[الفارس الأبيض]

السلام عليكم،

بعد إذنكم أرجو المساعدة، أول امبارح اشتريت رسيفر tiger ag 999 علشان يفتح قنوات الـ **** SPORTS لأخويا الصغير، المهم لما جبته و وصلته بسلك نت كل حاجة اشتغلت ما عدا قناة **** SPORTS HD9 ،قلت مش مهم القناة دي ما دام باقي القنوات شغالة.

بعدها بيوم بفتح التلفزيون، جاتلي صفحة الرسيفر اللي عليها صورة النمر، و مدخلش، و قالي "لا يوجد خدمة"، زي ما يكون حد عمل إعادة ضبط مصنع، عملت بحث عن قنوات النايل سات من جديد، المشكلة بقى ان مفيش و لا قناة مشفرة اشتغلت تاني

أنا مش عارف يعني ايه لورد و سوفت وير و ازاي بعمل الحاجات دي، بس لو في حل أرجو محدش يبخل عليا بيه.
شكرا