رد: شرح تركيب شبكة دش مركزى
اخى مصطفى ياريت تفصص سؤالك لانه كبير جدا جزء جزء و تنفذه معايا لانى لا ارى شبكتك
ومبدئيا اريد ان اعرف ماهى قنوات التوليف الارضيه الموجوده عندك فى الشبكه ؟ و ماهى مساحة شبكتك؟ وماهو شكلها على شكل دائره اومستطيل او غير منتظمه؟ و المسافه بين كل مشترك و الاخر اد ايه ؟
بالنسبه لقنوات التكنوسات888 للمدى vhf هتركبهم على تاب تفقيد 17 ديسبيل و هيكون مقلوب هتاخد من خرج out بتاعهم على الاسبيلتر المقلوب مباشره معنى كده هتكون مفقدهم على الاخر وتاخد منهم على الدخل in بتاع vhf و توطيه على الاخر ممكن يتعلى بعد كده و لكن بحيث انه لا يؤثر على uhf انت كده متحكم فى vhf على الاخر و بنسبه كبيره مش هياثر علىuhf
و بالنسبه لقنوات توليفهم اختار قناة التوليف 16 و 18 من قائمة اعداد النظام بتاع الريسفر وكده انت ركبت جهازين
و ان كنت انصحك ان تكون قنواتك كلها على المدى uhf و ترجع الريسفرين وتجيب اى ريسفرات اخرى مثل ريسفرات الجاك او الفيجا او اى ريسفرات مستعمله استعمال جيد و تريح دمغاك خالص
بالنسبه لقنوات التوليف على uhf ممكن تمشى فردى 21 ثم 23 ثم 25 ثم 27 وهكذا الى 69
اوتمشى فردى او لا ثم زوجى 21 ثم 23 ثم 25 ثم 27 ثم 29 ثم 32 ثم 34 ثم 36 و هكذا الى 68
و تحط قنواتك عادى
انت هتحط ريسفرات الجاك و الفيجا و الاسترا على او ل 5 بندات 21 و 23 و 25 و 27 و 29 و هتسحب منهم صورتك على الاسبيلتر الترياكس او على الاسبيلتر fte اللى يريحك فيهم و ان كنت افضل fte لانه فيه خوارج اكثر طبعا فى الوضع ده هيكون الاسبيلتر مقلوب هتاخد من الريسفرات out وتركب فى الاسبيلتر و تاخدمن in بتاع الاسبيلتر و تركبه فى او ل خرج in الخاص ب uhf و هو اقوى دخل عندك من حيث الديسبيل و انت بتركب الريسفرات شوف صورتك عامله ايه فى ريسفر يسبب التشويش على بقيه الريسفرا ت او هناك ريسفر يسبب شديه او القنوات كلها رتم و احدياريت تسجل ملاحظاتك فى ورقه و تعرف اى ريسفر يسبب اى مشكله عند تركيبه على بقيه الريسفرات و اؤكد انه يجب ان تكون كل الريسفرات نظام الصوت و الصوره pal bg و درجة uhf ofsset صفر على جميع الريسفرات و بذلك تكون جمعت 7 ريسفرات
كده هيتبقى معاك 15 ريسفر تايجر هتحطهم على بقية قنوات التوليف كما تريد هتحط 3 ريسفرات تايجر على بندات 31 و 33 و 35 و هتسحب منهم صوره ايضا على الاسبيلتر المقلوب و انت بتابع صورتك طول الوقت وكده انت جمعت 10 قنوات يعنى حوالى نصف قنواتك تقريبا و volume بتاع التعليه و التوطيه على الدخل in بتاع uhf عاوزك تقفله هو الاخر و بالتوزيعه ديه هتجد ان القنوات ضعيفه و لكنها رتم و احد على المدى uhf او هناك تفاوت بسيط فيما بينهم نظرا لاختلاف انواع الاجهزه عن بعضها و هى اقوى من القناتين على المدى vhf الذى سيظهر ضعيف جدا و يجب ان يكون ضعيف و لكن اطمن الصوره هتطلع بره حلوه اهم حاجه انت المتحكم فى الريسفرات و ليست هى المتحكمه فيك
اخى ساكمل لك بقية الشرح اليوم باذن الله بعد متجاوب على الاسئله اللى سالتهالك و خليك ماشى معايا حاجه حاجه و او صف وصف دقيق لانى على وصفك هاقولك تعمل ايه بالضبط
|