المشاركة الأصلية بواسطة ahmed55555
اخى الكربم
مش بالضروره خالص يكون المكبر الاساسى
ولكن ابدا من الاول خالص
يعنى جرب الصوره على الاجهزه دون المكبر الاساسى
وبعدين جرب ركب الاجهزه على المكبر ووصل سلك كبير وجرب على تلفزيونك
وبعدين لو مقسم الخطوط اللى خارجه من عندك جرب فى اقرب مكبر من الشبكه
وهكذا الى ان تصل الى عمق المشكله
وياريت لو تقيس خرج كل مكبر وانشا الله تصل الى حل
وممكن لو لقيت خرج كهربا عالى فى اى مكبر توصل سلك
وتوصله بالارض عشان تفرغ الشحنات
تحياتى
بارك الله فيك اخ احمد تحياتى اليك
اخى شخصيا متاكد مائه فى المائه ان مشكلتك تكمن فى الاحتمالات الاتيه
1- تلك الكهرباء التى اشرت اليها و التى يشعر بها المشتركين و بتكون شديده لدرجة معها بتسبب اذى للمشتركين
2- تاثر المكبرات فى الشوارع بتلك الكهرباء و نشرها على عموم الشبكه و قد تسبب تلك الكهرباء تلف المكبر و حرق الترانس الخاص به و عدم ثبات الصوره
و ناتى لحل تلك المشكله
1- يجب ان تعرف سبب الكهرباء الموجوده فى سلوك الدش و المشتركين و تنهى تلك المشكله على الفور
1- و يكون السبب عاده هو اما يكون تلفزيون قديم مثلا و رادد كهرباء على الشبكه و بذلك تفصل ذلك السلك حتى يتم تصليح التلفزيون او تغييره
2- اما يكون احد سلوكك الرئيسيه او احد سلوك المشتركين التى تمدها على العمدان و كابسولات الكهرباء قد ساح و التصق بسلك كهرباء عمومى مما سبب تلك الكهرباء و عليك فصل السلكين عن بعض و التاكد من عزلهما جيدا
بعد التاكد من انتهاء مشكلة الكهرباء و طبعا هتمشى و راها و تجرب خط خط من خطوطك الى ان تعرف مصدرها باستخدام مفك تست كهرباء او لمبه اختبار او تجيب كهربائى و هو هيخلصلك الموضوع ده
هتشوف الصوره عامله ايه اذا انظبطت يكون كده كل شىء تمام و اذا لم يتم ذلك و استمر وجود عدم ثبات فى الصوره عليك بالاتى
1- توطى vhf بتاع المكبرات بتاع الشوارع
2- عاوزك تغير الافات الداخل و الاوت بتاع المكبرات لانها ممكن تكون ساحت بسبب الكهرباء او تكون مشعره
3- تستخدم التعليه و التوطيه بتاع uhf بحيث توطى شويه الى ان تزول الشبكه و تعلى من مكبر اخر بحيث تبقى متحكم فى الصوره
4- تتاكد من الاسبيلترات لا نها قد تسبب الشبكه على صورة القنوات نظرا انها صدت وغير معدله جيدا و ملمسه ارضى
5- اذا فعلت وو جدت ان المشكله مازالت موجوده على القنوات فتلك الحاله اعمل تنقلات فى انواع المكبرات
مثلا لو كان فيه تلفاز و تحته الصوره مش مظبوطه غيره و جيب مكانه مثلا مكبر ترومان او الكاد من عندك فى الشبكه برده اهم حاجه تكون مكبرات سليمه
اخى باذن الله بذلك المشكله هتتحل لو كان سببها الكهرباء
لو نرجع و نشوف ممكن يكون سبب المشكله شىء اخر
عاوز تاخد سلك تجرب عليه و تشوف صورتك تحت المكبر اللى صوره تحته عامله كده مش مظبوطه
و تشوف الصوره قبل المكبر اللى داخلله لازم تكون كويسه لو مش كويسه يبقى المكبر سليم و العيب فى الخط اللى جايله سواء فى مكبر قبله موزعله او سلك خامته سيئه او اف كنكتور مش متركب كويس او الاسبيلتر الى انت موزعله منه صدى و الخرج باظ و مش مظبوط و عامل افله مع المكبر
طب لو فرضا الصوره كويسه و بتحطها فى المكبر تلاقيها عاملت المشكله دية يبقى ادامك الاتى
1- المكبر يبقى ممكن يكون عطب و تعطل اما تغيره او تصلحه او تشترى غيره ابقى جربه و شوف الصوره بتاعته عامله ايه حلوه و لا وحشه ممكن يكون الجهاز معلق او التعليه و التوطيه volume بتاعه معلق او اتكسر او ممكن تكون انت موصله كهرباء غلط فردين كهرباء مثلا بدلا من خط ارضى و خط كهرباء عاوزك تتاكد من كويس من الحاجات دية
2- ممكن يكون العيب من الاسبيلترات او الافات الكنكتور اللى انت موزع منها من المكبر للمشتركين و فى الحاله دية تقوم بتغييرها او تعديلها و تركيها من او ل و جديد
3-ممكن يطلع المكبر سليم و الخط الى داخله صورته كويسه و الاسبيلترات كويسه و خط الكهرباء سليم و الافات سليمه
يبقى المشكله دلوقت بتنحصر فى شوية حاجات
1-ممكن يكون سلوك احد المشتركين اما ردد كهرباء من تلفزيونه او عامل افله مع المكبر و مسبب المشكله دية وفى الحاله دية تلغى الوصله دية لغاية لما صاحبها يظبط سلكه او تلفزيونه
2-ممكن يكون المكان ده مش محتاج مكبر من اساسه و بالتالى لو بتحط مكبر و المكبر بيجى يرفع الصوره حتى لو انت موطى volume التعليه بتاعه تلاقيه بوظ الصوره و جاب فيها خيالات و شديه بضعف و فى الحاله دية تلغيه و تحط بداله اسبيلتر هتلاقيها انظبطت باذن الله
3- ممكن تكون فيه حاجه خارجيه ماثره على المكبر زى محطات كهرباء الضغط العالى او اى شىء اخر و فى تلك الحاله عاوزك تغير مكان المكبر و تنقل سلوك المشتركين و خطوطك على المكان الجديد
لو فرضا اخى و صلك الشغل ده الى السنتر و عرفت ان المشكله ان الصوره طالعه مش مظبوطه من الاساس يبقى كده ممكن يكون العيب فى التالى
1- القسام اللى انت موزع منه خطوطك الاساسيه ضرب و باظت بعض خوارجه او كلها و فى تلك الحاله غيره باخر جديد
و احسن الانواع الماجيك و الاكوزى و الترياكس
2- و قد يكون العيب فى المكبر الرئيسى للشبكه شوف الصوره عامله ايه عليه و ثاتبته و لا مش ثابته و لو فيه اى مشكله غيره او قم بتصليحه ثم اعادة تركيبه من جديد و انا قلت قبل كده و شرحت ممكن تستغنى عن المكبر الكبر بمكبر صغير 2 خرج الكاد مثلا و بعده مكبر كبير تلفاز او الكاد 4 خرج و احسنهم التيرا
3- ممكن يكون العيب فى القسام اللى انت مجمع عليه قنواتك و فى الحاله دية تغيره باخر جديد
4-اخى ارى ان عدد قنواتك بسيط 20 قناه من الافضل ان يكون جميعهم على uhf لانه من الممكن ان تكون القنوات اللى انت حاططها على vhf هيه اللى مسببلك المشكله دية
اخى باذن الله مشكلتك لن تخرج عن تلك الاحتمالات السابقه و اى حاجه امر اخوك فى خدمتك
