صباح الخير اخى مصطفى
اخى اسبيلتر مقلوب يعنى تجيب الاسبيلتر fte و تاخد من خرج الصوره بتاع الريسفرات و تركب فيه اف كنكتور و تركبه فى خوارج الاسبيلتر المكتوب عليها out و بعد كده تاخد من الخرج in بتاع الاسبيلتر و تركبه فى الخرج الداخل in بتاع المكبر الرئيسى in فى الفتحه الاولى من المكبر uhf
اخى بالنسبه لتابات التفقيد هتلاقى حتى تفقيد 45 ديسبيل و بانواع كثيره
اخى انا حططلك المشفر على البندات 31و 33 و 35 و 37 و 39 و 41 و 43 و 45 و 47 و 49 و 51 و 53 و 55و 57 و 59 و هى لا تسقط بسهوله و فى نفس الوقت لا احد يلتقطها بدون ان يشترك معاك و ان كنت قلقان و خايف تسقط خلاص انقلها على البندات الاولى و اسحب منها على الاسبيلتر
اخى مصطفى احب اوضحلك حاجه لكل شيخ طريقه و ربما يقوم الفنى بتجميع القنوات بطريقه مختلفه كليا عن الطريقه التى شرحتها و ليس هذا معناه انه خاطىء وانا على صواب او العكس
و لكن البرهان الحقيقى لنجاح اى طريقه هو الصوره المرئيه و مدى جودتها و ثباتها فهمت اخى و داخل موضوعى هتجد شرح لاكثر من شبكه و باكثر من طريقه كذلك اذا راجعت المواضيع المثبته فى اعلى القسم هتجد شرح المهندس محمد باكثر من طريقه و كل الطرق صحيحه و لكن تعتمد على مدى مهارة الشخص فى تنفيذها و الاستفاده القصوى منها
و قد شرحت طريقتى بالتفصيل الممل على مدار المشاركات السابقه و حاولت اساعد الاخوه على تركيب شبكتهم على الرغم من عدم رؤيتى للشبكه و هم ان قرؤا موضوعى جيدا و نفذوه لركبوا الشبكه و جمعوا صورتهم فى اقل من نصف ساعه
اخى مصطفى الاحظ من كلامك انه ليس عندك خلفيه عن الموضوع اطلاقا و لذلك اقترح عليك بالاتى
اولا تدى العيش لخبازه حتى لو نص سوى و تسيب الفنى يجمع القنوات و يظبطها عشان تلحق تبدا شغلك و خصوصا اننا فى اول الشهر و عاوزك تظبط حالك عشا ن متتخارش اكتر من كده
ثانيا تقرا الموضوع بتاعى كويس و كذلك المواضيع المثبته فى اعلى القسم و اى شىء تجهله او لا تفهمه اسالنى فيه و باذن الله ساسهب فى الحديث عنه حتى تفهمه
ثالثا اريدك انك تنزل معاك الشغل على الاقل صنايعى يكون فاهم الشغل ماشى الزاى و الزاى توصل لمشترك و تجيبله سلكه منين بمعنى اصح يكون فاهم و ياسلام لوكان خبره عشان تتعلم منه عملى و تعمل زيه بعد كده فى كل شىء فى تقسيمة الشبكه و غيرها
اخى لا تاخذ كلامى انى اتنصل عن مساعدتك و لكنى بحب ابدا كل شىء صح عشان يبقى الاساس صح و تعرف بعد كده تتصرف لوحدك فى اى مشكله تواجهك بعد كده بدون الرجوع الى اى احد
يارب اكون افادتك و اى حاجه امرنى اخى
