[عبدالرحمن سيد]

بسم الله الرحمن الرحيم
من بعد لحظات صمت
وحيرة ويا القلم
رضى القلم عنى
واليوم هنبدأ كلام وازاى نغير
زمان مش بس رغى وكلام
عاوزين يا ناس نبدأ
ودى بداية كلامى
قا لوا القيادة رياسة
قلت القيادة أخلاق
عشان تكون قائد
لازم تكون خلاق
تعرف حقيقة كيانك
ترسم بناء فى سماء
اساسه صدق الحديث
جدرانه نور ووفاء
خلى الالاه المثل
أساس بناؤه قضاء
العدل كان كلمته
الظلم أخره هلاك
قالوا القيادة رياسة
قلت القيادة حنان
عشان تكون قائد
لازم تكون فنان
يرسم ينغم حياته
بالريشة والالحان
ازاى يرضى الرعية
بحنانه شايل ميزان
خلى الالاه المثل
دا مثاله فى الرحمن
خلى الميزان الحكم
عشان تكون قائد
لازم تكون انسان