى انت مدخلها عليه و يمكنك الرجوع الى الرابط الذى اعطيته اليك من قبل و ستجد فيه شرح مفصل لكيفية تركيب قنوات المدى vhf مع قنوات المدى uhf
اخى الاحظ ان عدد قنواتك 22 ريسفر و نصيحه رجع الريسفرات التكنوسات و جيب ريسفرات اخرى مثل ريسفرات جاك888 رخيصة الثمن و خرجها جميل جدا و جمع قنواتك كلها على المدى uhf و بذلك هتريح دماغك خالص

[m_m_m_m]

اخى و هناك من يجمع شبكته بحيث يضعف البندات الاولى و يضع اقوى ريسفرا ت عنده فى البندات الاخيره و يجمعها مع بعضها بحيث تصبح صورتها حلوه و قويه و بذلك تكون البندات الاخيره صورتها حلوه و لن تسقط بسهوله و البندات الاولى ضعيفه و لكن صورتها كده هتطلع و هتظهر
اخى و هناك من يجتهد فى ان يجعل جميع صور القنوات على البندات الاولى و الاخيره سيئه بمعنى الكلمه فيها كل العبر من ضعف و ريجه على كل القنوات وتعتمد تلك الطريقه على قوة المكبر من حيث الديسبيل حيث بعد ماتصبح القنوات كلها رتم واحد فى السوء الاولى ذى الاخيره كانها مش طالعه من ريسفر يقوم بادخالها على المكبرو اذا كان المكبر عالى الديسبيل يقوم المكبر برفعها و ستجد ان القنوات كلها رتم و احد وليس بها ضعف او ريجه الاولى ذى الاخيره رتم واحد و اذا كان المكبر الرئيسى ضعيف الخرج يمكن تركيب اكثر من مكبر و را بعض حتى تصبح القنوات جيده و يختفى منها الضعف و الريجه وستجد ان جميع القنوات رتم واحد وصورتها جيده جدا و لكن اعلم ان تلك الطريقه تعتمد على درجه كبيره من المهاره و حسن التوزيع العالى فى تقسيمتك فى الشوارع
ارجو ان اكون افادتك اخى و اى حاجه امر اخوك فى خدمتك

[m_m_m_m]

المشاركه الاصليه احمد ستالايت
شكرا لمساعدة المهندسين جربت كل الطرق ولكن يوجد زى هزة قويه فى لقنوات ع بند 31 33 35 وعليهم ترومان

وزيادة اشارة ع تردد 47 49 51 53 55 ودى القنوت الاخيرة لكن عليها زى خطوط وهميه مع انى قافل المكبر الكبير

وطيت المكبر الصغير لكن الخطوط وهميه وخيال ع ترددات الاخيرة وجربت امشى زوجى ياعنى 50525456
بس بردة خطوط وهميه وزيادة اشارة فى الترددت دى

وللعلم انا شبكتى 16 قناة منها 3 قنوات بس مفتوحين ولباقى كله مشفر

وشكرا ع المساعدة

[m_m_m_m]

هزه ازاى اخى ممكن توضح اكثر ؟
اخى انت عملت زى مقلتلك و ضح اكتر و ياريت تقولى انت عامل ايه بظبط
اخى خطوط وهميه تقصد خطوط بميل او عموديه و لا ايه ؟

[m_m_m_m]

المشاركه الاصليه احمد ستالايت
شكرا لردك اخى الكريم اانا نفذت طريقتك بالظبط زى ما شرحت حضرتك 8 مخارج من الاسبليتر واخدت خرجى من بعد 31 بس عند التردد 47 و49 واخر تردد 55 فيه زى تكبير وخط وهمى بيعدى ورا القناة هى صورتها حلوة بس لخط دة بيمشى ويبن اكتر لما تيجى تقلب القناة ياعنى لما تبقى الشاشه سوداء

[m_m_m_m]

المشاركه الاصليه احمدستالايت
ودة مش فطريقتك بس لا فى كل الطرق بلاقى الموضوع دة حاصل معايا

[m_m_m_m]

بالنسبه لمشكلتك اعلم ان المشكله سببها يكمن فى ان هناك خطا فى تجميع القنوات و ستجد ان الخيال هذا موجود على القنوات الارضيه على المدى uhf حيث عند تجميعك للقنوات هناك ريسفر او اكثر يسبب ذلك التكبير الوهمى الذى تجده و يظهر على صورة خيال و قد صادفتنى المشكله عدة مرات يجب ان تكون قنواتك على الاقل رتم واحد و الذى يسبب هذا التكبير هو ان احد الريسفرات صورته قويه جدا عن البقيه فيكون تاثيره ذلك و عليك بالاتى
1- جمع قنواتك عادى و لاتزيد عن 3 ريسفرات فى الباقه الواحده
2- بعد تجميع القنوات و على الاقل اصبحت رتم واحد انظر الى القنوات الارضيه و شوف صورتها اذا كانت جيده و حلوه و لا يوجد خيال يمر بها يكون كل شىء تمام خذ من الاسبيلتر المجمع عليه القنوات ومنه الى المكبر الكبير او الى المكبر الصغير و عليه الى النصف تقريبا و اجعل المكبر الكبير مقفول و يكون التحكم من الصغير فى تلك الحاله
3- اذا حدث العكس و استمرت المشكله عليك بالاتى قم بفك سلوك الاشاره الاتيه من الطبق و اطفى الريسفرات ثم اعد تشغيلها بعد تشغيل الريسفرات ستصبح القنوات امامك بصورتها الحقيقيه وسيصبح الخيال واضح امامك على كل القنوات
4- طبعا ستجد على على كل الريسفرات مكتوب رسالة لايوجد اشاره و الشاشه سمراء و الخيال يمر بخلفيتها بوضوح
5- هتفك خطوطك اللى جايه من الريسفرات و متجمعه على الاسبيلتر الترياكس او القسام و بعد كده تركب خرج واحد فى الاسبيلتر و تشوف القنوات و تشوف الخيال موجود و لا غير موجود اذا وجد غير فى تجميعة تلك القنوات بحيث ينتهى الخيال وقد يكون هناك ريسفر واحد هو الذى يسبب تلك المشكله اذا كان الريسفر موجود قدام فى بداية قنوات التوليف انقله فى اخر قنوات التوليف uhf او قوم بتفقيده و جمعه عادى فى وسط القنوات او اذاكنت مدخله صوره in خد منه صوره out فقط بمعنى اصح لاعب الريسفر
6- اذا لاحظت انه لايوجد خيال ركب خرج اخر فى الاسبيلتر و هكذا الى ان تركب كل خوارج الاسبيلتر المقلوب و اذا حدث وجود خيال بعد تجميع اى خرج قم بتنفيذ ماذكرته من قبل و باذن الله ستحل المشكله و بعد ذلك شوف القنوات الارضيه صورتها عامله ايه اذا كانت كويسه و لا يوجد بها خيال يكون كده كل شىء تمام
7- طفى الريسفرات و اعد تركيب سلوك الاشاره ثم اعد تشغيلها و شوف صورتك عامله ايه و باذن الله يكون كل شىء تمام
ارجو ان اكون افادتك اخى و اى حاجه امر جرب و اخبرنى بالنتيجه

[m_m_m_m]

اخى عاوزك تتاكد من ان المكبر 512 سليم وتشوف الصوره من القسام مباشره على تلفزيون جيدعلى بكره كبيره زى مقولتلك شكلها ايه ؟
بعدكده تدخلها على مكبر الكاد 2 خرج و تعليه للنصف وتشوف صورتها عامله ايه ضعف او شديه شكلها ايه ؟
اذا و جدت ضعف اوشديه اعمل تنقل فى rf حتى تصبح القنوات رتم و احد
ربما يكون المكبر الكبير 512 به مشكله عاوزك تشيله انت طبعا بعد الالكادالكبير واخد من خرجه ومستلم منه على قسام و منه موزع خطوطك الاساسيه للشبكه عاوزك كمان تلغى القسام و تاخد من الالكاد 2 خرج على طول على تلفاز او الكاد 4 خرج وتوذع منه خطوطك الاساسيه
بتلك الطريقه سنعرف ماهوالعيب هل فى طريقةالتجميع اوالمكبر الرئيسى او فى القسام اللى بتوذع منه خطوطك؟
اخى اود ان اعرف منك هل هذا الخيال تراه و اضحا داخل السنتر ؟ام ان هذا الخيال تراه فى الشوارع فقط ولاتراه داخل السنتر ؟
اخى اذا كان تراه داخل السنتر اعمل ذى مقلت من قبل واذا كنت تراه فى الخارج فقط فتاكد من المكبر الرئيسى وكذلك المكبرات الموجوده فى الشوارع فربما يكون احد المكبرات تلك هو سبب تلك المشكله
ارجو ان اكون افادتك اخى واى حاجه امر اخوك فى خدمتك

[m_m_m_m]

المشاركه الاصليه عمرو الجوهرى
شكبة مكونة من 18 قناة
المجموعة تتكون من
8 ريسيفر استرونج 4610 بندات ( 31 -33--39-46-48-50-52-54)
5ريسيفر تورمان (160-150 )بندات (23-25-27-35-42)
1 ريسيفر اوربت هيوماكس بند 21
2 ريسيفر 5100 بند(29-57)
1 ريسيفر هيوماكس بكامةبند 44
ا ريسيفر هيومان بند37
التجميع تم بالتجارب على التوالى بين جميع الريسيفرات والخوج على مكبر الكاد 2 خرج 24db ثم مكبر راسى هيرشمان دخل واحد وخرج واحد
وحصلت على صورة ممتازة جدا طبع فى جميع البندات عدا البند29 صورة ضعيفةوالبند31 صور بهاريجة والبند50 صورةبهاريجة والبند57 صورة تسقط علما بان مساحة الشبكة كبيرة جدا جميع القنوات تصل الى المشتركين عدا القناتين الاخيرتين تصل ضعيفةجدابالمقانة بالقنوات الاخرى علما بانى استخدم سلك rg6 فقط وكبرات الكاد 4خرج والكاد 2خرج
واريد رفع عددالقنوات الى 24 قناة وفى ظل هذ1 الوضع ستسقط الصور الاخيرة فهل اغير المكبر الرئيسى بمكبر بندات مثل التلفاز ام تشرح لى طريقة تجميع تغنى عن شراء مكبررئيسى جديد وشكرا على ماتقدمه لنا من نصائح

[m_m_m_m]

اخى الشكر لله وحده اللهم لك الحمد و الشكر
اخى اريد اولا ان تذكر لى طريقة تجميعك للريسفرات مع بعضها مجمع ايه مع ايه و مجمعهم على اسبيلتر و لا تاب و لا على المكبر على طول ياريت توضح طريقة تركيبك بذكر نوع الريسفر و ذكر قناة توليفه و ساحب منه صوره و لا محمل عليه صوره و لا واخد منه و محمل على ريسفر تانى و ايه هو نوع الريسفر الاخر و قناة توليفه و لا مقسمها باقات ياريت تكون دقيق عشان انا مش شايف شبكتك ؟
اخى انا ملاحظ انك ماشى فردى و بعدين زوجى و بعدي فردى ايه السبب ؟ ياريت تذكر لى قنوات توليف القنوات الارضيه فى مكان شبكتك ؟
اخى بالنسبه للبندات 29 و 31 و 50 و 54 و 57
البند29 قد تكون صورته ضعيفه بسبب ضغط ريسفرات الترومان عليه لانه بند قوى من البندات الاولى لايسقط بسهوله حتى لو كنت ساحب منه صوره و اريدك ان تتاكد من الافات و البنن جيدا بحيث لا يكون هناك افات مالصه و ليس هناك بنن نعمت و مداخلها وسعت
بالنسبه للبندات 31 و 50 انت تقول ان ان عليهم هناك ريجه و الريجه 3 انواع
اما ريجه بمعنى ان القناه ضعيفه و حلها اذا كنت ساحب منها صوره متسحبش و اذا كنت محملها على ريسفر تانى غير فى تجمعيتك عشان ترفعها و حملها على ريسفر اخر
و النوع الثانى من الريجه و هو بمعنى التداخل حيث تشعر ان قناه اخرى تمر خلف القناه و لكن بدرجه ليست كبيره و يكون السبب فى ذلك ريسفر او اكثر انت مدخله الصوره in و نطلق عليه فنى تركيب الشبكات مصطلح الرايش حيث ان هذا الريسفر قوى و يرفع القنوات التى تحملها عليه و يمكنك ان تستغله و تحمل عليه الريسفرات الموجوده فى البندات الاخيره هيرفعهالك و ستصبح صورتها جيده و بالنسبه لما يسببه من رايش عاوزك تحركه و تغير قناة توليفه و تحطه على قناة توليف بحيث يرمى الرايش بتاعه على اى قناة توليف انت مش محتاجها مثل قنوات توليف القنوات الارضيه وبالمناسبه خرجه بيكون ضعيف لاما تحمله على ريسفر تانى لاما تحطه فى البندات الاولى عشان صورته متضعفش
النوع الثالث من الريجه هو التداخل مثل قناة التوليف 50 هى قناة توليف القناه السادسه الارضيه و ربما يكون ارسالها ضعيف فى مكان شبكتك و لكن يظهر اثرها على هيئه ريجه فى ذلك البند بمعنى تداخل خفيف جدا
بالنسبه للبندات 54 و57 او البندات الاخيره عموما
نتيجه ان مكبر شبكتك ضعيف نسبيا و بتشتغل ب rg6 و مساحة شبكتك كبيره بيكون ده امر منطقى جدا و هيحدث بالتاكيد و الحل كالاتى عاوزك تضع اقوى ريسفرات عند ك فى البندات الاخيره و تحملها على ريسفرات تانيه متسحبش منها صوره و امامك خياران الاول تغير و تستغنى عن المكبر الالكاد 2 خرج و تجيب مكبر سنتر كبير عالى الديسبيل مثل التلفاز او الترياكس او الترى و شخصيا افضل الاخير و تجعل خطوطك الرئيسيه ب rg11 بدلا من rg6 و تاخد منه على قسام و منه توزع خطوطك الاساسيه و سلوك المشتركين فقط هى التى تكون rg6
و الخيار الثانى تبقى على الالكاد 2 خرج و تجمع قنواتك بحيث تصبح القنوات كلها رتم واحد و تعليه بحيث يصبح اعلى من النصف بحاجه بسيطه و تاخد منه خرج ب rg11 و تغير المكبر هيرشمان و تحط بداله مكبر الكاد 4 خرج او تلفاز 4 خرج و تعليه هو الاخر ليصبح صليبه تقريبا و تسحب منه خط بrg11 فى وسط شبكتك تقريبا تشوف الصوره عامله عليه ايه اذاكانت تمام يكون كده كل شىء تمام و تدخلها على مكبر ايضا اما تلفاز او الكاد 4 خرج تلك 3 مكبرات المتتاليه هي تكون بمقام جهاز واحد كبير ومنه توزع خطوطك للشبكه عموما اخى يمكنك ان تسحب اكثر من خط من التلفاز او الالكاد الثانى الى اجهزة مكبرات اخرى و بذلك يصبح لديك حوالى اربع اجهزه سنتر يمكنك ان توزع منهم لشبكتك الكبيره و الطريقه ناجحه و مجربه من قبلى و بذلك تستغنى عن المكبر الكبير
اخى اطمن زود قنواتك عادى ووصلهم ل24 قناه لن تسقط معك القنوات
ارجو ان اكون افادتك اخى

[m_m_m_m]

اخى الفاضل
اريد مكبر بندات الترى (وهل هو انواع واى رقم ترشحه) من اين يمكن شراءة وهل هومتوفر فى السوق المصرى

متوفر امامى جهاز تلفاز بندات هل هو عملى
وهل القنوات الاخيرة ستظهر بصورة ممتازة لو الشبكة 24 قناة
ارجو منك شرح تجميع 24 ريسيفر لو المكبر بندات من نوع تلفاز
وشكرا

[m_m_m_m]

اشكر الجميع على ردودهم الجميله
اخى الصوره ستكون جيده و لكن بشرط ان تكون مجمعه جيدا
اخى اذكر لى انواع الاجهزه اولا ثم ساورد لك كيفية تجميعها مع بعضها على المكبر الكبير الذى يقسم بندات
بالنسبه للمكبر الترى هو موجود فى السوق المصرى و ستجده فى القاهره و الاسكندريه و لكنه ياتى بالطلب
بالنسبه للمكبر تلفاز فهو من الانواع الجيده اذكر لى موديله و رقمه ؟
ارجو ان اكون افادتك اخى و اى حاجه امر اخوك فى خدمتك

[Mostafa NewLife]

السلام علي من اتبع الهدي

اولا مش عارف اشكرك ازاي علي تعبك ده

جزاك الله كل خير

وربنا يسترها علينا وعليك

وانا كنت داخل افهم شويه حاجات بس من كتر المواضيع وتنوعها معرفتش افهم كويس

بس الخلاصه اني محتاج حد يفهمني بجد

لاني المفروض بظبط شبكه وبقالي سنه ونص المفروض شغال مشتغلتش منهم غير شهرين بس

والباقي خساير

ودلوقتي معايا فرصه واحده للبدايه ولتعويض خسارتي وانقاذ ما يمكن انقاذه

وربنا يستر

المهم ليا عوده علشان اعرض اسالتي وحقول كل امكانياتي

ويا رب مكونش تقيل عليك

والنهارده انا بظبط بقيه الحياه والمفروض ابتدي شغل من بكره

ليا عوده

واشكركم جميعا

والسلام ختام

[m_m_m_m]

و عليكم السلام و رحمة الله و بركاته
اهلا بيك اخى امرنى اخى بما تريد اخوك فى خدمتك