[خلف الفنان]

صوتك أمانة

صوتك أمانة يا ابن بلدي كن له أمين
احميه وصونه دا جوهره من نوع ثمين
صـــوتك ســـلاحك قـــــدمه يوم الندا
حقك كتير صوتك كبير مستقبلك اليوم رهين
يوم انتخابك فيه انتماءك لو تكرمه
وتعظمه هتعيش كريم أجمل سنين
لجل الوطن قدم وفائك يوم انتخابك
واختار لعزه بحكمتك منه الامين
صوتك أمانه يا ابن بلدي متحجبوش
ليك ولـــعيالك قـــــدمه متــــسيبوش
زمن اللي كانو بيخطفوه زمن الوحوش
ولى زمانهم وانقرض واحنا الجيوش
وطنك امانه بخطوتك متاخروش
وطنك حياتك احفظه متضيعوش
دور بعقلك دا الوطن فيه الكتير
فيه اللي ناوي ينهبه وباع الضمير
فيه اللي ممكن يكسره وعليه خطير
وفيه اللي يروي تربته بدمه الغزير
حاذر دا وطنك دنيتك ابقى عليه
وصوتك عشانه بحكمتك تديه لمين
اوعاك تغامر بالوطن وتكون ضنين
هواللي بقيلك من الزمن هو الحنين
راحوا اللي كانوا في الوطن عاملين
رحهم مليكه بتحفظه وأصلهم شياطين
نهبوا الوطن ظلموا الوطن طول السنين
فين الحقيقة فين صدقهم فين اليمين
انسى اللي كانوا للوطن كارهين
اوعاك تكون زيهم دول مجرمين
حب الوطن أصله ايه معناته ايه
كلام نقوله نكرره ونتغنى بيه
ولا مجرد تسليه وكلام شبيه
حلوه قوي النكتة ديه لما الوطن نتسلى بيه
لما الوطن يبقى الضحيه لعنجهيه
وتمسليه ولعبه ليهم يتسلوا بيه
آخر المتمه اختم كلامي بكلمتين
صوتك أمانه يا ابن بلدي كن له أمين
خلف محمد