صعيدي نزل على القاهرة لما رجع سالوه ..

[احمدونهله]

صعيدي نزل القاهرة أول مرة بحياته ؟ لما رجع الصعيد سألوه عن القاهرة قال لهم : يا خرابي على الي شفته هناك الناس ساكنه فوق بعضيها في عمارات إنما إيه ؟؟؟ كل عمارة فيها شقق متركبة فوق بعضيها...
آه وربنا .. زيّ ما بأُوُل لك كِدِه ؟؟ تدخل العمارة من دول تِلائي أوُدّامك أُوُضه بيسموها أهل مصر أصانصير ، بس نظيفة ونعمة ربّنا مافيهاش صراصير زي الأوض بتاعتنا بس هُمّه بيسموها كده ؟؟ ؟؟ الأصانصير ده بأه ليه باب من حديد ، تدخل الأوُضه تلاقي عالحيطة زراير زي زراير جلابية العمدة ، تكبس على الزر من دول ، الشقة بتاعتك تنزل لحدّ عندك ؟؟؟ !!الله ... مش دي مصر أم الدنيا ؟؟؟!!!!!!

[Mr.Mostafa]

يا اخى اتقى الله فينا لسنا بهذا الغباء ان الصعيد خرج من عباقرة مازال التاريخ يتحدث عنهم

[خضر2003]

دي نكته أخي مصطفى

وما تتحسسش منها

ذي عندنا في سوريا أهل حمص كل يوم عليهم نكته جديده

واتخن من كده

بس لما يسمعها أهل حمص يضحكوا عليها

وداه عادي حبيبي

داه ان دل على شيئ بيدل على طيبة وبساطة اهل الريف

وبيختلفوا عن اهل المدينه

وداه طبيعي اكيد لان ابن المدينهكل يوم بيشوف بنايات واسنسيرات

والسينمات ومش غريبه عليه المواضيع دية

داه رايي بالموضوع

[هانى البسيونى]

بالفعل استاذ خضر انا اؤيد حضرتك فى هذا الكلام
انا من اصل صعيدى بس بضحك على النكت دى بس ما فيش مانع ان النكتة دى زودتها شوية

[محمود ابواحمد]

طيب ما انا من الصعيد ينفع اضحك واقول واتريق على اهل مصر المحروسه هذا الكلام لايصح

[عمرو البسيونى]

عادى اخوانى كاتب هذا الموضوع لا يقصد الاساءة الينا ولكنه يمزح

[هيثم الوزير]

تحيه لاهل الصعيد وهذا الكلام لا يجوز

[NASHAT2003]

المشاركة الأصلية كتبت بواسطة ThE EnG MostafA

يا اخى اتقى الله فينا لسنا بهذا الغباء ان الصعيد خرج من عباقرة مازال التاريخ يتحدث عنهم

حبيبى لاتزعل معظم القاهرةو اسكندرية صاعيدة والاخ لا يقصد شيئ لك منا الف تحية

[zakria]

نحن فى الصعيد نسكن فى فيلات وقصور وبها التكيف والدش والdsl وكل ما يعرف الاخ الكريم وما لايعرف وفى سعة من العيش والارض ورغد الحياة وانا صعيدى ذهبت قريبا الى المحروسة وجدت ناس تسكن فى علب كبريت فوق بعضهم وشقة فيها اكثر من اسرة ودو اسعد حال من كثير ينمون فى الشوارع وليس لهم سكن وشوارع مش نظيفة وذحام ولاذم تكون صاحى لانك لو غفلت ثوانى راح ضيع ومش عاوز اذود اكثر من كدة يكون الله فى عون سكان القاهرة ويا ريت الاخ الكريم يزور الصعيد ويقرا تاريخ بلدة اللى بيضحك عليه الحضارة فى الصعيدوفى التاريخ الحديث من جمال عبد الناصر الى طه حسين والعقاد وكثير من بنو مصر هم اهل الصعيد ولاتثير الفتنة لعن الله من ايقظها

[عمرالفولي]

بسم الله الرحمن الرحيم
احيكم بتحية الاسلام الا وهى
السلام عليكم ورحمة الله وبركاتة
احدثك اليوم يا اخ
احمدونهلة
من الصعيد مصنع الرجال ارض الكرامة والشهامة
ونعرفك بنبذة مختصرة عن صعيد مصر

صعيد مصر هي منطقة تقع في الجزء العلوي من أراضي نهر النيل في مصر. تمتد هذه المنطقة من الجيزة شمالا حتى أسوان جنوبا. هى في الخريطة الجزء الاسفل من مصر و يتميز الصعيد بخصوبة اراضيه و تنتشر فيه زراعات قصب السكر و توجد في مدينة نجع حمادى بمحافظة قنا مصانع الألومنيوم و التى تعتمد على كهرباء السد العالي و هو من أهم موارد الطاقة بمصر و يوجد في الصعيد جنوب اسوان كما ان للصعيد مقومات سياحية كبيرة ففيه تنتشر الاثار الفرعونية و تحتوى مدينة الأقصر وحدها على ثلث اثار العالم كما انا كلا من اسوان و قنا و ادفو و تل العمارنة تحتوى على اثار هائلة كما ان مدن الصعيد و على راسها اسوان تتميز بجمال طبيعى و اعتدال درجات الحرارة في فصل الشتاء مما يجعله مشتى رائع و على الرغم من ذلك فان الصعيد يعد بوجه عام افقر من الوجه البحري و مستويات المعيشة في مدنه تقل عن مثيلاتها في القاهرة و الاسكندرية و مدن القناة, ولا يتحدث سكان صعيد مصر العربية بلهجة مختلفة إلى حد ما عن لهجة اهالى القاهرة و الاسكندرية و تعرف باللهجة صعيدية و يمتاز مناخ الصعيد بقلة امطاره و ارتفاع درجة حرارته. من أهم مدن صعيد مصر:

سوهاج
الأقصر
المنيا
أسيوط
قنا
أسوان
الجيزة
بني سويف
الفيوم
وكفى

مرة توتى وسوسى ماشين مع بعض

توتى اشترى بسكوتة

قال لسوسى خد أكسرها

قاله سوسى لا ياعم دى محشية

[ساهر سات]

اخى الكريم مصطفى
=============
بعد التحية والاحترام والتقدير لكل اهل الصعيد
لان كلنا منبعنا ريف وصعيد
والاخ الفاضل صاحب المشاركة لايقصد احد معين
فان كنت زعلان اقبل اسفنا جميعا نيابة عن اخينا
والمقصود كلة دعابة لا اكتر وتقبل تحياتنا جميعا
لك ولاهل الصعيد اهلنا

[الشرق للستالايت]

بالفعل استاذ ساهر احييك على كلامك
بس اريد ا انوه ان صاحب الموضوع لا يقصد اى اساءة لاى حد ده مجرد نكتة للمزحة مش اكتر ولا اقل
مع احترامى زى النكت اللى بتتقال على اهل الريف مثلا زى المنايفة والشرقاوية
فمن يقول هذه النكت لايقصد الاساءه لاى فرد ولكنه يريد المزحة لا اكتر ولا اقل

ومن المعروف على مدار الزمن ان اهل الصعيد دائما وابدا يخرج منهم العباقرة امثال :
الزعيم الارحل جمال عبد الناصر صاحب قرار تاميم قناة السويس
ورفاعة الطهطاوى
وعباس العقاد
وطه حسين
وغيرهم الكثير

[Mr.Mostafa]

شكرا يا اخوانى على روحكم الطيبة

[saeaydahmad]

شكرا يا اخوانى على روحكم الطيبة

[هوبا 2009]

مشكووووووور اخى على هذه المشاركة المميزة