شرح تركيب شبكة دش مركزى

[m_m_m_m]

المشاركه الاصليه vodafone_016
سؤال مهم الي خبراء المركزي

بالنسبه لموجه vhfترددها من 1 الي 20 و ال uhf ترددها من 21 ل 69 ايه هو تردد موجه ال vhl؟ وايه طريقه تبنيد القنوات علي vhf و vhl؟؟؟؟؟؟؟

[m_m_m_m]

المشاركة الأصلية كتبت بواسطة ابو سيف
من 70 الي 90 بواسطه الموديلتور

كلام مظبوط اخى بارك الله فيك
كما قلت اخى vhfعالى تبنيده من 1 الى 20 و uhf من 21 الى 69 و vhl منخفض من 70 الى 90 و لكن للعلم vhf اكثر احتفاظا للصوت و الصوره و انت بتجمعه داخل السنتر لازم تفقده اى تضعفه حتى لايؤثر على ترددات المدى uhf و هناك ريسفرات تكنوسات و مودليتر عشان تحط قنواتك على vhf
و بالنسبه للبندات اختار البندات اللى تريحك و اترك بين كل قناه و الاخرى قناة توليف او قناتين و لكن لاحظ جيدا البند vhf عموما هو البند المخصص لترددات الراديو fm و كذلك هو الخاص بالترددات البحريه و بعض ترددات اللاسلكى و به ترددات بعض القنوات الارضيه مثل الاولى و الثانيه و الثالثه لذلك ابتعد عن تلك الترددات حتى لا يحدث تداخل و ضيف القنوات التى تريدها
ارجو ان اكون افادتك اخى

[m_m_m_m]

اخى بتلك الطريقه uhf هيشيل معاك نحو 25 قناه و vhf هيشيل معاك نحو 8 قنوات و انت مستريح و يصبح عدد قنواتك نحو 33 قناه بالاضافه الى القناه الاولى و الثانيه يصبح عدد قنواتك نحو 35 قناه
ارجو ان اكون افادتك اخى

[Mostafa NewLife]

ايه الموضوع الجامد ده

قريت اخر صفحه بس

لقيت الكلام مفيد وكلام مبسط وبالعربي بتاعنا

تسجيل حضور وحرجع اشوف الموضوع من البدايه

بعد اذنكم

سلام موقت

[Mostafa NewLife]

بجد كفايه حرام

كل ديه معلومات جديده

انا بقالي سنه ونص في المجال ده معرفتش ده كله عن الفنيات

بس فعلا العلم نور

انا من ساعت مكتبت الرد اللي فات لححد دلوقتي والله بقراء في الموضوع ووصلت للصفحه 17 وعرفت حاجات لو كنت اعرفها مكنتش وصلت للي انا فيه ده دلوقتي

اينعم لسه المعلومات مثبتتش وكله خدت فكره عامه عنه

بس بدات اجمع الخيوط واعرف اساسيات سيستم الغرفه واساسيات التحرك بصوره بطريقه جميله وعلميه للاستفاده باقصي استفاده واقل مشاكل واحسن صوره للمشتركين

بارك الله فيكم

وانا اليومين دول في ليص بيص بس ان شاء الله انا متفائل
والواحد فعلا مبيتعلمش ببلاش وانا اتعلمت بكتير اوي الصراحه

واللي يتعب ينول واللي يصبر يلاقي
وانا متفائل الحمد لله

وشايف ان كل حاجه ممكن تبقي تحت السيطره والحياه تمشي بطريقه اداريه وعلميه

ويا رب اقدر اعوض خسرتي ( سنه ونص من عمري + اكتر من 000 30 الف ) حاجات تانيه كتير اخرها التزامي واحترامي للوقت و كلمتي ووعدي مع الناس عموما و اني بقيت احور وخلاص و ثقتي من ان الناس مبتفدش بعضها وكفايه اني والله مديون لحوالي خمس ست شخصيات بمبالغ كبيره وعليا ايصالات امانه وحاجات كتير اوي اوي اوي اوي اوي كفايه اني خسرت سمعتي واصبحت حد فاشل عامل موضوع بيخسر مبيكسبش وعطلان مش شغال
خسرت سمعتي وفلوسي وعمري وحبي للناس بامااااااااااانه اتعلمت كتير اووووي
وخرجت من السوق بعد سنه ونص بعد ماكنت بحب الناس والعشم بيقتلني وبحب الافاده وعايش في حب

الي اني عرفت اننا في زمن الجنيه براجل وان المفروض يبقي صحبي قرشي وعمي دراعي وان مش الكل بيحب المصلحه وممكن يفيد وممكن يفيدك بما يرضي الله واللي يعمل كده مره ميكررهاش وبعد ما ياخد ثقتك يسوحك بالبلدي

بجد والله العظيم مش عارف اشكركم ازاي ربنا يحرسكم ويبارك فيكم ويسترها عليكم ويفتحلكم ابواب رزقه

رجعوتلي ثقتي في عز مانا دخلت في مود الحماس والعمل والحركه ودفعه معنويه قي وقت جميل وممكن يخليني اعيد حساباتي

واكدتولي ان فيه ناس كويسه في المجال ده ناس محترمه ونضيفه ومتعلمه
مش كلهم نصابين ومسجلين وطماعين

واكدتولي اللي بقالي سنه ونص بدور عليه وهو ان الموضوع ده ممكن يتعمل بنضافه وبشياكه وبعلم وبتجاريه

انا مبسوط اوي ومتعرفوش ممكن تكوني فدتوني قد ايه

بقالي كام يوم في المنتدي مكنتش اعرف ان فيه موضوع بالروعه ديه وبالسلاسه ديه لاني بيني وبينكم دخلت كذه موضوع حسيت ان الكلام غريب ومجعلص ومعرفتش اهضمه معرفش ليه

الموضوع هنا سهل وميسر وبلغتنا المصريه اللذيذه وفيه معلومات تسوي عدد حروفها ده وبطريقه لذيذه سوال ورده وبكذه طريقه لدرجه ان كل حاجه بتتقال يا عدت عليا في موقف او مشكله او حصادفه لما ابتدي شغلي ان شاء الله

مش عارف ازاي مشفتش الموضوع ده قبل النهارده
وازاي مفكرتش ولا صادفت حكايه المنتديات ديه قبل اليومين دول مع اني شاب نتاوي وبستعين بيه وعندي نت 24 ساعه

والله العظيم ما عارف اشكركم ازاي

وفعلا كل حاجه بميعادها

وقررت اخير اني امشي الدنيا بطريقه تانيه خالص وبمفهوم تاني

اذا تغيرت افكارك تغيرت دنياك
افكاري اتغيرت من مده قريبه ودلوقتي كملتولي المنظومه بافكاركم الثريه بالاضافات

ربنا يقدرني وافيدك ووجودي يببقي ايجابي

اسف فعلا علي الاطاله بس اعذروني

حشتغل في خلال ايام قليله بعد تظبيط الحياه بعد ما اتلغبطت بسبب المستجدات

لكم تحياتي وسلاماتي ودعواتي

والسلام ختام

[Mostafa NewLife]

ملحوظه من كتابه الرد الاول الساعه 8

لحد كتابه الرد الثاني الساعه 10 وشويه وانا بقراء في الموضوع
وكنت فاكر الصراحه اني خدت وقت اكتر من كده
انا خدت فكره عامه بحيث اعرف ايه موجود
وواحد وواحده حاخد معلومه معلوه واطبقها عملي وانا بشتغل علشان افهم واعرف وتثبت في دماغي
اشكركم ومش حكتب حاجه تاني خلاص النهارده غير

السلام احلي ختام

[m_m_m_m]

اشكرك اخى على ردك الجميل و لكنك اعطيتنا اكثر من حقنا و اذكرك و اذكر نفسى و اذكر اخوانى بقول الله / و فوق كل ذى علم عليم /
و هناك اساتذه افاضل لهم باع كبير و تعلمنا منهم الكثير مثل الاستاذ netfox و المهندس محمد احمد و الاخ احمد دعواتنا له بالنجاح و التوفيق و الاخ محمد قاعود و احشنا و الله و ياريت لو سمعنا صوته و الاستاذ جمال كووو و غيرهم و غيرهم بارك الله فيهم جميعا و جعل ذلك فى ميزان حسناتهم
و ارجو ان ان يكون موضوعى قد افادك و اى حاجه امر اخوك فى خدمتك

[Mostafa NewLife]

اشكرك يا باشا علي ردك

وانت انسان اصيل علشان زي ما استفدت من الناس حاولت ترد الجميل وتحاول تساعد اي حد

وربنا يوفق وينجح الاخ احمد وربنا يبارك ويسلم الجميع واتمني حضور الجميع ورجوعهم بالسلامه

وبيني وبينك انا محاولتش افهم الفنيات اوي قبل كده لاني كنت مشغول بحاجات تانيه بس لا يصح الا الصحيح

سلاماتي للجميع

والسلام ختام

[سعيد برعى]

مشكووووووووووووووووووووووووووووووووووووووووووووووو ووووووووووووووووووووووور

[m_m_m_m]

الشكر لله وحده اللهم لك الحمد و الشكر
و ارجو ان اكون افادتكم

[m_m_m_m]

اخى الكوتش اوردت طريقة التجميع قبل ذلك و يمكنك مراجعة المشاركات السابقه فى نفس الموضوع و تطبيقها و اى مشاكل تواجهك اسال اخوك

[m_m_m_m]

اخى اعتذر فيك كثيرا نظرا لعد م الرد عليك فى المشاركة نظرا لمرضى المفاجىء وقد شرحت بالتفصيل كيفية التجميع ويمكنك الرجوع اليها و تطبيقها
ارجو ان اكون افادتك اخى

[m_m_m_m]

المشاركه الاصليه الكوتش
السلام عليكم
عايز اجمع الشبكه دى ايه افضل طريقه فى راى المهندسين
10 اجهزه Tiger
+ 5 اجهزه Hiroshima 888 V2
مكبر الكاد 4 خرج
ماهى افضل طريقه للتجميع
فى انتظار ردودكم شكرا

[Mostafa NewLife]

الف سلامه عليك يا فور ام

وتقوم بالسلامه ان شاء الله

[m_m_m_m]

تسلم اخى مصطفى و الحمد الله الواحد احسن دلوقت
اللهم لك الحمد و الشكر