13/8/2011, 10:46 PM
|
|
|
رسالة مهمة لحسنى مبارك
انا منك
سنين عايش
تحت امرك
تقول حاجة
انفذها
صح غلط
المهم تكون انت
عايزاها
تتحاكم بقى
او متتحاكمش
ازاى تصعب عليا
وانا عليك مصعبش
كنت مالك كل حاجة
وطلباتك اوامر
شوفت حالك دلوقت ايه
صحيح ربى قادر
من بعد عز يرميك فى ذل
وضعف وهوان
حقيقى انا مش مبسوط
ولا حتى زعلان
ولا بحبك
ولا فيك شمتان
انا عايز بس الحق
هو اللى يبان
مش عايز ظلم تانى
ولا عايز اتهان
انا عايز اعيش بكرامة
نفسى اكون انسان
فى عهدك كرهت بلدى
وكرهت اى مكان
ازاى اعيش من غير وطن
من غير عنوان
وانا لما اكره بلادى عشانك
ازاى اعيش ف امان
رسالة وبقولها وبفكر نفسى
ازاى تصعب عليا
وازاى انسى
مليون نايم جعان
مش هتصعب يوم عليا
مش هابكى عليك كمان
وانت عمرك مهما تبكى
مش هتنسينا اللى كان
كنت واهم
ولا نايم
ولا اصلا مش فاهم
مش فارقة بقى
وبكل صراحة
انا عايزك تتحاكم
|