اخى مصطفى هكمل معاك الشرح احنا كنا جمعنا حوالى 10 قنوات هنكمل بقية القنوات انت هتاخد صوره من اخر8 بندات عندك و هتحملهم على اول 8 بندات و ادامك طريقتين اما تمشى الزوجى مع التردد الزوجى و التردد الفردى مع التردد الفردى و الطريقه الثانيه تعكس الزوجى يمشى مع الفردى و الفردى يمشى مع الزوجى يعنى ايه الكلام ده اول بندات انت مركبها فى الاسبيلتر و ساحب منها صورتك هى 21 حتى35 و اخر 8 بندات عندك هى من 45 الى 59 على الطريقه الاولى مثلا البند 59 هو بند فردى لذلك هو يمشى مع البندات 31 و 33 و 35 و نفس الكلام ينطبق على الترددات 57 و 55 و 53 و 51 و بقية البندات ابتداء من 45 الى 49 و هى بندات زوجى لذلك هى بندات تمشى مع البندات من 21 الى 29 طبعا انت هتاخد صورتك من البندات الاخيره وتحملها على rf in بتاع البندات الاولى و بذلك هتكون صورتها احلى و اقوى او تمشى العكس حسب الطريقه التانيه و بكده تجمع البندات الاخيره الفردى من 51 الى 59 مع البندات الزوجى من البندات الاولى من 21 الى 29 و تجمع البندات الزوجى من البندات الاخيره من 45 الى 49 مع البندات الفردى 31 و 33 و 35 و عاوزك و انت بتجمع متجمعش اكتر من 3 ريسفرات مع بعض و فى نفس الوقت و انت متجمع عاوزك تاخد بالك من الريسفرات بحيث ممكن يقابلك ريسفر بيرفع القنوات اى ريسفر بتحمله عليه تلاقيه بيرفعه فى الحاله دية مثلا هتحط الريسفرده فى البندات الاولى و هتسحب منه صوره و تحمل عليه البندات الاخيره و بذلك لن تسقط معك و قد يحدث معك العكس و تعرف مثلا ان الريسفر ده خرجه ضعيف و لا يرفع القنوات يبقى مش هتسحب منه صوره على الاسبيلتر و منه الى المكبر بالعكس انت هتسحب منه صوره و تحمله على ريسفر اخر عشان يترفع اخى بذلك نكون جمعنا حوالى 18 ريسفر من اصل 22 ريسفر و لكن لننظر للوضع الان بعد تجميعك للقنوات هتلاقى القنوات على vhf ضعيفه و هو المطلوب هتلاقى البندات الاولى على uhf جيده و اقوى من البندات vhf و هتلاقى البندات الاخيره صورتها المفروض احسن من الباقيين على الرغم من انك لسه قفل volume بتاع التعليه و التوطيه اخى كده هيتبقى 3 ريسفرات و هى البندات 37 و 39 و 41 و اتبع معهم احد الطريقتين السابق شرحهم فى نفس المشاركه و كده تبقى جمعت قنواتك 22 قناه
عاوزك تشوف قنواتك و هيه لازم تكون حاجه من اتنين اما تكون كلها رتم واحد
او تكون بندات vhf و البندات الاولى uhf ضعيفه و البندات الاخيره اقوى نسبيا منهم
عاوزك تتاكد من صورة القنوات الارضيه الموجوده على uhf و تشوف صورتها عامله ايه اذا كانت جيده و صورة قنوات الدش جيده يكون كده كل شىء تمام اشتغل ووزع صورتك فى الشوارع
اخى نظرا انك بتجمع قنواتك من غير جهاز sound level meter اريدك ان تاخذ من خرج test من المكبر الكبير على بكره كبيره rg6 و طبعا عندك بكر سلك و تاخد من طرفها و تركبه على تلفزيون جيد الصنع و ليكن توشيبا او lg و شوف صورتك اخى انت كده هتشوف صورتك الحقيقيه فى الخارج وعرفت ان كانت الصوره اصبحت مضغوطه ام لا بحيث انها تجرى و تمشى مسافه كبيره و تحتفظ بقوتها ام لا و هتعرف اى القنوات ضعيفه و اى القنوات قويه و هتغير فى توزيعتك و تعمل تنقل فى rf لغاية متصبح القنوات امارتم واحد او كماقلت من قبل البندات الاولى ضعيفه و الاخيره اقوى منها و احسن و بذلك تضمن انها لن تسقط معك و طبعا هتستخدم volume التعليه و التوطيه فى المكبر الكبير انت بالطريقه دية لما هتعلى volume بتاع uhf انت طبعا ساحب صورتك من البندات الاولى و متخفاش عليها صورتها هتطلع حلوه و متتاثرش بالسحب كتير و انت سحبت منها عشان تضعفها شويه و حملت عليها البندات الاخيره عشان تستغل خرج ريسفراتها و هى بذلك هتنعملك و هترفع صورة البندات الاخيره و بذلك لن تسقط معك و لما تيجى تعلى لازم يكون فيه نسبه و تناسب لما تيجى تعلى volume بتاع vhf تعليه بشرط انه لا يؤثر على uhf او لا تعليه و اترك مهمة رفع قنوات vhf على مكبرات الشوارع لانك هتكون فيها اكتر متحكم و بذلك vhf لن يسبب ليك اى مشكله على الاطلاق فى التجميع داخل السنتر
ياريت تنفذها و ترد عليا و تعرفنى ايه هيه النتيجه عشان دية اهم مرحله و لازم يكون كل شىء مظبوط و صورتك حلوه
يارب يكون شرحى و اضح و اكون افادتك اخى منتظر ردك
