[nourelahk]

ياللى مالكش مثال فى جمال ==== قلبى اشتاق يعرف احوالك
لما. سافرت بعيد عن. ناسك ==== اية احساسك مين على بالك

==========

عامل اية فى بلاد الغربه ==== احكى وقول . ياحبيبى .ياغالى
ازرع . ود جميل. ومحبة ==== بين الكل وقول موالى
والموال اخلاص وتفانى ==== م الاحساس وبقولى اغانى
لما تعود بالخير تلقانى ==== كل . امالى . هى . امالك
==========

بس ابعتلى جواب طمنى ==== ريح بالى من نواحيك
ياللى مفيش غيرك يشغلنى==== رد عليه الله يخليك
استنيت لجوابك غاب ===== اوعى تكون ناسى الاحباب
ياما سمعت ملام وعتاب ==== من عزالى ومن عزالك
ياللى مالكش مثال فى جمالك


ابوسعيد الشليحى