شرح تركيب شبكة دش مركزى

[m_m_m_m]

اخى مع احترامى الشديد لك
اعتقد ان الفكره ممكنه على التطبيق العملى
ولكن يجب ان نضع فى الاعتبار ان شرطة المصنفات عندمتا تنزل حمله و تذهب لاخذ الاجهزه هى تكون متاكده وموقنه من وجودها فى المكان الذاهبه اليه من وجودها فيه
و لذلك اظن ان الذكاء هو ان تخفى اجهزتك ولا يعلم بوجودها فى اى مكان اى احد
وفى حالة وجود اى قلق تسارع بنقلها على الفور

[m_m_m_m]

اخى بالنسبه لافضل ترددات تضع قنواتك عليها بما انك من سكان محافظة الغربيه فى مصر
اذن قنواتكم الارضيه هى 3 الاولى و الثانيه و السادسه
اذن افضل قنوات لك على المدى UHF هى21 ثم 23 وهكذا تمشى فردى الى 69 بحيث تترك بين كل قناه و الاخرى قناة توليف و تترك قناة التوليف 49 و 50 لانها القناه السادسه
وبالنسبه للمدى VHF ابتعد عن قنوات توليف الاولى و الثانيه واختار قنواتالتوليف التى تسبق قنوات UHF مثل قناة توليف 18 او 15 حسب عدد القنوات التى تنوى ان تضيفها على المدى VHF
ارجو ان اكون افادتك اخى

[m_m_m_m]

تصحيح اخوانى لخطاغير مقصود
طبعا كلام اخى المهندس محمد لا يعلى عليه بارك الله فيه و جعل ذلك فى ميزان حسناته

[المهندس محمد]

المشاركة الأصلية كتبت بواسطة m_m_m_m

تصحيح اخوانى لخطاغير مقصود
طبعا كلام اخى المهندس محمد لا يعلى عليه بارك الله فيه و جعل ذلك فى ميزان حسناته

اخى برجاء ترك الايمل

[m_m_m_m]

احب ان انوه ان صاحب الموضوع الحقيقى هو sam111 وهو نفسه m_m_m_m و اوجه الى كل من يبغى ان يسرق مجهود غيره و ينسبه الى نفسه ان يتق الله و ينسب الاعمال الى اصحابها الحقيقيين و لكم جزيل الشكر

[mando1]

المشاركه الاصليه كتبت بواسطة ابوسيف
بسم الله الحمن الرحيم ..أولا نبدأ بضبط ترددات الاجهزه وهي كالتالي 21 و 23 و25 و27 و29 و31 و35 و37 وهكذا .. ثانيا ناخد اول خرج اللي هو 21 ونوصله علي تليفزيون توشيبا وبعد كده نحمل عليه خرج 23 وبعد كده خرج 25 وهكذا .. طيب واحنا ماشين جهاز اثر علي الاجهزه نخليه للاخر لان اللي مش هينفع هنا هينفع هناك ..عن تجربه .... ومش شرط تغير تردده خليه زي ما هو يعني لو تردد جهاز 31 أثر نركنه علي جنب ونجرب الجهاز اللي بعده اللي تردده 35 وهكذا ومع شويه بال طويل هتلائي الشغل في الاخر زي الفل .. وادعولي

[m_m_m_m]

مشكور اخى على المعلومه الجميله
ولكن عندى تعليق
معنى كلامك ده انك هتخرجهم كلهم من جهاز واحداللى هو اول باند 21 ده طبعا لايصح لان تحميل اكثر من 3 اجهزه مع بعض قد يسبب اما الضعف الشديد او الشديه او ترى العجب فى الصوره صوره شديه و اخرى ضعف و هكذا
اخى و انت بتجمع هناك انواع مختلفه من الاجهزه مثل الترومان و انواع من الديكودرات و انواع من الريسفرات مثل البيسا ت وغيرها تتضارب مع بعضها و قدتشوش على بندا ت اخرى مثل25 و 27 و 2 و 45 و 61 و 63 و نقلها فى اول الشبكه او فى اخرها لايفرق اى شىءفهى تسبب الضغط على القنوات و ذلك التشويش موجود حتى مع تغيير المكبر الكبير
اخى سواء كنت مجمع شبكتك على مكبر كبير او مكبر صغير ماهى وظيفة المكبر ؟اخى وظيفة المكبر انه يرفع القنوات و يقويها و يرميها مسافات طويله و ليس اكتر من ذلك و لكن الذى يفرق عند تجميع السيستم هو كيفيه الاسخدام الامثل لقدرة المكبر بحيث استغلالها فى البندات الاخيره التى تسقط بسرعه
اخى المكبر يرفع الصوره كما هى تماما اذا كانت داخلله حلوه هيرفعها حلوه و اذا كانت داخلله وحشه هيرفعها و حشه
للعلم اخى داخل السنتر تجميعك للقنوات بنسبه كبيره بيكون خادع لانك ممكن تجمع السيستم وتكون الصوره مرايه داخل السنتر و لكن فى خارجها تجد قناه ضعيفه و اخرى قويه و اخرى مرايه
اخى للعلم ايضا هناك من يقول ان هناك بندات مرتبطه مع بعضها وتلك البندات تجمع مع بعضها ذلك الكلام صحيح وخاطىء فى نفس الوقت صحيح عندما تكون بتجمع تلك البندات مع بعضها عشان تقويها او تضعفها او تطلعها بقوه معينه عشان باقه اخرى او بندات اخرى تظهر ذى البندات الاخيره و خاطىء على الاساس التالى يجب ان تعلم وانت بتجمع قنواتك الاتى البندات الاولى و انت بتسحب الصوره منها لا تتاثر عند السحب منها و تكون نسبة الفقد فيها قليله جدا على عكس البندات الاخيره بتكون سريعة الوقوع و ذلك بسبب و جود ملفات خنق فى التلفزيونات كما وجود مكبرا ت كثيره فى الشبكه و نقل الصوره الى مسافات كبيره يضعفها
اذن ماالحل الحل يفسره الاتى و انت بتجمع السيستم ممكن و انت بتجمع الصوره تكون الصوره ميه ميه و لكن الصوره فى الخارج مش كويسه و العكس قد يحدث و انت داخل السنتر تجمع صورتك و تكون صورتها وحشه و لكن عندما ترى الصوره فى الخارج تجد ان الصوره طبع مرايه اذن ماالتفسير لذلك؟ التفسير اخى يكمن فى ضغط الصوره اذاا كانت الصوره مضغوطه ستجد ان صورة القنوات تجرى و تمشى معاك لمسافات طويله و صورة القناه الاولى معاك ذى الاخيره كلهم رتم واحد و لا نصل الى ذلك الا بعدة طرق بعضها حسابى و رياضى باستخدام جهاز قياس شدة قوة الصوت بالديسبيل مثل sound level meter و ذلك قمة الدقه او باستخدام التابات و الاسبيلترات او هناك باستخدام فرق جهد المكبرات و هى طريقه ذكيه جدا و تحتاج الى الكثير من الخبره
اى معنى كلامى لكى تظهر القناه جيده يجب ان تصل بمقدار معين من القوه بعد ذلك يقوم المكبر برفعها و تصبح القنوات كلها رتم واحد

[mohammed fathi]

عمل اكثرمن رائع ومبدع دائما ياغالى والى الامام

[m_m_m_m]

شكرا يا اخي علي سرعه الرد
ولكن ماذ عن ديكودر اوربت من نوع (فيلبس) هل يصلح للشيرنج ولا لا
سمعت اني بتجيب جهاز (فيلبس) وثلاثه ترومان وبتطلع من الفيلبس ثلاثه اطراف وبتوصلهم علي التوالي باجهزه الترومان 150 او 100 فهل لديك فكره عن هذه الطريقه وشكرا ليك

[m_m_m_m]

اعتذر فيك اخى على التاخر فى الرد عليك
طبعا اخى جهاز فيلبيس يصلح تعديله ليعمل شيرينج
بالنسبه لمنظومة الترومان مع اوربت و فيه
يصبح جهاز اوربت كالحديده و يتم التعديل بداخله و تاخد من وصلة rs 232 الخاصه به من غيرمتوصله كهرباء و لا سلك اشاره و صله معدله بها كارت يوضع فى جهاز ماستر ترومان 160 اوبشن بكامه او 150 اوبشن ابو كامه و بجانبه حوالى 4 اجهزه 150 اوبشن عاده او 4 اجهزه ترومان 100
و تضع لهم ايضا السوفت الخاص بالشيرينج و يكون نفس السوفت لجميع الاجهزه و احسنهم على الاطلاق بالنسبه للترومان هو 44 3 3
و اليك شرح تفصيلى لطريقة عمل الكابلات و برمجة المنظومه
وهناك كبلات الداتا او النل بين الريسفرات الترومان ويمكن عملها يدويا وجب ان تكون قصيره لا تزيد عن 15 الى 20 سم ويتم عملها بطريقتين الاولى
تحضر 3 كابلات داتا من النوع الجيد وتقطعهم من النصف وتجد ان الكبل يتكون من 9 اطراف 5اطراف مرصوصين بالاعلى بجانب بعضهم واربعة اطراف مرصوصين اسفلهم بجانب بعضهم ونهمل تلك الطراف الاربعه ونقوم بقصهم ثم تقوم بوضع علامه مميزه على كابل ليكون الكابل الماستر الذى يوضع فى الجهاز ابو كامه وناخذ منه طرف السلك رقم 2 ونلحمه مع الطرف رقم 3 فى بقية الكابلات وناخذ ايضا منه طرف رقم 3 ونلحمه مع الطرف رقم 2 فى يقية الكابلات وناخذ منه ايضا الطرف رقم 5 ونقوم بلحمه ايضا فى الطرف رقم 5 فى بقية الكابلات ثم نقوم بالتاكيد على اللحام بواسطة الازير ونقوم بعزل جميع الاطراف المجمعه عن بعضها عن طريق الشمع ولفهم بالشكرتون
الطريقه الثانيه وافضلها شخصيا
تحضر 1متر سلك 10 الف النحاسى سلك النت وتقوم بتقطيعهم الى 5 قطع و لتكن كل قطعه حوالى 20 سم وتحضر 5 قطع الجزء الازرق النتايه والمرقم من 1 الى 9 وتختار من السلك 3 الوان اساسيه وليكن الطرف رقم 1 وهو اللون الاحمر و يلحم فى السن رقم2 فى جميع القطع النتايه وليكن الطرف2 وهو اللون البنى ويلحم فى السن رقم3 فى جميع القطع النتايه وليكن الطرف الثالث الاصفر ويلحم فى السن رقم 5 فى جميع القطع النتايه ثم نقوم بوضع علامه مميزه على كابل ليكون الكابل الماستر الذى يوضع فى الجهاز ابو كامه وناخذ منه الطرف الاحمر ونلحمه مع الاطراف البنى فى بقيية الكابلات وناخذ منه ايضا الطرف البنى ونلحمه مع الاطراف الحمراء فى بقية الكابلات ثم ناخذ منه منه الطرف الاصفر ونلحمه فى الاطراف الصفراء فى بقية الكابلات ثم نقوم بالتاكيد على الحام بواسطة الازير ونقوم بعزل جميع الاطراف المجمعه عن بعضها عن طريق الشمع ولفهم بالشكرتون
ثم ياتى كيفيية برمجة الريسفرات و نبرمج اولا الجهاز ابو كامه الماستر ندخل على menu ثم نضغط installtion ونختار smart card ونختار الوضع home server
ثم الاجهزه العاده الفرعيه ونفس الخطوات السابقه ولكن باستثناء الخطوه الاخيره نختار home client 1 للجهاز الاول وللحهاز الثانى home client 2 وهكذا دواليك حتى اخر جهاز فى المنظومه و يجب عدم تطابق اى جهاز فى بيانات الشيرينج لان ذلك سيؤدى الى توقف المنظومه بالكامل و تحط المنظومه بالكامل على مشترك كهرباء واحد 6عيون بحيث يطفوا و يشتغلوا فى نفس الوقت ضمانا لعدم حدوث المشكله السابقه
ارجو ان اكون افادتك اخى و كل سنه و انت طيب

[m_m_m_m]

الله يخليكم اخوانى و يبارك فيكم تحياتى اليكم و يارب اكون افادتكم
ممكن الحل في الكرت فرجن 5 عشان هو بيقطع علي الترمان 160 ومشغل عليه 3 اجهزة 150 اوبشن لكن بعد الوقت بيقطعوا وصورة توقف اية الحل هل اغير الكرت ولا ية ولا انزل سوفت لجهاز

[m_m_m_m]

اخى اعتذر فيك نظرا لتاخرى فى الرد عليك
بالنسبه لاحسن سوفت للترومان و المنظومه بجانبه هو سوفت 44 3 3
و بالنسبه للتقطيع يفضل تقصير الكابلات و استخدام انواع اصليه ان توفرت او استخدام النوع المتداول وهو كابلات الكروس و تقوم بتقصيرها
اخى طبعا لو عندك كارت v4 او v2 يكون افضل و هيشتغل معاك بدون اى مشاكل
بالنسبه لكامة الترومان 160 الاوبشن ممكن تثبت الكارت بعود كبريت او تستخدم مسدس الشمع و تثبته بيها و ستعمل المنظومه معاك بمنتهى الكفاءه
ارجو ان اكون افادتك اخى

[مصطفى ابوالنجا]

الف شكر ياباشا وانا اسف وتقبل تحياتى لك اخوك / مصطفى ابوالنجا

[akram_alnagar]

الف شكر يابشمهندس على هذا الرد الممتاز ولكن لى توضيح بسيط
الاسبليتر المقلوب هل هوا الاسبليتر العادى اللى شغالين بية ولا اسبليتر
من نوع تانى ممكن بس توضيح هذة فقط

[m_m_m_m]

الاسبيلتر المقلوب يفضل ان يكون اما اسبيلتر ترياكس او تلفاز او تاب احمر وتجمع عليه الريسفرات
غير الاسبيلتر الصينى اللى بنشتغل بيه فقط فى الشوارع كتوزيع للمشتركين او التوزيع منه لاجهزه المكبرات
ارجو ان اكون افادتك اخى