تم الاعلان عن عدم اذعة مباريات الدورى الاسبوع السابع

[حسام مشعل]

تم الاعلان انة لم يتم اذاعة اى مبارة من الاسبوع السابع للدورى وسوف تسجل وتذع بعد المباراة فى قناة الاهلى وقناة مورودن سبورت خسارة اخرى

[يوسف الطيب]

شكرا لك اخى على المعلومه
وسوف تعقد لجنه ثلاثيه غدا الاثنين
برئاسه المهندس حس صقر_ووزير الاعلام_والكابتن سمير زاهر
لحل هذه المشكله
تحياتى لك

[حسام مشعل]

يارب ياخ يوسف تحل هذة المشكلة غدا علشان حتى مباراة الاهلى القوية مع المنصورة

[علىمحمد]

قال عايزين يوصلوا كأس العالم وهما مش عارفين يتفقوا على اذاعة مباريات الدورى والله دى مهزلة وفى الاخر لا قدر الله لو مش وصلوا يقولوا الحجج والاعلام وكلام فاضى
انا مش عارف نعمل ايه عشان نشوف الدورى المصرى يكون ده الانجليزى واحنا نسينا حتى كأس العالم الشباب اتحرق دمنا هنا فى السعودية اللى اشترك فى النت واللى راح اشترى الريسيفر ب1000 ريال وفى الاخر خرجنا من كوستاريكا لو سمير زاهر عايز يشفر الدورى يقول ويختصر عشان احنا خلاص على اخرنا ويبقى يشوفه هو واللجنة السباعية ويحكلنا

[حسام مشعل]

كلامك جميل جدا جدا اخى على محمد صح كل كلمة قولتها الف شششششششششششكر

[علىمحمد]

عايز أقولك يا أخ حسام مشعل انت منور هنا وفى ******
انا خايف على مباراة مصر و الجزائر يحصل عليها كلام وفى الاخر نتفرج عليها فى قنوات الجزائر ويكون ده اخر الكلام حرام كده اللى بيحصل ولا نبطل نتفرج على كورة وخلاص

[حسام مشعل]

اخى الغالى على محمد مباراة مصر الجزائر ان شاء اللة خير لمصر باذان اللة تعالى سوف نصل كاس العالم ونبارك ونحتفل يوم 14/11/2009 مع بعض مصر بخير والكورة فيها حلوة بس شوية حظ سوف يكون لنا شان كبير الف ششكر على المشاركة الغالية

[علىمحمد]

أشكرك شكرا جزيلا على موضوعاتك المفيدة دائما للجميع وان شاء الله هنفوز على الجزائر ونوصل 2010

[عادل محمد دردير]

والله يا اخواني دا حاجة تقرف وحاجة تزهق
هنذيع مش هنذيع
منتهي التفاهة واللعب بمشاعر الناس
هيخلونا ايه تاني نتسله بيه بدل الزهق والقرف اللي احنا فيه
حتا الكورة مستكترينها علينا
حسبي الله ونعم الوكيل

[عادل محمد دردير]

الموقف الحالى هو نتيجه متوقعه ومحصله للواقع المؤسف الذى نعيشه الان مانعيشه ونعانى منه هو نتيجه تراكمات على مر سنين طويله من الجمود والاهمال والتسيب وعدم احترام للقوانين{الصحيحه} وليست القوانين التفصيل كالقانون الذى يحكم موضوع البث فى مصر والسيطره المفرطه للحكومه عليه والتى لايمكن ان توجد فى دوله متحضره بها ديموقراطيه حقيقيه:
- التليفزيون:
1-يعتمد على قانون بالى يتحكم به فى البث التليفزيونى بصفه عامه {يستخدمه كنبوت الفتوات} ومنها بث الاحداث الرياضيه فى مصر دون النظر الى مصلحه الانديه التى تحتاج الى تمويل حقيقى لكى تستمر وتحقق بطولات حقيقيه
ام تريدون لنا ان نكون فقط محليين
2-كم انفق التليفزيون لانتاج مسلسلات رمضان التى معظمها دون المستوى وفاشله.كان اجدى صرف هذه الملايين على مايريده الشعب وليس مايريده كبار التليفزيون {انها السبوبه والاغتراف}من اموال الشعب ودافعى الضرائب
3- هل يجرؤ الاستاذ اسامه الشيخ او غيره على الوقوف فى وجه الشركات الفضائيه الغير مصريه {ART,orbit,}والجزيره والفيفا قطعا لا. واكبر دليل على ذلك قصه بث بطوله العالم للشباب الاخيره {المخذيه}والتى أضطر التليفزيون ان ينفذ كل اوامر الفيفا حتى يستطيع ان يبث المباريات ارضيا فقط بشرأ الاجهزه المطلوبه
وكما يقول المثل "اسد علينا وعلى الانديه وفى الحروب نعامه"
4- ياساده الاموال موجود فى مصر ولكن المشكله كيفيه انفاقها وليس اهدارها وسرقتها
- اتحاد الكره
1- اتحاد غير مناسب لاداره الكره فى مصر يقولون انهم متطوعون للعمل ولذلك بتقاتلون عليه لاستغلاله للتكسب منه وما خفى كان اعظم
2- اتحاد انفق 25 مليون جنيه على منتخب الشباب خلال سنتين والنتيجه كما تعلمون مخزيه ولم يتم محاسبه اتحاد الكره على ذلك ولن يتم {انها مصالح وشيلنى واشيلك} ونحن عامه الناس اصحاب المصلحه الحقيقيه نتفرج ولايدافع عن مصالحنا احد
3- سيقول البعض ان الرياضه مكسب وخساره {نعم خسرت فرق اخري البرازيل و المانيا و وو} ولكن هؤلاء خسروا بشرف وبعد اداء عالى وليس بهذا الاداء المخزى الذى ينم عن سوء اعداد وسوء اداره واهدار للمال العام
- الانديه
1- لاتقوم الدوله بالدعم المناسب لها لتحقيق بطولات حقيقيه
2- الانديه لها كل الحق فى الحفاظ على
حقوقها التى يريد التليفزيون ان ينهبها لمصلحه اخرين يتكسبون من ذلك وللمحافظه على مناصبهم وهم ليسوا اهل لها

انها تركيبه لاتوجد ولاتزدهر الا فى تربه فاسده وتسقى من ماء المجارى الذى يسقون به الناس غذاء الناس
وحسبي الله ونعم الوكيل

[medo77791]

شكرا لك يا اخى

[حسام مشعل]

الف ششششششششششكر على المتابعة الغالية من السادة المحترمين جدا والاراء الحلوة شكرا

[مونتي]

تسلم يا غالي