سؤال بعد ما غيرت الفلاشة وحطيت CEFON f16

[ramyooooo]

أنا غيرت الـsst وحطيت سيفون اف 16
وغيرت الكرستالة وخليتها 27000
ووصلت وصلة الـ 24 فولت
وقفلت المقاومة R8

جيت بأه أغير السيريال لقيت الشاشة سوداء
يبقى ايه الغلط
مع العلم الجهاز بياخد سوفت عادى من الكومبيوتر ( لمبه حمرا فقط )
أطلب مساعدة من أهل المنتدى الكرام (فى كيفية تغيير السيريال )
بالمناسبة سوفت السيريال بياخدو الجهاز وبرضو شاشة سودا

هل من مساعدة ؟؟؟؟؟؟؟؟؟؟؟؟؟؟

[ramyooooo]

للتنويه لما قفلت المقاومة r8 الجهاز لا يقبل أى سوفت من الجى اكس
لما أرجع أفتحها تانى ياخد سوفت عادى فقررت أشيل قفل الـ r8 (فصل الوصلة)
دلوقت الجهاز بياخد سوفت عادى بس موش بيكتب بووت ولا أى حاجة ولما بفتح الدنجل
بيدينى لمبه حمرا فقط بمجرد فتحه ولا نقطتين ولا بووت ولا أى حاجة
هى لمبه حمرا يتيمة وشكرا

[بهاء الشريف]

اعطى السوفت باللودر المرفق وانا متابع معك

[ramyooooo]

متشكر جدا لحضرتك والله

أنا جربت فعلا اللودر
وكان الدنجل بوصلة 12 فولت وفاتح المقاومة طبعا r8 وكرستالة 27000
والدنجل ماأخدش السوفت للأسف

[ramyooooo]

حاولت بشتى الطرق وللأسف الدنجل بيرفض السوفت باللودر ده
فيه حل تانى طيب ؟
على فكرة تغيير الفلاشة فيلم كبير والظاهر كده لازم الجهاز ياخد سوفت معين علشان أقدر أشغلو على التليفزيون وأغير السيريال بتاعو الأول من الريموت
ياريت لو حد يقولى طيب ايه لزوم كل حاجه علشان أفهم
يعنى الكرستالة 27000 وال 24000 بدونها الجهاز يحصلو ايه
والمقاومة r8 الفتح والقفل يعمل فى الجهاز ايه
وخط ال 24 وال 12 وما الفرق ولا دول علشان كل قمر يلزملو فولت معين
والفلاشة طبعا علشان السيريال (دى الوحيدة اللى فاهمها وأكيد مساحتها أكبر)
ما علينا لو حد عندو أى ملاحظات ياريت يفهمنى