[مدحت الجزيرة]

فهد بن سرور السعدي
عبث

أكثر أشيائي

عبث

وأجمل الفوضى

رحيل

هم

كرّاس وْ قلم

رزمة حروف وْصهيل

وآه

آه

والزحمه مشاعر

مالها في البال آخر

وكل مااكتضت في صدري

واصبحت مثل الغيوم

أو مساحات النخيل

ما يغرّد غير

جرحي

وما ألاقي غير

دمي

من عصافيرك يسيل

واذكر اذكر

إيه أنا اذكر

أذكر إن العشق

( طفل )

طفْْل دايم يحطبك

مدري يحطب صورتك

ويوقد عْيوني سهر

وانتي في يدينه ملامح

كل ما ضوّه احتضر

جابك لْـ رمشي وأسامح

إيه أسامح

كل مااتخيّل خطاك

إيه أسامح

وألقى في غْيابك معاك

متعه فْ نبش الجراح

لا غدا وجهك صباح

وآه

يا تعب ٍ يجيني

كل ماامتدت يميني

وحدي اللي في الوجود

وحولي أشواك وورود

وأكثر أشيائي عبث

أكثر أشيائي عبث




فهد بن سرور السعدي
ما قلت لك ؟!

ما قلت لك ان الفراق رماح
شف هالصدر وحكاية ثْقوبه
وش للهدد لو ينكسر بي جناح
جفن ٍ شقي ويشقّق فْ ثوبه
من قال أنا ضايع أنا مرتاح
بعض الحزن أهون من اكذوبه
جرح انقسم فيني وصار جْراح
حلق ٍ يبس وضلوع محطوبة
هو شافني يوم العروق صْحاح
ما شافني والروح منكوبة
لو بالهوى كل ٍ يجي مرتاح
ماكان به ملح ٍ تغنو به
ياصاحبي ليته موات أرواح
لو للوفي مما وفا عْقوبه
بعض الحكي جد وبعضْه مزاح
والناس ذي كل ٍ وإسلوبه
واللي دفع آدم على التفاح
ساق الحشا لمعانق ذنوبه
ولا ّ أنا وش لي بهالمرواح
لجل اني احط دوبي على دوبه
ياصاحبي دام الهوى لقّاح
وقلوبنا نحل ٍ محا التوبة
لا تقول لي مابالفراق رماح
هاك الصدر وانت احصي ثقوبه