[فؤش أبوعمر]

السلام عليكم ورحمة الله وبركاته
اريد مساعدة من إخواني في المنتدي انا عايز أشتري ريسيفر فول أتش دي لإن الريسيفر إللي كان عندي عادي وكنت مشترك في الجزيرة الرياضية وقطعوا عني الخدمة عشان لازم أغير الريسيفر وطبعا بيجبروك علي الريسيفر إللي هتشتريه وقررت أقاطعهم وأشتري ريسيفر وأتفرج عالأقمار إللي هتنقل كاس العالم لكن المشكلة الكبيرة مش عارف أشتري إيه
كل المنتديات وكل عضو برأي مختلف انا كنت مقتنع أشتري ترومان توب بوكس 2 لإنه عبارة عن بريميير 1+ وطوروا فيه البروسيسور والرام وإضافة 2تيونر لكن ناس كتيير بيقولوا مشاكل الترومان كتيير وبيهنج وبطئ في تقليب القنوات حتي لما نزلت باب اللوق كل المحلات حزروني من ترومان وكل الناس بيشكروا جدا في كيوماكس h4 وكيوماكس vdh2 وهم تقريبا نص تمن التوب بوكس2 وكل الناس بتشكر في الكيوماكس والحقيقة انا محتار بين الترومان والكيوماكس وستارسات 9900 إتش دي و دريك 7500 v3 فرجاء تساعدوني بالمميزات والعيوب لكل جهاز لو أمكن بحيادية وانا ميزانيتي 1000 بولي
انا عندي القمر الأوروبي مع النايلسات وبافكر أجيب أقمار تانية إضافية بس انا حاليا معنديش adsl يعني مهم الريسيفر يدعم اليو اس بي مودم إنترنت وهل هناك نوع مودم معين ولا لأ ؟
شكرا ليكم مقدما وأتمني سرعة المساعدة عشان كاس العالم الأسبوع القادم