14/8/2008, 01:27 AM
|
|
|
الا حبيـــــــــــــــــــــب اللـــــــــــــــه
حرك أوام فرشته
رسم الهلال ضلمه
والمدنه ضمه في حضنها.. قلوب كتير ظالمه
والحق شمسه في السما .. في صبحها نايمه
إلا حبيب الله
أرواحنا إحنا فداه
تبت إدين اللي رسم
واللي بحقده غواه
مين علم الفنان
الرسم بالألوان
فين احترام المبادئ
واحترام الرب والأديان
فين احترام الحضارة
واحترام الحق والإنسان
إلا حبيب الله
أرواحنا إحنا فداه
تبت إدين اللي رسم
واللي بحقده غواه
عايز تقيد النار
في مسلمين أحرار
فتنه دي ولا عداوه
وشر .. حقد .. ونار
إلا حبيب الله
أرواحنا إحنا فداه
تبت إدين اللي رسم واللي بحقده غواه
قولوا أوام يا كلاب
مش هو ده الإرهاب
إرهاب لأرواحنا.. ونفوسنا
ودين إله وهاب
بإدين شيطان .. كداب
الشر عنده كتاب
وفرشه ترسم .. تخلي الحق وهم ..و سراب
بتحركوا الأسباب
وتنشرا الإرهاب
عازينها ثوره تضِيع
فيها نفوس ورآب؟!
إلا حبيب الله
أرواحنا إحنا فداه
تبت إدين اللي رسم
واللي بحقده غواه
بينكو الحبيب يتهان
بإدين خسيس وجبان
البابا فين .. والكنيسه
الساسه .. والرهبان
إلا حبيب الله
أرواحنا إحنا فداه
تبت إدين اللي رسم
والي بحقده غواه
قوم يا كليم الله
إفتح لنا التوراه
واشهد بحق الله
قول الأمين الهادي.. كان
رحمه وهدى من الله
إلا حبيب الله
أرواحنا إحنا فداه
تبت إدين اللي رسم
واللي بحقده غواه
اشهد يا عيسى .. كمان
بالصدق والإيمان
قول الرسول طه
ختم .. وكل الأديان
قول .. معجزه القرآن
عدل وسلام وأمان
رحمه ومحبه وهدى
نور .. وعد بالغفران
إلا حبيب الله
أرواحنا إحنا فداه
تبت إدين اللي رسم
واللي بحقده غواه
تتصفف الأديان
قرآن في أعلى مكان
إنجيل وتوراه يشهدوا
ان الرسل إخوان
وإن الأمين الهادي.. صلي عليه إله.. ديان
إلا حبيب الله
أرواحنا إحنا فداه
تبت إدين اللي رسم
واللي بحقده غواه
إسلامنا عدل ...وسلام
مش دين سفه .. وكلام
ولادين مؤامره .. وقلوب الشر فيها إمام
إسلامنا رحمه ونور
وباسم رب غفور
محفوظ كتابنا .. ونبينا
الحرف.. طهر ونور
إلا حبيب الله
أرواحنا إحنا فداه
تبت إدين اللي رسم.. واللي بحقده غواه
عزة راجح
شاعرة مصرية
|